ملحمة النار 🔥

كشف الأسرار

عن ابي هريرة قال رسول الله صلي الله عليه وسلم قال:
(اذا توضأ العبد المسلم أو المؤمن فغسل
وجهه خرج من وجهه كل خطيئة نظر
إليها بعينيه مع الماء او مع اخر قطرة
ماء فإذا غسل يديه خرجت من يديه
كل خطيئة كان بطشتها يداه مع الماء
او مع اخر قطر ماء وإذا غسل رجليه
خرجت كل خطيئه مشتها مع الماء
او مع اخر قطر ماء حتي يخرج نقيا
من الذنوب )

" رواه مسلم "

( السلام )

هو ناشر السلام بين الأنام وهو الذي
سلمت ذاته من النقص والعيب والفناء

( المؤمن )

هو الذي سلم اوليائه من عذابه والذي
يصدق عباده ما وعدهم

اللهم صلي وسلم علي سيدنا محمد
عدد ما ذكره الذاكرون وعدد ما غفل
عنه الغافلون

قراءة ممتعة....

-------------------------------

" والله عشت وشوفت عيالك رد سجون
يا مالك "

هتف بها مالك بغيظ مكتوم منهم ولم
يكتفي من إلقاء نظرات الشرار عليهم
وكانا يقفان بكل هدوء ولم ينطقا
بكلمة واحدة

فأكمل مالك " مرتين تروحوا القسم
قبل ما الشهر يخلص ده ايه الانجاز
ده بعد كده هيطور الموضوع ويبقا كل
يوم زي المضاد الحيوي "

قلبت منار عينيها بملل وقالت

" يعني انت اللي صفحتك بيضة يا مالك
ما احنا لو طالعين لحد فـ احنا طالعنلك
ولا انت ناسي "

اومأت مريم برأسها وقالت بتأكيد

" ايوه ان كنت ناسي احنا نفكرك ده
انت كنت بتدخل القسم اكتر ما بتتنفس
يا راجل ده اللي كان بيكلمك ولا بيكلم
طنط سهام كنت بتسففه التراب "

منار بتأيد

" حصل علي يدي ده الظباط كانوا حافظين اسمك ورقمك القومي كمان بتاع البطاقة من كتر زياراتك "

قالت مريم بتذمر

" عيني علينا احنا يا اختي رحنا مرتين بس وبتعلقلنا حبل المشنقة "

نظر لهم مالك بصدمة من حديثهم
فـ متي انقلبت الطاولة عليه الان

" هو انا كنت بمشي بضرب في خلق الله
يعني ما اكيد بسبب "

قالها مالك مدافعاً عن نفسه فأكملت
منار

" واحنا كمان ضربناهم بسبب الاتنين
دول كانوا بيتعرضوا لمريم في وسط
الطريق ومكنش في حد والطريق
بعيد عن احنا نكلمك تيجي تساعدنا
هقعد اكتف ايدي يعني اتصرفت لما
البوليس جه وخدهم "