ملح روحي وشربه الليل
والمامش شرب طيفه
ومشيت وكلبي وصله هنا
وصله بحد سواليفه
وكفت انكر الاوي الماي
لاوني مجاذيفه
العمر جربة نخل وبشوك
واكف وبطرك ليفه
********************************
في البصره ساعه خامسه عصرا 2017
ميادة: كامل كلبي مامرتاح مادري شبيه من الصبح هسه عصرته زادت
كامل : شبيج بويه ماكو شي انشالله صلي على محمد
ميادة : صليت ع محمد وبداخلي نار مغليه احس هالسبوعين مثل النار مادري ليش ماجت تاخرت كتله كامل ليش مانزلت السبوع هذا مهره
كامل : خابرتني وكالت عندي شغل كلش هواي خل اصفيه وانزل
ميادة : تمام
سند : سلام عليكم يابه
ردو : عليكم السلام
سند : يمه شبيج وجهج اصفر
ميادة : كلبي يوجعني يمه
سند : سلامتج تردين شي اجيبلج
ميادة : لا يمه هسه شوي واصير زينه
سند : تمام امشي افرج
كامل : اي بويه اخذها خلي تتنفس هوه
سند : يمه شلون مكان ع شط العرب يرد الروح
ميادة : تمام كايمه رحت بدلت وانه كلبي جاي يعصرني اكثر خلصت وطلعنه وصلني يم شط صدك مكان حلو وقريب ع الماي رفعت بوشيتي وذكرياتي راحت بعيده كلش راحت تذكرت دلالي ومن جنت اروح للبحيره انسى الدنيا ياترى تتذكروني لو نسيتوني اخ يا بويه كلبي نار عليك
سند : ها يمه وين وصلتي
ميادة : ها حبيبي ماكو شي
سند : ياماكو شي باعي دموعج
ميادة : ماكو شي يمه
سند : اتمنى يوم واحد تفتحين كلبج النه يمه
ميادة : كلشي بوقته حلو ياروح امك
في بابل ساعه 8 مساءا
رهف : مساء الخير جدي بست ايده وسلمت ع ابوي وبيبي
كاصد : هلا بنيتي هلا بوحديتنه
رهف : اوي جدي اخجل
كاصد : من بعد ماصارت رهف عوضتني عن الخسرته خصوصا من طلعت تشبهه كلش نسخه ودايما تكول انه موحلوه اشبه بيبي ام امي هههه احنه كنالها تشبهينها ماريد احد يذكرها كبالي كسرت ضهري وكلبي اخ يبنيتي لومعتذره ومامسويه السويته جان كلشي عبر ونسه بس انتي اخ يا بنتي اخ بعز صفنتي صاحت عليه رهف
رهف : جدي جدي وين صفنت بيك شي وجهك صار اصفر
راشد : بويه شبيك
كاصد : مابيه شي يبا انه راح اكوم انام تعبان
راشد : الله وياك بويه
حمديه : اخ يا كاصد يمته ترتاح
راشد : باوعت الامي وكتلها يرتاح من ياخذ حقه
حمديه : سد حلكك راشد منا كاعدين بختكم بالي هسه ماتكلولها شي لوماهيه جان ضعنه بس الحمدالله
رهف : صافنه عليهم شبيهم هذول ع شنو يحجون وحق شنو ومنو هاي الي لوماهيه جان ضاعوا اخ راسي يوجعني خل اكوم احسن رحت تمددت ونمت رغم بعد وكت
كمر : جاي احجي وجان تطلع مهره كاضه بطنها وعيونها حمر كلش خفت عليها جاي تمشي وجان اغمه عليها لحك عليها ارسلان شالها وديناها للمستشفى دخلت للطوارئ طبعا اخذها مستشفى اهلي
ارسلان : جاي تحجي كمر وطلعت حيل وضعها ماعجبني جاي تمشي وجان يغمه عليها مادري ليش خفت عليها ركضت شلتها حسيت بيه اعرفها حسيت بيها قريبه مني حسيتها بوقتها قطعه من كلبي موحب لايروح بالكم لا بس احس عرفها من سنين حيل خفت عليها شلتها ورحنه للمستشفى قريب ع الشركه اخذوها للطوارئ شويه وطلعت الدكتور اعرفها
دكتوره لارا : استاذ ارسلان مجرد ارهاق قله نوم وتفكير او متعرضه الخوفه وهم لكيت عدها رمل بالكليه لازم ترتاح كم يوم
ارسلان : اطمئنيت هسه بس من شنو خايفه هالبنيه ياترا خلص المغذي ورجعنه وهيه ولاحرف نطقت كلت الكمر لاتجي للدوام فد يومين ثلاثه ع ماصير زينه هزت براسه اي
وصلتهن ونزلت وانه روحي رايحه عليها عاتبت نفسي وكلت شبيك ارسلان شصار بيك
هارون : شبيك يخوي انشالله صير زينه
ارسلان: انشالله
هارون : ها يا اسد صدتك الغزاله
ارسلان : نجب حيوان بس نقهرت عليها حسيت اعرفها من سنين ما جنهن سبوعين
هارون : الله كريم والله انه هم اشبهه بشخص اعرفه بس يلا الحمدالله يخلق من الشبه اربعين
ارسلان : صحيح الحمدالله يلا انزل وصلنه
هارون : ليش جبتني للبيت عندي شغل
ارسلان: غير انت بس لكلك اكلك شوفلي شصار بشغلتنه
هارون : ماناسيها ارسلان وانشالله قريب كلش تفرح
ارسلان : انشالله نزل وانه رحت البيت وصلت بالليل تقريبا لكيتهم نايمين اكلت شويه ونمت مرت الايام ومهره ماداوم واستحي اسال كمر عنها بس وانه جاي اصعد شفتها واكفه يم هارون وجان تكله ....
أنت تقرأ
عروس بابل (قضيه ثار)
General Fictionقضيه حدثت عام 1989 في بابل بين عائلتين الاولى عائله متمكنه وصاحبه سلطه والاخرى عائله متوسطه الطبقيه وبين الماضي والحاضر ستروى الاحداث اترككم مع البارتات لقراءه الاحداث
