💙ماذا فعلتي بي💙

pt 4💙

ماذا فعلتي بي 💙

part  4

صخر خرج و كلم معاذ
(معاذ ده صحفي)

صخر: معاذ  انا بعتلك صوره  علي الواتس اب عايزك تكتب أن هي مفقوده و اللي هيلقيها ليه جائزه حلوه
معاذ: حاضر يا باشا

صخر قفل مع معاذ

صخر: انا مش فاهم المصيبه دي جاتلي منين لولا امي بس مكنش زماني عملت  كل ده

صباح اليوم التالي

وجد صحيت بنشاط دخلت الحمام خدت شاور و اتوضت و صلت
و بعدين بتفتح التليفزيون لقت صورتها مكتوب أنها مفقوده و اللي هيعثر عليها ليه خمسين ألف جنيه

وجد: no way مش معقول بابا  بيدور عليا لا واللي هيلقيني هياخد خمسين ألف جنيه اكيد لا

وجد طلعت هودي اسود  واسع جدا و بنطلون اسود مش واسع و مش ديق يعني و كوتش اسود و كاب اسود و كمامه سوده يعني مكنش باين غير عينيها  و دخلت شعرها جوا الهودي و رفعت الكابتشو بتاعه يعني شعرها مكنش باين

وجد: كده تمام اوي  محدش هيقدر يتعرف عليا خالص بس انا كده مش هقدر اقدم في الشركه  بشهادتي اكيد هيقدروا يتعرفوا عليا بسهوله

وجد نزلت و خدت صوره مامتها معاها

البنت اللي بتشتغل في الفندق: لو سمحت انسه و جد
وجد: افندم
البنت: بصي انا حاسه ان فيه حاجه غلط انتي صورك ملت التليفزيون ممكن افهم فيه ايه
وجد: انا عارفه انك قلقانه بس انا والله معملتش حاجه غلط
البنت: طب ممكن تفهمني تعالي نقعد هنا و فهميني عشان اقدر اسعدك
وجد : تمام... بصي يا ستي من ساعت ماتولدت و انا عايشه مع ابويا و مراته مشفتش امي قبل كده بس هي مش متوفيه كل لما اسئل عليها كنت بتضرب و كل يوم إهانات و شتيمه و ضرب من مرات ابويا ده غير انا اللي بنضف البيت كله لوحدي لحد امبارح كنت بنضف مغزن أو زي صندره في البيت كده لقيت صندوق وقع فيه صوره لامي
البنت: ازاي عرفتي أنها امك
وجد: بصي الصورة اهي و مكتوب ورا أمل حبيبتي و أمل دي تبقي ماما شفت اسمها في شهاده ميلادي و بعدين قولت اهرب من البيت عشان ارتاح من الذل و كمان عشان ادور علي امي انا متأكدة أنها بتدور عليا
البنت: طب ليه ابوكي بيدور عليكي لو هو مش بيحبك
وجد: مش عارفه... بس هي دي حكايتي
البنت: الصراحه انا مصدقاكي جدا لانك باين عليكي مش بتعرفي تكدبي ايه رأيك نبقي صحاب
وجد بفرحه: بجد
البنت: اه ...انا رحيق و انا صاحبه الفندق  ورثته عن ابويا
وجد: انا وجد ... خريجه هندسه  دفعه السنه اللي فاتت كنت بتدرب اون لاين لأن  زي مقولتلك اهلي صعبين جدا بس كنت ناويه اقدم في شركه انهارده بس صوري في كل حته و مش عايزه حد يعرفني
رحيق: انا خريجه تجاره انجليش عندي 24  سنه
وجد : وانا كمان كفك عندي 24
رحيق ضحكت علي عفويه وجد: وانتي كنتي خارجه راحه فين
وجد: كنت راحه ادور علي شغل و بعدين هدور علي ماما
رحيق: طب ايه رأيك تشتغلي هنا و تاخدي ٢٠٠ جنيه غير إقامتك و بعد الشغل دوري علي مامتك
وجد: بتهزري
رحيق: ٢٠٠ جنيه قليل
وجد حضنتها: لا خالص شكرا جدا يا رحيق يا قمر انتي
رحيق بتبادلها الحضن: شكرا ايه يا عبيطه انتي احنا خلاص بقينا إخوات ولا ايه
وجد بفرحه: اه طبعا
رحيق: ممكن أسألك سؤال
وجد: اه طبعا
رحيق: هو يعني ايه وجد
وجد: بصي هو ليه معاني كتير زي الحب الشديد و المال الوفير و القدر الكبير و كده يعني
رحيق: اسمك حلو اوي و معناه كمان
وجد: شكرا يا قلبي انتي كمان اسمك قمر زيك
رحيق: طب يلا علي الشغل
وجد بفرحه: يلا