طلع نايف وهو مبسوووط لمحمد وهو يقول : يامحممد ابوووي وافق يامحمددد
فز محمد من مكانه وهو يمسكه وهو مستغرب ويقول : وش وووش وافق
نايف بفرحه : وافققق اني اخذ رريم
ابتسم محمد مع نايف وهو يقول : مبروووك وانا اخوك مقدماً
حظن نايف محمد بقوه وهو تنزل منه دموع الفرح ومو مصدق
بعد محمد نايف عنه وقال بفرحه : ماودك تعلم امي
ركض نايف لغرفة امه وهو يفتحها بحماس
فزت امه من مكانها وهي تقول : وش فيكم وش فيكم صاير شيي
نايف بفرحه : يمه ابوي وافق اخذذذ ريم ياييممه
حضنت ام عبدالله نايف وهي تضحك وتقول : الحمدلله وانا امك الحمدلله
طبعا نايف من فرحته ماخلى احد وماقاله من بيتهم وكان مبسووووط مره وفرحان وينتظر يروح يخطبها بفارغ الصبر
جلسو كلهم بالدكه وشبو الضوو والكل كان مبسوط لنايف
منيره : مااتخيل في يوم انك تتزوج
نايف : الله يسمع منتس واتزوج
منيره : ايييييييه وانا اقول محمد بيروح قبل نايف بس خاب ظني
محمد : وش قصدددتس
منيره بضحك : قصدددي واضح متى ناوي تعرس
ام عبدالله : اي يامحمد ومنيره صادقه متى ناوي تعرس انت
محمد بضيق : يايمه لاتجيبين طاري العرس ماودي اعرس
نوره : وش الي يمنعك
محمد : ولا شي بس لاحق على العرس
منيره بضحك : شكل فيه وحده ماخذه قلبه
ضحكو كلهم عليه وقال نايف : اشوفه ذا الايام يفكر مب عادته اكيد فيه وحده ماخذه قلبه
ابتسم محمد لهم وهو يتذكر موقفه مع شيخه
منيره : يويييلييي سكت شكل صدق فيه وحده ماخذه قلبه
نوره : منهييسعيدة الحظ
محمد : مافيه احد
العنود : انت اخوي واعرفك اكيد فيه وحده ماخذه عقلك
منيره : اول مره اتفق مع العنود
العنود : ولييييه ماتتفقين معي من قبل يعني
منيره : ايه
العنود بضحك : الله يسامحتسس بس
محمد : هيييه كل شي الا العنود
نوره : بس العنوود يعني
محمد : اييه بس العنود
ضحكو كلهم وبعدها طلع عليهم ابوهم وقال : ماشاءالله عليكم للحين مارقدتو وبكره ورانا اشغال
نايف فز : وابوي صادق ورانا اشغال يلا النوم
منيره : ايييه اشغال اشغال الله يستر منها
ضحك نايف ومسك منيره مع شعرها وقال : ادخلي بسس يام لسان
نامو كلهم الا نايف كان يفكر في ابو ريم اذا بيوافق عليه او لا ووش صار على ريم
جا اليوم الثاني ونايف النوم جافى عيونه وماقدر ينام من التفكير
افطرو وقال نايف : يبه نروح الحين
ابو عبدالله : انت وش فيك مستعجل اصبر
محمد بصوت خفيف لنايف : انت وش في وجهك كذا لايكون مارقدت امس
نايف : وكيف تبي النوم يجيني وانا مادري اذا بيوافق او لا وريم وش صار عليها
محمد : ياخوي ان شاءالله بيوافق وريم بخير بإذن الله ومستحيل عمي سعيد يسوي شي فيها
نايف : الله يسمع منك
خلصو وتجهز نايف وهو متوتر وراح مع ابوه وعبدالله لبيت عمه سعيد
دق نايف الباب وهو متوترررر مره وفتح الباب عبدالرحمن
عبدالرحمن باستغراب : عمممي ارحب تو مانور البيت
وراح يحب راس عمه واستغرب اكثر ان عمه مابعده عنه
عبدالرحمن : تفضلوو حياكم الله
دخلو ابو عبدالله وعبدالله ومسك عبدالرحمن نايف على جنب : وش فيكم
نايف : جايين نخطب ريم
عبدالرحمن : تخطبوونها ؟؟
نايف : ايه نخطبها وش فيك
عبدالرحمن : يانايف انا مافيني شي بس ابوي
نايف : وهذا الي انا خايف منه
عبدالرحمن : بس مادامك اقنعت عمي اكيد ابوي بيوافق ان شاءالله
نايف بتوتر : الا ريم وش اخبارها
نزل عبدالرحمن راسه وهو ضايق : ريم ابوي ضربها لين مااغمى عليها
مسكه نايف بقوه :ووووش تقول انت ريمم الحين وش صار لها سالممه او لا
عبدالرحمن : هي قامت بس ابوي ماعد تكلم في الموضوع وانا استغربنا
نايف مسك راسه : كللله مني كله مني
طلع عبدالله لهم : نايف وش فيك طالع امش
دخل نايف بسرعه وجلسو كلهم بالمجلس
ابو عبدالله : اطلعو ياعيال شوي
طلعو العيال كلهم ماعدا ابوعبدالله وابوعبدالرحمن
ابو عبدالله: وشلونك
ابوعبدالرحمن: الحمدلله بخير انت وشلونك وووش فيك جاي
ابوعبدالله : الحمدلله طيب وبخير وانا جيت اليوم عشان خاطر ولدي نايف
ابوعبدالرحمن : ووش يبي ولدك نايف
ابوعبدالله : انا ودي ننهي الخصام الي بينا اذا ودك انت
