الديررره كلها عرفت ان ابوعبدالله وابوعبدالرحمن رجعت علاقتهم وابتدت الاحتفالات
كان الكل مبسوووووط ويجهزون الخيام عشان يحتفلون فيها ماعدا نايف الي الكل لاحظ سكوته وهدوءه المفاجئ
قرب ناصر من عند نايف : صاير شي ؟
نايف وهو يناظر بيت عمه سعيد ويناظر الشباك الي شاف ريم منه : لا
ناصر : متأكد
لف عليه نايف وقال : محمد جا ؟
ناصر : ايه شفته هناك
راح نايف وااشر لمحمد عشان يجيه
استغرب محمد وشاف وجهه متغير وراح عنده وقال : وش فيك
سكع
محمد مسكه : صايبر شي ؟
نايف بغصه : ريم انخطبت
محمد بصدمه : وشووو كيف يعني انت ماخطبتهاااا؟؟
نايف بكسر : انا جيت اخطبها بس طلعت مخطوبه وانا اخوك
محمد : لاحول ومنهو الي خاطبها
نايف بصوت مقهور : الواطي عبدالعزيز
حط محمد يده على كتف نايف : ماعليه وانا اخوك بتنحل ان شاءالله
نايف بقهررر وبصوت عالي : يخسي عبدالعزيز وابوعبدالعزيز ياخذون ريم
طلع نايف من المخيم وهو معصب ومقهور ولحقه محمد ومسكه وقال : مهبوووول انت تبي الناس تسمعك
نايف بصوت عالي : اييه خلهم يسمعوني كلهمم انا ابي ريم ريم لي مب لاحد ثاني تفهم ولا لا !
——————*—————-
في بيت ابوعبدالرحمن
كانت ام ريم تتجهز ودخلت على ريم الي كانت نايمه وقومتها وهي تقول : يارررربي منتس مابعد جهزتي للحييننن!
ريم : يمه انا قايله لتس من اول مابي اجي
ام ريم : شكلتس تبين ابوتس يذبحتس تراتس رافعه ظغطه من اامس !
ريم : ليه اجي مهب غصب !
ام ريم بغضب : ابوتس وعمتس رجعت علاقتهم من بعد قطاعه 8 سنيييين مستوعبه انتي
ريم بضيق : خلاص زين بجي
ام ريم : يالله قومي تجهزي لاتتأخرين
قامت ريم عشان تلبس وهي ماودها تطلع من البيييت ابد ولا تشوف نايف
——————*—————-
في بيت ابوعبدالله
كانووو البنات في المطبخ كلهم وكانو مبسسوووطين
نوره : العنود امسكي كملي الحلا انا بروح استقبل النسوان انا وساره
منيره : لاااا والله وانا والعنود في المطبخ وانتن تسولفنن
نوره : النسوان ماعندهم الاا امي تستقبل بروح معها انا وسارره
منيره :لااا انا الي بروح استقبل انتي خذي مكاني
نوره : ترا بعلم امي عليتس يام لسان زيني الشاهي والقهوه وانتي ساكته
طلعو نوره وساره يسلمون على الحريم ويستقبلونهم
ومن بين الحريم دخلت ريم وامها وسلمو نوره وساره عليهم وكانو يرحبون فيهم بحرراره وكانو مبسوطين ونفس الشي ريم وامها
جلسو كلهم بالمجلس وكانت الانظار كلها على ريم وكانو كل الحريم يتكلمون عنها ( لانها هي واهلها ماقالو لاحد عن خطبتها )
دخلو منيره والعنود وسلمو على الحريم ومعهم ريم وامها
جلسو جنب ريم وقالت نوره : والله تو مانور بيتنا بجيتكم
ام ريم : بنورتس والله انا اول مادرينا انبسطناااا
منيره : كلنااا والله الحمدلله يارب
ام ريم : اي والله الحمدلله
البنات لاحظو على ريم انها ساكته وكان واضح عليها الحزن
منيره : الاااا اقول ياريم شخبارتس ؟
ريم لفت عليها : هاه هلا وش قلتي ؟؟
منيره : اقول شخبارتس
ريم : الحمدلله طيبه انتو شخباركم من زمان عنكم والله
منيره : الحمدلله والله الحمدلله طيبين وماعليتس ايامنا بترجع نفس قبل واحسن
ساره قربت من نوره وقالت : شكلها هي حتى تبي نايف
نوره : اسكتي لحد يسمعنا بس
ام ريم : الا وين امكم يابنات
نوره : امي كانت موجوده هناه دقيقه ياعمه بروح اناديها واجي
ام ريم : بجي معتس ابي اجلس معها واسولف واخذ علومها من زمان عنها
نوره : والله اني مبسووووطه برجعتنا الحمدلله لك يارب
ام ريم : الحمدلله
راحت ام ريم عند ام عبدالله تساعدها ونوره معهم
