عروس بابل (قضيه ثار)

البارت الثامن

نامت الناس وبقيت
مناطر النجمة المغربة تجيب من شوكك بريد
وبيدي اسد جفني وسهر كَلبي يزيد
هواي ناس بكلبي تالي الليل تكعد
وانت ما خسران لو منهم تصير
وبالجذب عن حالي تنشد
هذا ليل وحتى المصوب يلم روحه و يهيد
وانه اناطر مدري المن
ما ينام الما عرف روحه شتريد
********************************

رباب : كلالي خلي نتزوج بالسر حتى تصيرين حامل ونخليهم كدام الامر الواقع وراح يوافقون كتله مايصير هيج شلون من وراهم
رائد : صدكيني رباب راح نرتاح اذا هيج راح نعيش سوه راح نخليهم يوافقون حتى لو يزعلون كم شهر بس راح يقبلون
رباب : مادري رائد دوختني وصدمتني
رائد : ابوس ايدج قبلي والله ماكدر اعيش من دونج
رباب : شبيدي يا رائد عقلي تشوش
رائد : باعي وجهج شلون ازرك من الضرب
رباب : بس ابوي اعتذر الي رائد ماريد اكسره وهوه يكول مربي بنتي احسن تربايه
رائد : رباب احنه ماراح نسوي شي حرام انه هم ماريد هالحرام رباب انه هم اصلي واخاف ربي وكتلج بالحلال وامي تدري وابوي هم
رباب : بس
رائد : خليت ايدي ع حلكها وكتلها من غير بس رباب انه احبج وماكدر من دونج يوم واحد وشوفي ابوج شلون قافل علينه ومن طردته النا لو اجيج الف مرا ماراح يقبل
رباب : خليني افكر
رائد : رباب باجر اجيج هنا وتكولين موافقه اولا واذا متوافقين ف عذريني اعتبريني. طالع من حياتج
رباب : لتسويً هيج بيه تدري بيه احبك رائد
رائد : لعد قبلي تقربت عليها وبستها من شفايفها
رباب : بادلته لان حيل احبه واموت علي ماكدر اعيش من دونه رئسا كتله موافقه رائد شو هذا حضني كل قوته وشالني فرني وكلي احبج رباب باجر اتمم كلشي سويلج روحه لصديقتج شي كتله تمام باجر ساعه 3 اروح لصديقتي اكلهم ضايجه
رائد : تمام عمري
رباب : راح وانه بالي يروح ويجي يروح ويجي خلص الليل واجه الصبح وصار وقت الغده ساعه 2 كتله بابا اريد اروح لصديقتي فرح
كاصد : بيش الساعه
رباب : ب 3 وارجع ساعه 7
كاصد : تمام روحي
رباب : شكرا بابا انه احجي وكلبي يرجف يرجف احس انو راح تصير نهايتي هالمرا اخ يا كلبي
صارت ساعه 2 ونص رحت بدلت ولبست بدله سوده مع حزام ابيض وحذاء فلات ابيض اخذت جنطي وطلعت لكيته متانيني راس الفرع اخذني ورحنه لبيتهم امه بوستني حيل وكالت انتي بنيتي بس شسوي لرائد الا ياخذج المهم دخلنه واجه الشيخ واول مرا ماقبل يعقدني لان قاصر بس كتله انا وكيله نفسي وقنعو طبعا الشيخ من بغداد جابه رائد لان هنا الكل يعرف ابوي عقد وخلص وباركلي رائد باس راسي وانه كلبي يدك الف دكه اخذني لغرفته ودخلنه وكعد يسولف وياي
رائد : اليوم اسعد يوم بحياتي خلي يقبلون الا اسويلج اكبر عرس بالدنيا
رباب : تقرب مني رائد وانه خايفه شوي بس من شده حبي سلمت نفسي اله واخذني وصرت حلاله ومرته وحبيبته حيل احبه لدرجه ضحيت باهلي وناسي ع موده مافكرت بالعواقب بلحضه ضعف قبلت بكلشي خفت لا اخسره ماجنت اعرف اهلي شنو هذا بالماضي بالوقت الحاضر حيل مرتاحه ويه رائد صحيح حياتنه شوي حذره وصعبه بس حيل احبه فوك ماتتصورون نرجع كملنه كلشي تم خلصت ورجعت لبيتنه صحيح خوفي جبير بس رائد وياي اماني وسندي تعدت الايام وانه كل سبوع اروح اشوفه مرا بالختله بده دوام المدارس بديت ادوخ وتلعب نفسي وبديت اشتهي اشياء انه تعجبت ع نفسي نسيت احسب لموعدها شكد صار ورائد بدوامه مموجود تعدت الايام  طبعا دخلنه بسنه 90 وانه الدوخه تزيد تاكدت وراها انو انه حامل خلص هاي اعراض الحمل حست بيه نازك مرت اخوي راشد حيل احبها انه هسه ومياسه بس ماسه ماشتهيها مرت زامل