ابو عبدالرحمن باستغراب : وليه
وقف ابوعبدالله : يعني ماودك
ابو عبدالرحمن : لاياخوي اجلس
جلس ابوعبدالله : ودك ولا لا
ابوعبدالرحمن : اكيد ودي ارجع علاقتي مع اخوي وصديقي بس السبب اقصد وشهو
ابوعبدالله : ولدي نايف
ابوعبدالرحمن : اظن اني فهمت وش تبي
ابوعبدالله : اييه ابي ريم بنتك لولدي نايف على سنة الله ورسوله
ابوعبدالرحمن تنهد : شف انا ودي اننا ننهي الخصام الي بينا ونرجع مثل قبل واحسن بس ريم مخطوبه
ابوعبدالله باستغراب : كييف مخطوبه
ابوعبدالرحمن : خاطبها عبدالعزيز ولد صالح
ابوعبدالله بضيقه : ولييه محد يدري
ابوعبدالرحمن : توه خاطبها امس
ابو عبدالله قام : هجل الله يستر عليك
ابوعبدالرحمن : يعني انت جاي تنهي الخصام عشان عيالنا
ابوعبدالله : ايه ياسعيد كل ذا سويته عشان ولدي
ابوعبدالرحمن : والحين ودك نرجع نفس اول
ابو عبدالله : ترا الكلام الي قلته لي مب هين ياسعيد
ابوعبدالرحمن : انا ادري اني قلت كلام عنك مب صحيح بس
ابوعبدالله : بس وش بس وش علمني بعد ماخليت نص العيال ياخذون فكره شيينه عني
ابوعبدالرحمن : ياخوي حقك علي انا غلطت وعرفت غلطتي ومن ذاك اليوم وانا نادم لاني قلت لك كذا
ابوعبدالله : انا ماصدقت عامر ورحت عندك اقولك عنه ومافكرت اصلا اذا هو صادق ولا لا وانت سويت مشكله وقلت لي كلام كلام مب هيين ياسعيد
نزل ابوعبدالرحمن راسه : والله اني نادم قد شعر راسي
ابو عبدالله هز راسه بأسى : وش يفيد الندم ياسعيد
ابوعبدالرحمن : والله العظيم ياحسين وانا اخوك ضعت من بعدك ضعت ندمت قد شعر راسي تكفى سامحني وانا اخوك
ابو عبدالله سكت وهو مقهور على سوايا اخوه فيه
ابوعبدالرحمن : تكفى ياخوك والله ان فيه عرب لاعبين في راسي
ابوعبدالله : لعد تزود في الحكي ياسعيد خابرك انا
ابوعبدالرحمن تنهد بضيق : ياحسين انا صدقتهم ومدري كيف صدقتهم عليك تكفى سامحني ياااخوك والله اني نادم
ابوعبدالله مشى بيطلع ومسكه ابوعبدالرحمن وقال : سامحني ياخوك ترانا كبرنا واي لحظة واحد منا بيموت
ابوعبدالله تنهد : وشلون تبيني اسامحك بعد الي سويته
ابوعبدالرحمن مسح دمعته بطرف كمه : والله اني نادم قد شعر راسي ولاتخليني اموت وانت مب مسامحني
ابوعبدالله : مسامحك ياخوي مسامحك ياولد امي وابوي
حضنو بعض الاخوان ونزلت دموعهم والاثنين كانو مشتاقيييين اخوتهم ترجع نفس قبل
دخلو عليهم عيالهم وشافوهم كذا وكل واحد كان فرحاااان ان صداقتهم واخوتهم رجعت
عبدالله : الحمدلله لك يارب اننا شفنا ذا الايااام
عبدالرحمن : ايي والله الحمدلله
لفو عليهم ابوانهم وقال ابوعبدالرحمن : وششش فيكم ياعيال تعالو سلمو علي
راح له نايف وهو مبسوووط وسلم عليه وعلى ابوه وقال لابوه: هاه يبه كلمته
لف عليه ابوه وهو متوتر : ايه
نايف بحماس : وووش قال يبه وش قال
ابوعبدالله : بعدين اقولك
نايف : يايبه قل الحين الله يطول عمرك
ابوعبدالله : البنت مخطوبه
وقف نايف وهو متجمد مكانه ومصدوم من كلام ابوه وماعرف ينطق بحرف
ابوعبدالله : شلها من راسك
تجمعت دموع نايف بعيونه وهو كله قهر وصدمه بنفس الوقت
طلع بسرعه من المجلس ووقف بالسور وهو يتنفس بسرعه ويحاول يستوعب الي سمعه كيف انخطبت ومين خطبها وليه وهم يدرون اني ابيها
لف على صوت يعرفه وهو يدور الصوت
ريم وهي تبكي: نايف
طالع نايف لفوق وعرف انها ريم ووقف بمكانه بدون اي كلمه
ريم بقهر : نااايف رد علي
نايف بغصه : وش تبيني اقول تبيني اقول مبروك
ريم وهي تبكي : هذااا مو بيدي
نايف بقهر: كيف مب بيدتس ليه مارفضتي
ريم بقهر : تبييني احط كلمه فوق كلمة ابووي ؟ ابوي اذا قال شي يسويه
نايف ودموعه الي بعيونه : ومنهو الي بياخذتس
ريم وهي تبكي :ماعرفه
نايف بدت دموعه تنزل ونزل راسه
ريم وهي تبكي : نايف انا مابيه تكفى سو اي شي بس مابي اخذه
نايف : والله ماتاخذينه لو على جثتي انتي ياريم لي انتي لنايف منتب لاحد غيره
قفلت ريم الشباك ودخلت وهي تبكي وتدعي انها ماتاخذه
طلع نايف من البيت بسرعه وهو في دوامه من التفكير وش بيسوي ولازم يعرف منهو ذاه
