💙ماذا فعلتي بي💙

pt 6💙

ماذا فعلتي بي 💙

part 6

صباح اليوم التالي

أمل صحيت من النوم و مش مصدقه أن بنتها في حضنها و اد ايه هي جميله  و ملامحه طفوليه
وجد صحيت و كانت بتدعك عينيها زي الاطفال

وجد: صباح الخير يا ماما
أمل: صباح النور يا عيون ماما
وجد حضنتها: انا بجد مش مصدقه انا فرحانه اوي
أمل بتعيط من كتر الفرحه: ولا انا يا روحي
وجد: لا انا مش عايزه اشوفك بتعيطي عايزه اشوفك بتضحكي علي طول
أمل حضنتها: حاضر يا روحي... يلا بقي قومي خدي شاور و صلي عشان الفطار زمانوا جهز
وجد: حاضر يا ست الكل

بعد حوالي نص ساعه
وجد كانت جهزت و نزلت هي و أمل تحت

وجد: صباح الخير
الكل معدا صخر: صباح النور
جاسمين: قوليلي يا وجد هو انتي بتدريسي ايه
وجد: انا خلصت دراسه
جاسمين: بتهزاري صح
وجد بابتسامة: لا مش بهزر انا كنت في كليه هندسه بس اتخرجت السنه اللي فاتت
جاسمين: واو بجد بس انتي شكلك صغير جدا انا قولت انتي لسه في ثانوية عامة
وجد بضحك : مش للدرجه دي يعني .. انتي بقى بتدرسي ايه
جاسمين:  انا في تانيه هندسه
وجد: ربنا معاكي

وجد قامت : اه صح انا نسيت موبايلي مع رحيق في الفندق لازم اجيبه ... عن ازنكم
غاده: استني يا وجد صخر يوصلك
وجد: لا لا يا خالتو مش عايزه اتعبه
غاده: ولا تعب ولا حاجه
صخر: بس انا ورايا شغل
غاده: وايه يعني وصلها في طريقك
صخر ببرود: طب يلا

وجد و صخر خرجوا

صخر ركب و وجد جت تركب في العربيه من ورا ..صخر قام نازل

صخر بعصبية: هو حد قالك اني السواق بتاع سعدك متركبي قدام
وجد: بس انا مش بحب اركب قدام جنب راجل
صخر: ليه مثلا هكليك و بعدين كل واحد بيقعد علي كرسي
وجد: بس انا عايزه اقعد ورا هرتاح اكتر
صخر: بقولك ايه يا بت انتي متعصبتش عليكي عشان انا اصلا مش طايقك
وجد: يعني انا اللي طايقك عمتا انا هاخد تاكسي احسن

وخرجت خدت تاكسي

صخر: احسن وفرتي

وجد من نوع البنات الحريصين علي نفسهم جدا اللي هو مبتقعدش جنب أي حد و مبتخليش اي حد يقرب منها بطريقه مش حباها يعني بتخلي بالها من نفسها

وجد  وصلت و دخلت
رحيق أول مشافتها جريت عليها

رحيق: انتي كويسه ايه اللي حصل
وجد: اهدي يا بنتي انا كويسه
رحيق: ايه اللي حصل احكيلي
وجد: يا ستي براحه بس انا تقريبا نسيت تليفوني معاكي صح
رحيق: اه اهو
وجد: شكرا
رحيق: العفو احكي بقى

وجد حكتلها علي كل حاجه

وجد: بس يا ستي و اللي اسمه صخر ده بجد حاجه كده مستفزه و بارد برودد يلهوي مفيش كده
رحيق: نصيحه مني متحتكيش بيه خالص
وجد: مهو انا ناويه اعمل كده بس هو بجد بارد اوي و فضولي مش ساكت حاسه ان وراه حاجه
رحيق: لا يا حبيبتي فضولك ده مش هينفعك وجد اللي زي ده ممكن يرجعك للجحيم اللي انتي كنتي عايشه فيه بإشارة
وجد: ربنا يستر .. يلا باي بقي
رحيق: باي .. اه انا سيڤتلك رقمي علي موبايلك ابقى كلميني هاه
وجد: حاضر يا حبيبتي باي
رحيق: باي

وجد خرجت

شخص: يا انسه انا صخر باشا قلي اخدك اوصلك القصر
وجد: اوكيه

بعد شويه

وجد: هو حضرتك أسمك ايه
الشخص : اسمي عادل يا بنتي
وجد: شكلك طيب اوي يا عمو  .. هو انت بتشتغل مع اللي اسمه صخر ده من زمان
عادل: اه يا بنتي
وجد: ممكن اسئل سؤال
عادل : اتفضلي
وجد: هو بيعامل كل الناس بالاستفزاز و برود كده ولا عشان انا جديده ولا ايه
عادل: الصراحه يابنتي اه معدا نور باشا و جاسمين و غاده هانم
وجد: مين نور باشا ده
عادل: نور باشا ده بقى ابوه راجل كده طيب و حنين و مفيش زيه  عكس صخر باشا خالص
وجد: و هو فين
عادل:  مسافر سفرية شغل و ممكن يرجع الاسبوع ده
وجد: اه
عادل: يلا وصلنا
وجد: شكرا تعبتك معايا يا عمو
عادل بابتسامة: ولا تعب ولا حاجه يا بنتي

وجد دخلت القصر

وجد: سلام عليكم
غاده: وعليكم السلام يا حبيبتي
جاسمين: وعليكم السلام يا قمر
وجد: اومال ماما فين
أمل وهي نازله من علي السلم: انا اهو يا قلب ماما

وجد حضنتها

أمل بهزار : اتأخرتي عليا يا وجدي
وجد بفرحه: الله انا اول مره حد يقولي كده انا بحبك اوي
أمل بستها من راسها : بحبك اكتر يا روحي

في الشركه

صخر سرحان و بيفكر في دماغه: وجد الكلب دي والله لوريها انسانه مستفزه اخر استفزاز و قال ايه. "مش بحب اركب قدام جنب راجل"  لا ياختي شريفه اوي
أمير دخل: صخر دي .... ايه ده هو انت بتكلم نفسك
صخر : هاه ... لا عايز ايه
أمير و هو بيضحك: الفلوس اهيه
صخر: فلوس ايه دي
أمير: الفلوس اللي علي ناصر كده بقي علي الحديده رسمي بس الغريبه أنه مبعش القصر
صخر: يكش يولع هو و القصر اهم حاجه الفلوس عندنا
أمير: تمام اومال ابوك جي امتى
صخر: لسه مكلمه قالي جاي بعد بكره
أمير: يجي بالسلامة
صخر: الله يسلمك يا صاحبي

في قصر الادهم

سميره: يعني كده خلاص بقيت علي الحديده
ناصر مبيرودش
سميره: رد عليا رد
ناصر ضربها بالقلم: *********

ناصر ضرب سميره معقول يكون فاق من اللي بيعمله معقول يكون ضميره فوقه استنوا البارت الجاي عشان تعرفوا ❤️

اللي عايز الروايه تستمر ياريت يعمل كومنتات كتير 😁
الكاتبه رينو سيد 💕