نازك : رباب شبيج ليش وجهج مخطوف
رباب : مابيه شي دوخه الدراسه والاعداديه صعبه حيل
نازك: ولعبه النفس شنو موقعها
رباب : مادري نازك هاي فترا هيج تلعب روحي من كلشي
نازك : بله اخلي ايدي ع بطنج
رباب : لا مابيه شي عوفيني
نازك : احجيلي شنو سويتي بسرعه اعراضج كلها دل على انج حامل
رباب : شتحجين انتي تخبلتي ومنين احبل
نازك : لاعبالج انه نايمه ع اذني لا حبيبتي اعرف كلشي واعرف بعلاقتج وي رائد ابن دكتور ازهر
رباب : منين تعرفين يعني
نازك : عرفت الاشياء متنضم عليه بهذا البيت احجي
رباب : من ارتباكي حجيت كلشي الها ضربت ع صدرها وكالت
نازك : عزا بعينج رباب ولج شسويتي ماتكولين وينه هوه عريس الغفله مااجه هاي صارلج اربع شهور ولج بطنج مبينه بس انكول سمنانه انتي الي جنتي تخافين زيدين كيلو
رباب : كافي نازك رحمه لربج انه احبه وهوه يحبني وزواجنه شرعي مابيه اي اشكال
نازك : يمته يجي ويمته تكليله
رباب : منتضرته مادري يمته نازك مادري
نازك : روحي لبيتهم رباب سالفتج ترا تتاذين من وراها
رباب : انشالله اروح خل يجي هسه خلت وطلعت وانه بقيت بناري مادري شحجي شكول ضليت ادعي ربي يطلعني من هاي السالفه مرت الايام وامي ضلت تشك بتغير جسمي المستمر وصلت شهر 5 نهايته بطني حيل بينت مادري شلون اضمها قررت اللبس عباتي واروح لبيتهم لبست ورحت دكيت الباب طلعت امه هلو خاله
ام رائد : هلو بنيتي شلونج عمري
رباب : زينه خاله وين رائد
ام رائد : والله يمه بالطريق قبل ساعه خابر وكال راح اجي وردت اجي انطيج خبر بس اجيتي برجليج بس صايره حلوه وسمنانه
رباب : خاله انه طايحه بمصيبه
ام رائد : شبيج يمه
رباب : انه حامل خاله
ام رائد : عزا بعينكم ولكم شلون غير تاخذون احتياطكم
رباب : خاله اصلا قبل لانتزوج كلي لازم نتزوج وتصيرين حامل حتى يقبلون ينطونج وانه هسه بنهايه شهري الخامس حتى مستواي بالمدرسه قل وكاضيتها بس اكل
ام رائد : راح يجي خل يجي ونفتهم
رباب : جاي ارد عليه ونفتح الباب ودخل علينه رائد ركضت عليه وحضنته من شوكي اله بوسني براسي وبخدي وكلي
رائد : يانضر عيني ولج شو ثكلانه شتاكلين
ام رائد : هلا ابني شو تسالها ليش موهذا الي ردته
رائد : شنو ردت
رباب : رائد انه حامل بفرحه اجه حضني وشالني وباسني كال كولي والله كتله والله شبيك
رائد : يمه حضري روحج اليوم نروح نخطبها من اهلها واذا مقبلو اخليهم كدام الامر الواقع
ام رائد : ولك يمه فكر قبل لا تخطي خطوه لبنيه نهايه الخامس وخاف عليها ابوها شراني واخذ شور ابوك
رائد : يمه اروح اروح وتدرين بيه احبها واموت عليها
ام رائد : بعد كيفك
رباب : ضليت صافنه بينهم واكفه لحد ماكال روحي حبيبتي ساعه ب8 احنه يمكم طلعت لبيتنه وانه عندي لمحه من الامل ابوي هالمرا يقبل وصلت للبيت ساعه 6 العصر دخلت صعدت لغرفتي كتلهم جنت اودي كتب بنيه وياي اجتني نازك
نازك: بشري
رباب : اليوم يجون
نازك : خوش مبروك عليج خيه
رباب : الله يبارك بيج بس ادعي ابوي يقبل
نازك : انشالله يقبل خيه بس كولي يا الله
رباب : يا الله تعدت الساعات وصارت ب 8 ندك جرس الباب وفتحو وجانو همه بس هالمرا وياهم ابوهم عمو ازهر لان يصير صديق ابوي بس رغم صديقه مانطا المرا الفاتت مرا كعدو وفتحو نفس الموضوع وابوي هم رجع رفض هلمرا كلت مايصير اسكت لازم احجي وراح احجي لان ماريد انفضح دخلت عليهم وكتله بابا انه موافقه اريده واحبه ومقتنعه بقراري اجه ابوي يمي باوع عليه وجان ...........