عاتبت الكمر هلبت يعجل الليل مامش نوم ليلك سهر راواني زاعلت القوافي وعفت الاشعار وبشارع فركتك تيهت عنواني جنهه يعقوب بغيابك تهل العين متآمل الدرب بعيوني واحزاني الصايم عشك شوفه حبيبه اذان والعايش جرح ما حاجه للثاني كلبك مايحن للعشره والايام ! شاعر كلبي من بعدك رثاني انطيتك عمر جاهل عمره سنتين شايب شو رجع كلبي ويعاني
********************************
رائد : كومي كومي كلش مايعه بنت الكاصد بعدني ماطاخها طاحت وضلت تصرخ
رباب : حيل نرفزني كلامه وضجت منه هواي وكتله انت واحد ماتستحي والا اكول الابويه عليك على كولتك الكاصد
رائد : لا خرفتيني
رباب : يصير خير
رائد : حتى ماعتذرت الها لان لسانها حيل طويل المدلله عبالها الناس خدم عدها الغبيه بس ياغبيه غير كمر نص بابل يردون نضره منها بس واصلا اليوم انه محضوظ حاجتني خرب اهلي
رباب : رجعت معصبه للبيت كلش اسب وادردم عليه الادبسز والحقير نوب حتى ماعتذر انه اله وصلت وامي ضلت تصيح
حمديه :شبيج منو وياج كليلي
رباب : اووو يمه محد جاي امشي واكو حفره وطحت بيها مانتبهت رجلي كلش توجعني
حمديه : سوده عليه حبيبتي
رباب : يمه شنو نازك وين
حمديه : عد اهلها راحت من الليل ابوها تعبان
رباب : لعد ارسلان اخذته وياها
حمديه : لعد وين تخليه وهيه منا حامل
رباب : اي يمه جان ضل عندي تدرين بيه كلش احبه
حمديه: بطلي سوالفجً هايه رباب وحبي ولد خوانج الباقين
رباب : يايمه انه احبهم كلهم وخصوصا ولد راهب بس تدرين بيه ارسلان متعلقه بيه واحبه هيج بالفطره
حمديه : روحي بدلي وصختي الكاع وتعاي اصبلج غده
رباب : اتاني ابويه يلا اكل
حمديه : يمه يتاخر روحي لاشلعين كلبي مابيه ع حجي ابوج
رباب : كتلج اتاني ابوي
حياتي حيل احبها وماجنت متخيله يصير وياي شي يكلب دنيتي كلها بغلطه ضليت متندمه عليها طول عمري خلي احجيلكم عن عائلتي شويه سولفت الكم عن اخواني راشد عنده ولد ومرته نازك حامل وزامل عنده ثنين ولد مويد وجمال ومرته ماسه بس وراهب عنده علي وسلار وراهب اخويه هذا اول شخص تزوج قبل اخوي الجبير لان حب بنت جيرانه واخذها اسمها مياسه وهيه صدك اسم ع مسمى جنها العافيه عندي عم واحد وعدنه خمس ولد وكلهم كبار تقريبا بحل اخواني راهب وزامل اسماءهم سامر وعامر وسلطان ومحمود وايسر هذول ولد عمي جبر واختهم وحده اسمها سماهر جانت اكبر مني بسنه بس حيل احبها كلشي اسولف الها لان اعتبره مو بس اخت لا كلشي بحياتي ايسر جان عمره بوقتها 30 سنه هذا الشخص ارتاحله بس ماجنت ادري خال عينه عليه وبسببه حياتي تدمرانه ادري بيه يحبني ويموت عليه ويتمنى مني نضره بس انه جنت اعتبره مثل اخوي لا اكثر ....
الرجوع الى الحاضر 2017
مهره : لج حيوانه وين صرتي
كمر : وجع حتى وجع شبيج ماتكليلي خبصتيني خبص
مهره : يعني ماتعرفين بالصار ماتعرفين ودو علينه حتى ننثبر نروح نشوف صخامنه وين طلع
كمر : يعني تبقين مسودنه ولج اعقلي
مهره : تدرين بيه عصبيه وماتحمل
كمر : اوي عيني عصبيه
هلو انه كمر صديقه مهره من ايام الابتدائيه كبرنه سوه وتربينه سوه نص وقتي يمهم ولنص الثاني هيه يمنه حتى من كبرنه وصلنه مرحله السادس ونجحنه رغم ثنين ننقبل بالمجال الطبي بس حسب كلام ابوها اختار انو تكمل هندسه وانه رحت وياها حيل اتاثر اذا ماشوفها يوم او تبتعد عني طبعا انه اللبس حجاب بس هيج اغطي شعري انه سنيه وهالشي ياذيني كلش شلون صديقتي شيعيه وانه سنيه رغم مهره واهلها خصوصا عمو كامل حيل احبه ماعدهم طائفيه انه اصلا امي شيعيه وعلويه هم بس مادري شبيهم علينه هههههه
أنت تقرأ
عروس بابل (قضيه ثار)
Художественная прозаقضيه حدثت عام 1989 في بابل بين عائلتين الاولى عائله متمكنه وصاحبه سلطه والاخرى عائله متوسطه الطبقيه وبين الماضي والحاضر ستروى الاحداث اترككم مع البارتات لقراءه الاحداث
