عروس بابل (قضيه ثار)

البارت الرابع عشر والاخير

حسبالي الموادع دورت وجوه
ضكته ويا ثكلها اجدام اليرد
ساعة لجيبك ايدك ساعة محتار
تمسح دمع بيها التارس الخد
كل هذا الشعور اتعيشه بوداع
من تريد واحد ناوي يبعد
من تصير روحك تشبه اسوار
يافشلتها لو ودعها معضد
المسافه البيتنه بوكت الفرح شوف
نفسها بفرگتك بس صارت اشگد
باب الغرفة هم ما ينفتح گام
مو بس باب الله بوجهك انسد
وجهك ينفضح وي اليسألون
الضوة خلص حياته بغير ملبد
الشارع ما يخلّص يمشي وياي
سراب اشما اگرّب يبدي يمتد
                               الشاعر علي حميد .....
********************************

مهره : بعد ماكعدنه ورتاحينه تقريبا وصلنه ساعه 6 العصر لان ابوي متحمل ابد وراها ضلت تلح عليه كمر كليلي كليلي اضطريت اسولف الها كلشي لطمت ع وجهه
كمر : عزا العزاني ولج مهره يعني هسه خالتي ام سند يمهم
مهره : اي يا كمر محتاره شلون جاي احجي وضليت ابجي خنكتني عبرتي حيل
كمر : شفتها تبجي ضليت ابجي وياها كتلها لعد ليش ماكلي هارون ليش
مهره : كلهم جلاب كلهم حقراء الله ينتقم منهم شكد اكرهم كمر شتديت بالبجي سارت ساعه 7:30 دقيقه اجاني سند يركض
سند : لحكي مهره ابوي ماهو مادري وين راح وعمتي تكول طلع مستعجل بس ماقبل يكول وين راح
مهره: لك انت شبيك ماتفهم اكيد راح لبيت كاصد امشي نروح ورا شلون بيه ابوي
كمر : اروح وياكم ماخليج
مهره : ديلا امشي رحنه ومشه سند سريع كلش وصلنه وصدك لكينا باب البيت واكف يريد يدخل صحت عليه كتله بابا ورحت كضيته وياي سند وكمر
كامل : عوفوني كتلكم هسه ادخل لا والله اسوي شي بحياتكم مامتوقعينه عرفوني
مهره : الله يخليك بابا موهيج تنحل
كامل : اذا كلبكم بارد انه كلبي نار ضليت اضرب ع صدري انه كلبي النار كلبي راح يوكف اريد اشوف ربابي اريد اخذها وياي هاي مرتي حلالي وخرو عني كتلكم
مهره : اول مرا اشوف ابوي هيج اول مرا احس بحبه الامي حيل نقهرت ضطرينه ندخل ويا وصلنه للباب وابوي دكاه فلشه

ارسلان : جاي نحجي والباب تفلش ماعبالك يندك
كاصد : ابني روح فتحه
ارسلان : الله يستر من هدوء جدي فتحت الباب وجت عيني بعينها اخ يا مهره كلبي عيونج شصاير بيهم من البجي باوعت رائد واكف وسند دفعني رائد ودخل بالمناسبه اسمي رائد انه لان ماعرف غير هذا الاسم الي اكرهه  وجدي صح مسولفلي كلشي ويريد نتقم منهم بس ماكلي شلون راحت وليش شردت حتى تكون واضحه بالنسبه الكم
كامل : دفعته ودخلت اصيح اريد ربابي اريد مرتي
كاصد : ضليت ساكت ساكت كمت وكفت وحجيت بحده مرتك الي اخذتها خفيه الي خليتها تعوف اهلها ماشوف الا راشد هجم عليه ويردون يفكونه منهم ماكو
مهره : شفته اجه ع ابوي وضربه حيل سند راح دفعه وانه هم رحت وخرته كتله وخر كسر ايدك انشالله حقير
راشد : منو حقير كمت وضربتها راشدي كل قوتي طاحت بالكاع حتى مرا ثانيه تعرفين تحجين عدل وياي ادبسز مامترابيه
مهره : خليت التربيه الك راشد الكاصد
كاصد : اكعد راشد شكتلك انه بس خوش سويت بردت كلبي من طكيته الضاهر ولدنه مابيهم حظ وباوعت ع ارسلان وهارون
مهره : شتردون من عدنه صارلها سنين حرام عليكم ليش سوون هيج ليش
