في بيت ابوعبدالله
بدو الحريم يجون والبنات واقفين يستقبلونهم
ومن بين الحريم دخلت حصه ومعها امها
حضنتها ريم بفرحه اول ماشافتها وقالت : وينتس مختفيييه!
حصه : والله جدتي ام امي تعبت ورحنا لديرتهاا
ريم : ليه ماقلتي لي
حصه : اول مادرينا ماعلمنا احد على طول رحنا لديرة جدتي
ريم : الله يشفيها ويخليها لكم ييارب
حصه : امين
ريم : لتس فقده والله
حصه ضحكت : ظني مافقدتيني وانتي مع بنات عمتس
ريم ضحكت : لا والله انتس غير
منيره جات : هييه ريم
لفت ريم عليها: هلا
منيره : اوووه حصه شلونتس
سلمت عليها حصه : الحمدلله بخير انتي وشلونتس
منيره : الحمدلله طيبه ، تعالي اجلسي داخل
حصه : زين تبون اساعدكم ؟
ريم : لا اجلسيي
حصه : تراني فاضيه عادي
منيره : اذا احتجنا شي قلنا لتس
عند نوال الي كانت متقرفه من الوضع وراحت تدور على غزل وحصلتها بالغرفه وسحبتها على جنب وقالت : اسمعيني ان شفتك داخله المطبخ حشيت رجولك فاهمه!
غزل باستغراب : ليه يمه؟
نوال : تبين تخدمينهم يعني!!
غزل : يمه ! ترا بنات عمي وحريم عمي عادي !
نوال : لا مو عادي !!! ان شفتك داخله المطبخ ماعد فيه طلعات مع صاحباتك واسحب منك الجوال والابتوب فاهمه!
ضحكت غزل بسخريه وقالت : اصلا ماعد بطلع مع صاحباتي لأننا بنسكن هنا
نوال : شتقولين انتي!
غزل : بابا قاله لماما نوره
نوال بصدمه : كيف !!!! يستهبل ولا وش!! كيف بنسكننن هنا!!!
غزل : ماادري اسأليه
نوال مسكت راسها بغضب وجات الهنوف : شفيك خال.. نوال صاير شي ؟
ناظرتها بغضب
الهنوف توترت من نظراتها وقالت : غزل تعالي معي بجلس مع الحريم امي تقوله
غزل : يلا
نوال : غزل !!
غزل : وشو
نوال بغضب : كلامي وين راح!!!
غزل : مايصير ماما كذا خلاص مابدخل المطبخ لكن يساعدهم باابسط الاشياء!!!
هنوف باستغراب : شفيكم
غزل سحبتها وقالت : مافيه شي تعالي
وقفت نوال مكانها وهي كارهه الوضع الي هي فيه
——————*—————-
في الديره تحديداً في المخيم حق الرجال
ابتدى المخيم يملى بالرجال وكان الكل مبسوط وفرحااان لجمعتهم مره ثانيه
في طرف كان محمد وعبدالله يعدلون الزل "الفرشه" ويفرشونه
وفي طرف عند نايف وفيصل وخالد الي يسلمون على الرجال
خالد وهو النوم بعيونه قال : اسمع انت وياه انا بروح انام ماعد اشوف
فيصل عقد حواجبه : تستهبل انت طول اليوم تسولف ويوم جات العزيمه تبي تنام!
نايف : اجلس شوي كذا ورح
خالد بضيق : بالله عليكم وش بستفيد
فيصل : يعني انت الحين مب مبسوط عشان عماني !
خالد : اكيد مبسوط بس خلاص حضرت نص العزيمه
فيصل : تستهبل انت تو الناس ماجاو حتى!
خالد : اذا قال ابوي وينه قولو ماعد يشوف من التعب
نايف : اجلس شوي خل ابوي وعماني يشوفونك ورح بدون لايحسون
خالد : وش بستفيددد
فيصل : اذا ماتبي ابوي يعصب عليك انثبر!
خالد : يووووه صدعتتتت منكم!!!
راح وجلس جنب عمه محمد وابوه ولف عليه العم محمد وقال : سعود وعبدالرحمن جاو ؟
خالد وهو ماله خلق احد ويبي ينام قال : مدري ماشفتهم
العم سلطان : وانت وش شغلتك هنا! جاي ومتكي والعيال يشتغلون وبعد ماتدري عن عيال عمك!
خالد : يبه انت تدري اني مواصل من امس وابي انام ومالي خلق احد تكفى لاتزيد علي
العم سلطان كان بيعصب عليه وقال العم محمد : خلاص خل الولد اسمعني ياخالد رح ناد لي ناي..
ماكمل كلامه الا وهو يشوف سعود متجهه له
جا سعود وقال : يبه مالقيته
العم محمد بحده : كيف مالقيته ! ماقلت لك ماترجع الا وهو معك!
سعود : انا رحت للمحل حقه ودورت بكل السوق لكن مالقيته وعبدالرحمن راح لبيتهم شكله بالبيت
العم محمد تنهد وقال : شويات كذا اذا ماجاء عبدالرحمن رح انت
سعود : ابشر
دخل ابو شيخه عليهم وووقف ابو عبدالله واخوانه يستقبلونه استقبال حاررر
سلم على العيال وهو مبسوووط وهو يشوف الي بمثابة اخوانه رجعت علاقتهم نفس اول واحلى ..
