ريم وهي ترجف : ناااايف
لفت ملاك وشيخه عليها وركضو لها وهم يشوفون نايف الي طاح بالارض بدون اي حركه ..
طاحت على الارض وهي تهزه وتقول ببكى : نايف قووم!
ملاك بخوف : ريم شصار
فيصل بتوتر : وش فييه!
لف محمد على اصواتهم ولمح الرجال الي طايح
منيره بخوف : شفيهم وش صاير؟؟؟
سحب محمد لجام الخيل وهو يسارع خطواته ربطه بسرعه بالحديد وهو يسمع اصواتهم طلع من الحديد وشاف نايف الي طايح بالارض
ركض محمد بسرعه وهو منهبل وصرخ : علااامه!!
ملاك وهي ماسكه ريم قالت : ماندري طاح فجأه
شاله محمد وساعده فيصل وركضو للسياره
نزل خالد من الخيل وطلع لهم وهو مصدوم من الي صاير
نوره بتوتر : عبدالرحمن وش صاير وش فيهم
عبدالرحمن بتوتر وهو يسحب الخيل ويمشي متجهه لهم : مدري والله
العنود كانت تحاول تشوف مين الي شايله محمد ولمحت نايف وشهقت : نايف نايف اخووووي!!!
نوره لفت عليها بخوف : شفيه!
عبدالرحمن قرب عندهم : ياولد علامكم وش صاير
شيخه بتوتر : نايف طاح علينا ماندري ليه
ريم لفت على ملاك بصوت خفيف وهي تبكي وماتبي احد يسمعها : اانا السببب انااااا
ملاك مسكتها وحضنتها : خلاص ياريم مو منك
ريم تحاول تبعدها وتبكي : الا انا كللله مني كللله مني
شيخه : ريم تعوذي من ابليس خلاص
طاحت نوره وهي تحاول تنزل من الخيل وشهقت العنود : نوره!!!
لف عبدالرحمن بسرعه وقرب عندها وهو يحاول يقومها وقال بخوف : نوره شفيتس صارلتس شي !
نوره بكت : وش فيه نايف قولو!!
عبدالرحمن : مافيه الا كل خير ان شاءالله انتي صار لتس شي
نوره صرخت وهي تبكي ودفته : كيففف مافيه الا كل خيرررر اخوووووي ويننننه!!!!
قدرت العنود تنزل من الخيل وركضت لنوره وهي تحاول تقومها
عبدالرحمن طلع بسرعه وسألهم وهو معصب : لييه اغمى عليه وش صار له
شيخه بتوتر : طاح علينا فجأه ماندري
طلعت نوره والعنود ومسكت نوره شيخه وهي تبكي : كيف طاح ليييه
شيخه حضنتها وهي تواسيها
ملاك : اكيد انه بخيير بنات شفيكم هدو
العنود وهي تمسح دموعها : لايكون ماااخذ جهاز الربو
نوره لفت عليها : اييه قالي نسيته في البيت
شيخه: اجل الحمدلله بسيطه اكيد من الربو بس
عبدالرحمن مسح على وجهه بتوتر وقال : لا يدرون الكبار انا بدق على محمد اشوف وش صار
خالد : انا بدق على فيصل
-
عند عبدالله وساره الي كانو جالسين في السور حق بيت المزرعه
ساره : عبدالله خلاص خلنا نروح لهم
عبدالله : ليه وش تبين فيهم خليهم يولون بتقابلينهم اسبوع كامل
ساره : طيب ماتسمع اصواتهم ؟شفيهم
عبدالله : اكيد يتهادون المهم وش تبين تقولين لي انتي
ساره ابتسمت : مفاجأه
عبدالله : قوليلي الحين
ساره : اذا قلت لك مب صايره مفاجأه!
عبدالله : من الي بتسوين لهم مفاجأه
ساره : اهلك كلهم وانت
عبدالله استغرب : وشهي؟
ساره قامت : مانيب قايله لك
عبدالله بمزح : لايكون حامل بس
ساره لفت بصدمه : كيف عرفت!
عبدالله انصدم وجمد مكانه
ساره ضحكت : اكيد منيره ام العلوم معلمتك
عبدالله استوعب : صادژه انتي؟
ساره : اي كنت بسويها مفاجأه ب..
ماكملت كلامها الا وهو حاضنها بقوه
ضحكت وقالت : نزلني لحد يجيي
عبدالله نزلها وهو يمسح دمعته ومسكت وجهه ساره وقالت وهي مبتسمه : بتصير ابو
عبدالله ضمها مره ثانيه بقوه وهو مب قادر يتحكم بدموعه ومشاعره كانت متلخبطه صحيح انه فكر في الزواج لكن مافكر بيوم بالايام بفكرة انه رح يصير ابو ..