كاصد : من تصيرين بمكاني تعرفين
مهره : انتم ماتخافون الله ماشوف الا ابوي كام
كامل : هسه اخذها وياي لو جثتي تطلع منا ماهتم اريد ربابي ضليت اصيح رباب رباب رباب
رباب : نايمه واسمعه يصيح باسمي ماكدر اكوم احس جسمي كله مكسر ضطريت اكوم وامشي لزمت بالباب ماريد احد يتاذه ماريد حبيب حياتي وعمري يتاذه لو ولدي اخ مهره وسند اعز من روحي كضيت  بالحايط ومشيت اريد انزل اشوفهم اريد انزل ابعدهم عني تمسكت شويه شويه فتحت الباب ونزلت الدرج وكلها ضلت تباوع عليه خصوصا اولادي مصدومين من شكلي وحالتي الي ماتنعرف من كثر الضرب الي اخذته من ابوي كتلهم شجابكم روحو ماريد اشوفكم انه خلصت حياتي وياكم روح رائد
رائد : انتي شتحجين رباب انه ماروح ماتحرك منا اذا انتي مو وياي لونموت سوه لو نعيش سوه
رباب : روح رائد الله يخليك اذا مولخاطري لخاطر مهره وسند ماريدهم يتاذون من شي الله يخليك ضليت ابجي بهالاثناء دخلو خواني وماسه ومياسه شافني نصدمن اجن يركضن حضننيً وباسني مياسه شجابج رباب ليش اجيتي
رباب : بعدين مياسه موهسه
مياسه : حاله يبجي من كثر الاثار الي صايره بيها انه اتذكر عليها من جنات شابه صغيره رغم لحد هسه صغيره موكلش جبيره اي ضربه بسرعه يبين بيها لان كلش حساسه راهب حجه
راهب : شجابج رباب
كاصد : اي واخيرا نطقت يعني جنت تعرف مكانها مو يا ابو علي
راهب : لا بويه ماعرف بس تفاجئت منها
كاصد : انشالله المسرحيه خلصت هسه صح يلا الكل تكعد بلا استثناء بسرعه وانت يا ام سند وضحكت بستهزاء تعاي كعدي هنا بينه اهلج احنه
مهره : باوعت مستغربه حجي كاصد الي اسمه جدي عود واباوع الارسلان نفس الاستغراب جان يكول طبعا اكو اشخاص اجو ماشايفتهم بحياتي بس اكو ثنين مافكو حلكهم بحرف ابو ارسلان وابو جمال حسب معلومتي حتى جمال جان موجود والكل متواجه ماقبلت اكعد لا انه ولا اخوي وابوي
كاصد : سمعوني زين انه قررت مصير الكبالي هسه كلهم واحد واحد اسمعوني انه اتنازل عن الثار بس بشرط
مهره : انه عرفت شرطه حيكون مؤذي بس ضطرينه نسمعه اباوعرالابوي احسه فرح شويه كلت الله يكمل فرحته بخير يارب
كاصد : مهره تتزوج ارسلان
مهره : بقيت متصنمه بمكاني اباوع للكل وجوهم نكلبت جان تحجي امي
رباب : وانه بنتي ما انطيها الكم ولاتحلمون اصلا انتم ناس ضالمين ماتخافون الله ضلمتوني وتريد انطي بنتي لابن نازك نازك الي دمرت حياتي نازك الي فضحتني بكل مكان
ارسلان : ضليت مصدوم بالحجي الي جاي اسمعه امي موهيج عمه شجاي تحجي
رباب : انه موعمتك انه وحده ابوها دفنها بالحيا قبل 30 سنه وهسه يريد يرجعها اله لا انه ميادة الي شفت القهر والضيم ع ماتعدلت حالتي تدرون بشنو مريت شنو صار وياي مانكر فضل ابوي عليه وحبه الي بس مع ذالك ضلمني تردون انطي بنتي لراشد الي تهدد عليه يذبحني لو مرته الي وكفت فوك راسي تكلي اكرهج وبهذا اليوم سولفت كلشي الهم بحيث اباوع لوجوهم كلها نكلبت كلاب
ارسلان : ماجاي اصدك الي اسمعه ماصدك امي هيج طول عمري انضر الامي انها احسن ام بالعالم والدليل ربتنهراحسن تربيه تطلع هيج وضيعه لهدرجه وتودي عمتي للهاويه باوعت عليه وكتلها للاسف يمه عبالي انت احسن ام بالدنيا
