في المستشفى عند نايف وابوه واخوانه
عبدالله : يبه ادق على ابو ساره واقوله كنسلنا العرس
ابوعبدالله بحده : ليه تكنسل العرس نايف مافيه الا العافيه عرسك اليوم
محمد بقلق : يبه نايف مب قادر يحظر العرس وامي بتكون مشغوله معه وانا بيكون بالنا معه
نايف : ماعليكم مني استانسو مافيني شي الحمدلله وجهاز الربو على قولتك يامحمد معي وكل ماحسيت فيني شي بستخدمه
ابو عبدالله : كلامي واضح العرس اليوم فاهمين
محمد : انا بروح لامي والبنات اكيد انهم خايفين
ابو عبدالله : كلنا بنروح
عبدالله باستغراب : ونايف
ابوعبدالله : بخلي الدكتور يطلعه معنا
محمد بغضب : يبه كيف تخلي الدكتور يطلعه وهو تعبان
ابوعبدالله بحده : علاجه معه والدكتور اصلا يقول مافيه شي طيب وبخير
محمد : بس يبه
ابوعبدالله بغضب: لا بس ولاشي كلامي محد يعارضه فاهم
محمد : محشوم يبه
دخل الدكتور عليهم وقال : هاه كيفك يانايف الحين
نايف : الحمدلله طيب وبخير
الدكتور : نايف احنا عرفنا ان فيك ربو من شهر بس هو مو السبب انك جيت هنا السبب انك ماتنام
نايف اعتدل بتوتر : يادكتور الا انام
الدكتور : يانايف انت تعبت لانك مرهق كم لك مانمت ؟
نايف بتوتر : ا اء يومين
ابوعبدالله ناظر نايف بحده : وليه مانمت
نايف بتوتر : يبه مايجيني نوم
الدكتور : هل انت تعاني من شي يانايف ؟
نايف توتر زياده : لا يادكتور بس ماجاني نوم
الدكتور : لازم تنام عشان ماعد تتعب وهذا هو البخاخ حق الربو
وبدا يشرح له الدكتور كيف يستخدم البخاخ
ومحمد عرف ان نايف شايل هم ريم بس مايدري وش صاير بالظبط
رجعو واستقبلوهم اهل الديره بالتراحيب ويتحمدون بالسلامه لنايف وريم كانت مع الشباك تناظر وانبسطت مره يوم شافت نايف
ريم استوعبت انها خافت على نايف وشالت همه من اليوم : ريم وش يصير لتس يابنت وش دخلتس فيه
دخل عليها عبدالرحمن : وش فيتس تحاكين نفستس
ريم : لا ولاشي
عبدالرحمن : نايف رجع
ريم : اي شفته جا الله يشفيه ويحفظه لاهله
عبدالرحمن باستغراب : كيف شفتيه
ريم : ا اء سمعت اصوات الناس وهي ترحب فيه وعرفت
عبدالرحمن : ياليتني اروح استقبله معهم
ريم : بس ابوي ياعبدالرحمن
عبدالرحمن : الله يهديه يارب ويجمع بينه وبين اخوه
ريم : امين يارب
عبدالرحمن ضحك وقال : انا يوم كنت ادعي كنتي ماتهتمين غريبه
ريم استوعبت كلام عبدالرحمن صدق وماكانت تدري شصاير لها : حتى انا مدري شصاير لي
عبدالرحمن بضحك : احسن خليتس كذا
ضحكت ريم معه وجلسو يسولفون
في بيت ابوعبدالله
دخل نايف البيت وحضن امه الي منهاره وتبكي وقال : جعلني فدا رجليتس ياحبيبتي انتي ليه تبكين وانا طيب وبخير
ام عبدالله وهي تبكي: والله لو صار لك شي مااعيش
نايف : وش ذا الكلام ياحبيبتي انتي الله يطول عمرتس ويخليتس لنا
وسلم على خواته وحضنهم وجلس يراضيهم عشانهم يبكون وجلسو كلهم في المجلس
منيره : نايف انت بالظبط وش فيك الحين
نايف : مافيني شي
منيره : هجل ليه اغمى عليك
ابوعبدالله : السلوقي مارقد له يومين
ام عبدالله انصدمت : ليه ياحبيبي انت ليه ماترقد وش فيك
نايف بضيقه : مافيني شي يمه
ابوعبدالله : طلع فيه ربو من شهر
منيره اتسعت عيونها بصدمه : وشو وش يعني فيه ربو من شهر!
ام عبدالله بحزن : فيك من شهر ولا علمتنا
نايف : حتى انا مدري يمه توني ادري
نوره : اهم شي انك طيب وبخير الحين
محمد : لاتضيقون نفسكم صار الي صار
لفو كلهم على العنود الي جلست تبكي
منيره : وش فيتس ياخبله
محمد : افاااا العنود تبكي
العنود وهي تبكي : احسب نايف مات
ام عبدالله : بسم الله عليه وش ذا الكلام يالعنوود
ابوعبدالله : تعوذي من ابليس يابنت
نايف الي جلس يضحك : اموووت مره وحده
عبدالله ضحك مع نايف : خبله ذي البنت اقول خلو عنكم قوموووو البسو العرب بيجونا بعد شوي
الكل استوعب انهم ماسوو شي للحين ونسو العرس وفزو كلهم يروحون يجهزون ويلبسون...
