💙ماذا فعلتي بي💙

pt 15💙

ماذا فعلتي بي 💙

جماعه ممكن تكتبولي في الكومنتات رأيكم في الروايه

part 15

وجد فطرت و خرجت ركبت تاكسي و راحت عند حمزه

( طبعا الكل هيسائل و جد جابت الكاميرا منين و الكلام ده ... زي مقولت وجد كانت بتشتغل اون لاين و وجد كانت احيانا بتروح الكليه و كانت من هويتها الرسم و التصوير فاشترت كاميرا )

وجد وصلت

حمزه فتح الباب

حمزه: اهلا باحلى اخت في الدنيا
وجد: اخويا الجدع الي واحشناييي
ناهد من جوا: مين جه يا حمزه و ايه الدوشه دي
وجد: ده انا يا نونو
ناهد خرجت و خدت وجد في حضنها : بنتي عامله ايه يا حبيبتي. حشتني اوي
وجد: وانتي كمان يا نونو والله وحشتيني و وحشني حضنك
ناهد: عامله ايه مع الزفته سميره
وجد: ياه يا نونو هو انا مقولتلكيش
ناهد: لا

وجد دخلت
و حكتلهم علي كل حاجه بالتفاصيل

حمزه: كل ده حصل معاكي
ناهد: بس الحمدلله يا حبيبتي انك خرجتي من الجحيم اللي انتي كنتي فيه ده
وجد: الحمدلله... قوليلي بقي يا نونو عملين غدا ايه بقى عشان اكلك وحشني
ناهد: عمله محشي ورق عنب و ملوخيه و فراخ
وجد: يا ديني علي الجمال قلبي الصغير لا يتحمل

( ده بيبقى الرياكش بتاعي لما ماما تعمل الاكل ده 😂)

ناهد: انا هقوم احضر اهو
وجد: ماشي يا نونو

وجد: الكاميرا اهي يا عم الناس
حمزه: تسلم يا صحبي

وجد قضت معاهم اليوم و روحت و كانت الساعه حوالي سته

دخلت القصر

وجد: مساء الخير علي احلي عيله في مجره درب التبانة
الكل ضحك : مساء النور

صخر كان في صاله الجيم اللي في القصر كان بيطلع كل غضبه فيها

وجد حضنت أمل و قعدت جنبها

غاده:مش ناهد دي مرات عمك حسين  صح
وجد: اه بس أطلقوا من سبع سنين
غاده: ليه كده
وجد:كان بيخونها و في مره حاول يمد أيده عليها بس حمزه مسمحلوش و  بعدين أطلقوا و حمزه خادها و سكنوا في الزمالك بدل القصر و عمي بيقولوا اتجوز واحده تركيه و سافر معاها
غاده: يعيني عليها

عند صخر

صخر بيكلم نفسه بغضب : حمزه هتروحي عند حمزه ... حمزه ده انا هطلع ***** حمزه

و بعدين طلع تليفونه و كلم احمد

احمد: الو يا باشا
صخر: عايزك تجبلي كل المعلومات عن حمزه الادهم و عنوانه و كل حاجه عنه
احمد: أوامرك يا باشا

صخر قفل : لما نشوف اخرتها يا وجدي

صخر خرج و وجد كانت طالعه على غرفتها بس مكنتش شايفه صخر و كانت بصه وراها مره وحده لقت نفسها بتخبط فحد و وقعت علي الارض

صخر مد أيده: مش تخلي بالك
وجد قامت: انا اسفه

و بعدين طلعت

صخر طلع غرفته و دخل ياخد شاور
صخر: ياخربيت برودك يا وجد .و كمل بابتسامة .  بس الصراحه قمر في كل الحالات

صخر خرج و لبس بنطلون جينز و قميص اسود و سرح شعره لورا و لبس جزمه سوده و كان قمر كده و كلم لمار

صخر:لمار اجهزي عشان هعدي عليكي و نروح نتعشي برا
لمار: اوكيه يا بيبي

صخر قفل معاها
صخر: يا شيخه كتك القرف

تسريع الأحداث
صخر راح للمار و راحوا علي مطعم شيك اوي

صخر طلع خاتم الماس من جيبه

صخر بتمثل: لمار حبيبتي اتمني انك تقبلي الهديه البسيطة دي
لمار: ده خاتم الماس
صخر بتمثيل: اه يا حبيبتي
لمار: انا بحبك يا صخر
صخر  بتمثيل: وانا كمان يا عيون صخر

برا المطعم شخص بيصور صخر و لمار

نرجع لصخر و لمار

صخر: مش عايزك تقلعي الخاتم ده ابدا يا حبيبتي ماشي
لمار: حاضر يا حبيبي

في الوقت ده وجد كانت ماسكه تليفونها بتقلب في الواتس أب مره وحده صور صخر و لمار وصولتها من رقم غريب وجد وشها احمر و حست انها عايزه تعيط

وجد لنفسها: ليه كده يا صخر .... هو ايه اللي ليه كده مش دي خطيبته ليه مضايقه .... مش عارفه .... اكيد علقتي نفسك بفكره أنه بيغير عليكي صح .... يمكن ...  وجد صخر موعدكيش بحاجه عشان تضايقي أو تغيري عليه اوعي تكوني ابتديتي تحسي بحاجه من ناحيته .... انا مش عرفه بس مش بأيدي...... احنا مش ناقصين و جه قلب تاني كفايا كده..... هحاول

نرجع لصخر و لمار

لمار في نفسها : اول مره احس انك مغفل كده يا صخر هههه ( طبعا دي ضحكات ساحره شريره اللي بتيجي في الكرتون دي🧙‍♀️😂)

لمار: بجد الخاتم تحفه يا حبيبي
صخر بتمثيل: اي حاجه تبقى حلوه عليه

صخر لنفسه : يخربيت اعرفك يا شيخه حطه كيلو مكياج فوشك ... انا مستحمل اقعد معاكي بس عشان الخطه اللي انا حاطيطها تمشي زي ما انا عايز كتك القرف .... مستني اليوم اللي ارميكي واكسرك فيه و المصحف لدفعك تمن الخمس سنين اللي فاتو و معملتي البارده مع وجد بسببك

لمار: مالك سرحت في ايه صخري

صخر في نفسه: صخري منك لله يا بعيده انا كنت بحب فيكي ايه

صخر: ابدا يا حبيبتي انا معاكي

بعد ساعات صخر وصل لمار بيتها و راح علي القصر صخر

كان طالع غرفته و شاف وجد قعده في الجنينه دخلها

صخر: قعده لوحدك ليه
وجد: عادي ...  كملت بضحك .بحب اقعد اعد النجوم وانا مضيفه عشان انسى
صخر: و مين مزعل القمر بس
وجد وشها احمر: اسمي وجد
صخر: وجد
وجد: نعم
صخر: وجد انا ****

😱 تفتكروا هيقولها ايه استنوا البارت الجاي عشان تعرفوا ❤️

الكاتبه رينو سيد 💕