نازك : صدكوني ندمانه ع كل شي سويته فعلته واتمنى ينعاد الزمن
رباب : اش ولاحرف تدرين شي لحد هسه اكول حسبي الله ونعم الوكيل انشالله تضوكين الي ضكته يارب العالمين لان الاذيه الي شفتها وصارت كله من ورا حشج براس اخوي راشد وحتى رفض ابوي عرفته بسببج لان ضليتي تقرين براسه لراشد بس يجي يوم وتشوفين شي بحياتج مامحسبه اله
كاصد : اش ولاحرف وهسه جاوبيني يا بنتج تاخذ ارسلان يا رائد يصير بخبر كان
رباب : باوعت لرائد حيل نكسرت عليه احس لمعه بعيونه احس يكلي لا تقبلين واموت عادي ماريد بنتي تنضلم نهائيا وباوعت صوب مهره جاي احجي وكالت
مهره : كلشي ولا ابوي يصير بيه شي صرخت انه موافقه باوعت الارسلان يباوع عليه بتعجب
ارسلان : صح فرحت بس بداخلي ميت الف سؤال وماردت اخذها بهيج طريقه تصفيه ثار ماريد اريد مهره حبيبتي الي حبيته اريد اخطبها من اهلها اريد اروح بالزفه من بيتهم مو اخذها شبه فصليه لتصفيه ثار
زامل : بويه انت جاي تسوي هيج شنو قصدك تاخذ بتهم فصليه
كاصد : باوعت عليه طبعا زامل حيل متعلق بسالفه الشيوخ والقضايا العشائريه لدرجه بتعد عنه وعن بيته واخوانه صار كائن ثاني احسه صار يشبه اخو راهب بس مع ذلك رديت عليه اي ابني فصليه اخذها واتعامل وياها مثل ماريد
زامل : بس هايه من لحمك ودمك صحيح اهله غلطو بس مومعناها تحملها ذنب وتبقى منك وبيك يبه الحجي مايصير
راشد : انه ماريد هذا الصلح الموت قليل بحق هذا
مهره : الكل ساكت حتى اخوي سند مافتح حلكه احسه دايخ رجعت كلت وانت منو اخذ رايك بله ماتكلي انه موافقه اصير فصليه فتهمت وهذا الي اسمه جدي قرر هالشي
راشد : انتي مامترابيه ويراد تربيه الج من جديد
مهره : علم روحك التربيه اول راشد الكاصد
راشد : نرفزتني ردت اضربها وجان يلزم ايدي ارسلان
ارسلان : المرا الفاتت عديتها هالمرا ماسمحلك
مهره : صح موقفه جان شجاع بس انه طابت نفسي منه كرهته باليوم الدفع بيه ابوي وطاح بالمستشفى بسببه باليوم الي اخذ امي مثل قطاعين الطريق
كاصد : اتفقنه العرس الخميس اليجي
رباب : الي شوفه
كاصد : يلا روحي وي رجلج وها عرس ماكو اخذها بهدومها بس نعقد عليها فتهمتي
رباب : العرس الي يجي من بيتكم ماريده طبعا هسه تكولون شنو الاختلاف من ركعت جوه رجليه الاختلاف صار انو ابوي مات من داخلي من ضربني وانه اتوسل بيه حسيت خلص ابوي ماموجود ماخفي الحزن الي بداخلي كله ماخفي شعور الخوف الي صار بكلبي احسه هذا مو ابوي وادري باله شي احس عمري كصير وماراح اطول صدكوني هذا الاحسه حياتي الي صارت باهته من 30 سنه رغم وجود اعضم ثلاثه بحياتي ابني وبنتي وحبيب عمري وروحي ورفيق شبابي رائد حياتي احس عمرها قصير كلش وماراح تطول المهم رحت وياهم وانه مليون حسبه براسي ماجاي احس بشي غير اهم بالي راح يصير تعدت الايام ومهره بس تبجي تكلي ما احبه اكرهه واكره بيته وصل يوم الخميس وبنتي طلعت احلا بنيه بالدنيا احلا لعابه بفستان ابيض طويل وحجاب ع شعرها اجو وكفو بالباب واحس كلبي نعصر حيل
