عروس بابل (قضيه ثار)

البارت الثاني عشر

و يشبهني حلم عينج
اطوفن شعرج المبيوگ
واتلگه الحزن گمره
واشتل كل سماري ارموش
واصابيعي نذر عشاگ
يتبدن
خـصل سمره
باجر كل ضوه الدنيا
يلاگينه
باچر والامل شمسين
يلگه وجوهنه
ويرسم معانينه
الوجع نيشان
بعيوني
الحلم نيشان
بعيونج
الحزن ديره غريبه
وناس
ماضاگت بواچينه
********************************
هارون : اتصل عليه عصام رديت عليه وجان يكلي
عصام : ابشر يا شيخ لكيتهم الك وحتى اسماءهم عرفتها
هارون : اي كول منو رد عليه بحجي صدمني ضليت اباوع ع ارسلان وارسلان يباوع عليه وجهي نخطف من سمعت اسمهم معقوله هيج
عصام : يمعود سمعتني
هارون : عيد منو كتلي
عصام : الرجال غير اسمه من رائد لكامل والمرا اسمه مياده وحاليا ساكنين بالمنطقه * وعدهم ثنين اولاد بس
هارون : منو اولادهم حجيت هيج وحلكي نشف حسيت الجاي يكوله حلم بالنسبه الي
عصام : مهره كامل وسند كامل هيج اسماءهم وثنينهم خريجين هندسه معماري الي عرفته البنيه دتشتغل بشركه بمدينه بابل والولد لازم عقارات ابوه
هارون : تمام شكرا الك طبعا الكلام كاله بدقيقتين الي يعني ماطول هالكد بس صدمته بالنسبه الي عبالك ديكوله صارله ساعتين حيل نصدمت يعني يمنه وقريبين علينه وبيتنه دخلو وماعرفناهم زين الشبه البينه مانتبهنه اله صفنت بوجه ارسلان واشرتله نطلع
ارسلان : بعد اتصال الي اجه لهارون باوعت عليه حيل احسه نخطف لونه اشرلي اطلع ستاذنه وسلمنه عليهم وطلعنه من البيت سريع يمشي هارون جمال كله
جمال : لك هي فهمنه شبيك تركض منو وراك
هارون : لتفتت عليهم هاي عمتي رباب
ارسلان : بصدمه شنو عمتك رباب شبيك
جمال : تخبلت المرا ميته صارلها 30 سنه
هارون : انت حقك متدري جنت بوقتها بطن امك ارسلان مهره بنت عمتي رباب غيرو اسماءهم وصارت مياده ورائد اسمه كامل
ارسلان : احس شي وطاح ع راسي كتله شدتحجي متاكد
هارون : متاكد مثل ماجاي اباوع عليك انه هم جنت شاك وخلي بالك ابوي جان يزورها بالبصره وانه سكتت حبيت اتاكد وبمرا جاي اصعد وسمعت امي تكله نرجع لورا شويه جاي اصعد الدرج وسمعت امي تحاجي صار عندي فضول تقرب ع الباب وسمعته تكله كافي تروح الهم بالبصره اذا دره حجي كاصد راح يوديك ورا الشمس رد عليه لج ماكدر احس روحي بيها هاي بنتي قبل لتكون استغفر الله انه مسامحها بالنسبه الي وهمه بكيفهم بعد نرجع للحاضر وهذا الي صار ارسلان
ارسلان : كمشته من قميصه وكتله ليش ماكتلي ليش يعني قريبين من عدنه وبيتهم لا وساعدناهم حتى ننقذ بنت عمتك اذا دره جدي يطيح حضنه لك هارون ماجاي استوعب جمال واكف فاك حلكه
جمال : يعني عمتي عايشه ماميته شنو الصار فهموني
ارسلان : الي نعرفه عمتي تزوجت شخص غصب عن جدي وراد يوصللهم بكل وسيله حتى يرجعه لحضنه هذا الي نعرفه وبس
جمال : وليش موتها بالحيا يعني مهره وسند اولاد عمتي
ارسلان : هه المفروض اي
جمال : شبيك تضحك شبيك
ارسلان : اضحك ع صدمتي الاحبها بنت عمتي ومادري بيها لا والاضرب خليني ساكت بس اكول لابس كمامه ابوها وماينزعها وامها مغطايه من فوك ليجوه ثاري ع مود هالسالفه حتى محد يعرفها
هارون : عوفو هالحجي شلون نوصل الجدي
ارسلان : مادري هارون مادري ركبنه السياره وتوجهنه لبيتنه تقريبا ساعه 8ونص بالليل دخلنه لكيناهم كلهم كاعدين حتى عمي زامل وراهب واولادهم تاج الدين كتله جدي بله زحمه اريدك جوه حتى مسلمت عليهم من الدهشه تقربت ع جمال كتله بالك تحجي شي
جمال : تمام
ارسلان : كام جدي ورحنه انه وهارون كناله جدي مادري منين ابدي وشلون
كاصد : احجي ارسلان لا تعبني احجي
ارسلان : جدي
هارون : انه اكله ارسلان لتحجي انت جدي لكيناهم وعرفنه عنوانهم
كاصد : وكفت ع حيلي وانه الفرحه ملت وجهي واخيرا وصلت الكم واخيرا
هارون : متريد تعرفهم منو
كاصد : منو طلعو
هارون : المهندسه مهره واخوها سند ولد عمتي رباب
كاصد : شنو
هارون : اي جدي وحجيتله كلشي كعد ساكت وهز راسه من سمع باسم ابوي كال صيحه كتله جدي مايصير تكله اذا كتله راح يخبرهم واذا خبرهم اكيد يغيرون مكانهم غير تريد عمتي انته
كاصد : صح كلامك وينهم هسه
هارون : جدي همه هسه بابل هنا بس نصيحه خلي يوجعون واتصرف طبيعي باليوم الي يرجعون ثاني يوم نطب عليهم وشرط ويانه ابوي
كاصد : عاشت ايدك يا بطل انه اكول تربيتي بيكم ماراحت هباء انت شتكول ارسلان
ارسلان : جدي انه تدري بيه وياك للموت بس
هارون : كافي ارسلان جدي يمنه اليوم الي يسافرون بيه اكلك عليه امشي يلا ارسلان امشي
ارسلان : لك هارون شلون ناذيهم لك هاي عمته شفت الشر بعيون جدي
هارون: تدري بجدي يحب عمتي رباب
ارسلان: بعد نضرته متاكده راح ياذيهم
هارون : لاتخاف ارسلان لتخاف يعني لان حبيتها تريد تنزل راس جدي
ارسلان : لك انت تشوف نفسك ولك شوف نفسك تحب صديقتها الي مالها علاقه بثار جدك هارون خليني ساكت احسن انه اعرف اشياء انت ماتعرفها لك انه وي جدي من عمري 12 سنه كلشي يدور باله اعرفه بس ساكت والمصيبه ماجنت ادري راح احب بنت عمتي يدور الوكت واحبها
هارون : ضليت صافن شنو الماعرفه ارسلان لاتخليني اروح وياك زايد ماريد علاقتنه تخرب احجي
ارسلان : وخر عني خليت ودخلت لغرفتي صعدت فوك خليت راسي ع المخده وانه كلبي محترك ع محبوبتي شلون اذيج مهره شلون وانه ادري بجدي يريد لا حول الله مايطاوعني كلبي اكولها بلكوه غفيت ساعه 2 الفجر .