في مزرعة ال عبدالله
دخلت مرام على البنات وسلمت عليهم وجلست وقالت : وش صاير
ساره : وش
مرام : شفيكن منفسين
سعود من برا يصوت : يااااملاك
ملاك قامت : سعود ذا صح؟
غزل : ايه سعود يعني مين بيناديك غيره
طلعت ملاك لسعود من الباب الخلفي وكانت ورا الباب لأن الخيمه قدامهم ولو طلعت وجهها يشوفونها وقالت : هلا سعود
سعود : طلعي لي ثوب
ملاك : محمد ونايف جاو
سعود عقد حواجبه : وش عليتس منهم
ملاك : خواته خايفين عليهم وابي اطمنهم
سعود : خايفين عليهم من وش
ملاك : يوه سعود انت ماتدري !
سعود : لا وش العلم
ملاك : نايف اغمى عليه وخذاه محمد للمستشفى
سعود : ابو محمد!! صادقه
ملاك : اي بكذب يعني
سعود : وانا اقول شفيهم جايين بالسياره احسبهم بيغيرون مكانها بس
ملاك : يعني جاووو؟
سعود : ايه بسرعه عطيني ثوبي بروح اشوفهم
دخلت ملاك تجيب ثوب سعود وقالت وهي مبتسمه للبنات : بنات ترا جاو
منيره فزت : نايف ؟؟
ملاك ابتسمت : ايي
الكل ارتاح حرفياً لانهم كانو طالعين ينبسطون ومايبون شي يخرب هالطلعه الي كانو يتمنونها من سنين
-
في الخيمه عند الرجال الكل يبارك لمحمد وهو واقف مكانه بدون اي كلام وكان يناظر ابوه بحده وقهر وطلع من المجلس بسرعه
نايف هنا عرف ان ابوه سوا الي براسه بدون لايقول لمحمد وعصب وطلع بسرعه ورا محمد
نايف : يامحمد اصبر
محمد كان يفووووور ومعصب ضرب يده بالسياره بغضب ومسك راسه بقهر وهو يحاول يمسك نفسه
نايف كان مقهور من الي سواه ابوه في محمد قال : تعوذ من ابليس
سعود جاهم : ياعيييال
محمد كان يحاول يتمالك نفسه ركب سيارته بسرعه ومشى بدون مايتكلم وكان الغضب واضح عليه
سعود : وش صاير بعد
نايف مسح وجهه بضيق : ماصار شي
سعود ضربه على كتفه بخفه : يقولون اغمى عليك واشوف مافيك الا العافيه
ابتسم نايف بضيق : الحمدلله
ابتسم سعود : الحمدلله على السلامه ياعيون اخوك
نايف : الله يسلمك
سعود : علامك ضايق
نايف تنهد بضيق : الله ينزع حبها من قلبي ياسعود
سعود باستغراب : افا ليه وش العلم
نايف ضحك بقهر : طلعت تبي واحد غيري
سعود بصدمه : تستهبل انت
نايف بضيق وكسر : ياسعود حبيب القلب مايبغاني وانا ياسعود كيف بنسى حبه؟
سعود تنهد بضيق : نايف ياخوك انت متأكد
نايف بكسر وضيق : قالتها لي في وجهي وش بعد ذي ؟
عبدالله طلع عليهم : ياعييال وين محمد
سعود : قبل شوي راح
عبدالله الي فهم السالفه وناظر لنايف الي باين عليه الضيق وقال : خلاص بدق عليه
داخل في الخيمه عند الرجال
العم سلطان : وينه محمد
ابوعبدالله الي كان معصب جداً من محمد وحالف مايخليه : موجود بس وصيته على شغله
العم محمد الي حس ان فيه شي : صاير شي ياعبدالله
ابوعبدالله الي كان يبي يغير الموضوع : سألت البنت ؟
العم محمد ضحك : وش فيك مستعجل وانا اخوكّ بنتظر لين نرجع بيوتنا
ابوعبدالله : وليه ماتشوف ردها من الحين
العم محمد : ملاك بنتي واعرفها بتتوتر وتشيل هم وانا مابيها تشيل هم ابيها تنبسط وترتاح
ابوعبدالله : زين الله يكتب الي فيه خير
دخل عبدالله بعد مليون مكالمه على محمد الي مارد ابدا ولا فكر يرد وقاله خالد : فيصل وينه
عبدالرحمن : شكله رقد
العم سلطان بحده : وليه يرقد الحين !
خالد : عشانه راح مع نايف يوم......
تنحنح عبدالرحمن واستوعب خالد وضحك وقال : راحو هو ونايف يتمشون وشكله تعب ورقد
العم سلطان : زين خلوه لحد يقومه عشان يقوم بدري
ابوعبدالرحمن : اي والله ازين له النوم بدري وانتو حتى علامكم مارقدتو للحين
خالد : ننتظركم ترقدون ونرقد معكم
ابوعبدالله قام : يالله ماعد الا خير جيبو فرشنا ياعيال وافرشوها
قامو العيال يجيبون الفرش للشيبان