مهره : رحنه للبيت وانه بس ابجي ماريده ماحبه نفسي طابت منه اخ يابويه لو ماانته بحياته يحلم يشوف وجهي وهسه قرب اليوم الي يصير بيه من نصيبي واصير مرته وبالاجبار
ارسلان : شعور اعتلاني غريب احس كلشي حلو رغم الضروف خطا بس شلون اخذها وانه ادري بيها تكرهني خصوصا نضره عيونها الي تغيرت عليه بعد اللمعه الي شفتها قبل بيها هسه مجرد نضره عاديه مملؤه بالحقد والكره وصل اليوم الي ينربط اسمي باسمها حتى وان كانت فصليه الي اريد بس الثار يفض بس هذا كله ماجنت ادري بالناوي عليه جدي
كاصد : راحو وانه بداخلي فرح عبالها اخذ بنتها الارسلان بنت رائد تصير جنه لبيتنه بحلمهم بس بسيطه الا احرك كلبج يا رباب واطفي نار كلبي الي شعلتيها من سنين وسنين مرت الايام وحمديه تريدني بس اغير رايي ويفض كلشي ماتدري بالناوي عليه ماراح اخلي فرحه بكلبها بعد انه بنتي احبها واتمنى احضنها بس هيه موتت كلشي بفعلتها الي سوتها جنت اتمنى اسامحها بس مابيدي شي صحيح بحياتنه هواي اخطاء ومانعترف بيها نسيت وراها ان لله حق ولازم يطلع بيوم وصل اليوم المنتضر الي انتضره ورحنه ولكيناهم واكفين هالحجي ماجبنه ويانه لا شيخ ولا شي لكيناهم واكفين بالطارمه بنص البيت كلهم وياهم ابوهم وسند ومهره وبنتي رباب حبيبه عمري باوعت عليها وكتلها للاسف يارباب وقت الحساب هسه بده وكل الي صار اريد احرك كلبج بس جريت سلاحي وجهته ع رائد وبدون تفكير ضربت وجان ........
رباب : وصل ابوي لباب بيتنه وادري بيه جاي يصفي ثاره انه اعرفه ماينسه حق اله نوخذ حتى وان كان التصرف الي يطلع منه خطا وغير صحيح وكفنه بنص البيت يم رائد وكل خطوه يخطييها ابوي كبالي احس هذا اخر يوم بعمري بس ما ضوج لان خلص حياتي انتهت اريد رائد يكون بخير واولادي وساعتها راح اكون اسعد انسانه ادري بي مامتقصد بالسوا بس القدر نكتب يم رب العالمين اباوع ليوره سعاد وبنتها ورجلها ابنها سافر رجع لالمانيا بقو همه اباوع عليهم كاني اريد احفظ ملامحهم اباوع لمهره وسند ورائد اخ يا رائد ياحبيب روحي شكد اشتاقلك لدرجه وانه وياك اشتاقلك ماجنت ادري ماشبع منك وصلو يمنه وادري وحاسه بالي راح يسوي وصل وكال للاسف يا رباب وقت الحساب هسه بده بس اريد احرك كلبج لا غير مايدري بيه انه الي راح احرك كلبه الدرجه يكره حياته وراي ادري بيه شكد يحبني جر سلاحه وضرب بدون مايرف اله جفن جان قاصد رائد بس انه بسرعه صرت كباله وجان تخترق صدري رصاصه ابوي رصاصه ثاره طحت بالارض وكلها ضلت تصرخ اباوع مهره وسند ورائد اني بحضنه يكلي لاترحين وتعوفيني رباب اريد اجر نفسي ماكدر كتله وانه اشهك رائد دير بالك ع اولادي حافظ عليهم اوعدني رائد كلي وعد وغمضت عيني وخلصت ....
مهره : امي صارت ضحيه ثار جدي كاصد وكعدت وكلحنه نصرعنه وضلينه نصرخ وندك ونبجي وهيه توصي علينه امي غمضت امي راحت رباب راحت ضليت اصرخ وادك ع وجهي رباب راحت ياناس اخ سند امي.راحت راحت سند راحت ضحيه كره وحقد سند امي راحت اجاني ارسلان حضني حيل وكلي ع كيفج وي روحج كتله ارسلان امي راحت بعد ماتجي ماشوفها ماشوف ضحكتها ولا عيونها الحلوات ولا صوتها اسمعه ولا اشم ريحته يمااااااااا