عروس بابل (قضيه ثار)

البارت الاول

مرات احس روحي انطفت
من تشتعل حنيتي
واشتاك ودموعي مطر.
ومناشغ ودخان تارس ريتي

*****************************
في البصره عام 2017

مياده : لج مهره راح تموتيني كعدي الدنيا صارت ضهر ولج كعدي
مهره : ماما عوفيني عفيه بداعتي خليني نايمه
مياده : لج كومي اخوج ع جيه وابوج هم كومي شوكت تلكين شغل واخلص منج
مهره: باوعت بتك عين اه ماما تردين تخلصين مني
مياده : ولج شلون اخلص منج انتي روحي من الدنيا انتي واخوج شعندي غيركم وابوكم هم
مهره : تدرين ماما بدي سولفين الي قصتج شلون حبيتي بابا واخذتيه واهلج شلون ماتو
مياده : عوفي هالحجي ويلا حركي نفسج اجو باعي ندك الباب وانتي بعدج
مهره : يلا كايمه كمت رحت للحمام غسلت وفرشت ولبست برموده لونها احمر بيها ميكي كلش احب هذا الكائن خلصت ونزلت جوه صحت صباح الخير
ردو : عيني ياصباح ساعه 1 الضهر هسه
مهره : بابا ليش هيج تحجي
كامل : ولج ياروح ابوج جم مهره عندي انه هيه وحده وخلصت كليه وكابلتني وكعدت
مهره : زعلت ببكاء ما ريد بعد
كامل : لج تعاي حبيبتي يلا ميادتي صبي الغده ميت جوع ترا
مهره : دوم ادلل ع ابويه ههههههه حتى اشوف قيمتي عنده
سند : هلا باختي حبيبتي ونور عيني
مهره : هلا اخوي وين ماوين ماشوفك
سند : موجود انتي النايمه 24 ساعه هههه
مهره : بابا شوفه شلون يحاجيني
كامل : ولك سند عوف اختك يلا حبيبتي روحي وي امج
مهره : تمام بابا رايحه
اوكفو دقيقه غير اعرفكم عن نفسي اول
اني مهره البنت الثانيه لاهلي بعد زواج امي وابوي بسنه صار اخوي سند طبعا اخوي كلش حباب وجميل وصاحب شهاده وذكاء كلش عالي اخوي خريج هندسه كيميائي وحاليا شريك بمعمل مواد تجميل ويريد يفتح معمل خاص بيه اخوي صارله سنين يشتغل موهسه من هوه وطالب او بالاحرى من جان بالاعداديه اتذكر عليه وكلش شاطر عكسي ههههه اخوي مواليد 1990 وانه صرت ورا بسنتين يعني عمري 1992 تخرجت صارلي ثلاث سنين طبعا هواي عدت بالسادس ع مود المعدل اني خريجه هندسه معماري هههه لاتحسدوني ترا جنت اشاقه من اكللكم انه ماحب الدراسه ابوي رادلنه هالمجال رغم اخوي بسنته ينقبل صيدله وانه طب عام المهم امي اسمها مياده من بابل بس من تزوجت ابوي اجت للبصره تكول اهلي كلهم ماتو بحادث بيوم طالعين للزياره وانه مارحت جنت مريضه بقيت بيت عمي وبالرجعه تصادمو بسياره حموله وتوفو كلهم اما ابوي اصلا من البصره حسب ابوي رجال بسيط ع حاله من جنه صغار بس دخل بهواي مشاريع ع ماسوه هاي الثروه كلها والفلوس احنه ممحتاجين بس الشغل اهم عند ابوي من الاعتماد ع الاهل عندي جدي وبيبي توفو من جان عمري 15 سنه كلش تاثرت بوفاتهم لان متعلقه حيل بيهم وعندي عمه وحده متزوجه بأربيل وعندها 2 ولد وبنيه عدها سالار وايمن وتقى وكلهم كبار اكبر من عندي سالار متزوج وايمن خاطب وتقى تحب اخويه وبعدها بامل رغم كلها انتي مثل اختي المهم هاي عائلتي وهسه انه مقدمه ع شغل ومنتضره يطلع هالشركه الي مقدمه عليها بيها هواي افرع بعده محافضات تمنيت يطلع اسمي بغداد حلوه بغداد وجميله طبعا نسيت اوصفلكم شكلي انه طويله 165 طولي وزني 65 بشرتي حنطيه مو سمره لا حنطيه وعيوني خضر على عسلي وحادات  وحواجبي  طبعا هسه تاكلون راسي شلون حنطيه وعيونها خضرعدنه وراثه العيون الملونه بيبي زمزم الله يرحمها عيونها نفس عيوني بالضبط شعري اسود وسرح طويل كلش بحيث مرات اكول اكصه بس حيل احبه ماينطيني كلبي طبعا مامحجبه انه وابوي مافرض عليه الحجاب رغم كاعدين بالبصره وعشاير كلش احب اهل البصره واحب منطقتي وحيل متعلقه بيها واخويه هم نفس الشي عيونه افتح من عيوني والدتي كلش جميله بس للاسف ماطلعنه نشبهه رغم ماعايزين لان امي حيل بيضه  وعيونها زرك مرات اضوج منها ههههههه لان ابيض مني واحلا هسه انزل صورنه كلنه وحتى بابا صاك ينوكل طبعا احنه من بيت الاجودي هاي صورنه 👇🏻