ابــهيده
من اتبيع گلبك موش ياهو اليشتريي
وابــهيده
من تعشگ ابن ادم كوّن روحك تشتهيي
وهيه مو كل غلطه غلطه
باچر يشيخ القطار وينركن ب اقرب محطه
وجنطه جنطه
اتغادر الناس بثگلها
ومايضل بس الفراغ ايروش بيي
*******************************
سند : طلعنه وانه بالي يم مهره اكلج بله هاي المخبله ليش ماجت ويانه
كمر : والله مادري عن اختك شبيها خبله
سند : اخذلها عشه المهم رحنه اكلنه واخذت الها عشه ونوب رحنه للمكان الكال عليه ارسلان وصلنه وجان اشوفهم كاعدين وهستوهم يردون يطلبون شافني ارسلان
ارسلان : طلعنه وصلنه وهسه نريد نطلع وجان يجون بس عيوني دور ع مهره ماهيه صحت الهم يمنه واجو كعدو وهذا هارون عيونه اكلت لبنيه اكل كتله هارون عيونك لاافكسهنً
هارون : كلي هيج وطكيتها ضحكه المهم طلبنه والبنات بس يسولفن خبصنه خبص اكلكم شرايكم نروح للبحيره من نخلص
سند : اي حتى اروح اشوف مهره كالت رايحه هناك اشم هوه ومادري بالي يمها
ارسلان : الصراحه البحيره مكان صح حلو ويريح لنفس بس هم بيه شغلات مو زينه وتخوف وخطره وخاف هاي طيح روحها بمصيبه اشوفها ما اجت تريد تبقى وحيدها لمهم خلصنه واكلنه وانه عيني ع الساعه وهذول بس يسولفون كركركر
سند : عيني كلساع وحده تروح ع اخت ارسلان عرفنه عليهم وكلش حبابين بس بعده بالي مشغول بمهره المهم خلصو وكمنه رحنه للبحيره دورت دورت ماكو اتصلت عليها ماترد تلفونها يرن وماترد
ارسلان : ها حصلته
سند : لا ارسلان لا كتلها تعاي ويانه عندت الا تجي هنا
ارسلان : لاتخاف ماضيع لتخاف احجي هيج وكلبي يرجف عليها مادري شسوتلي انه الصعب هيج يصير بيه الما رف كلبي بيوم ع بشر يرف ع المسودنه هاي بس اخ لو اكضج باوعوًخلي ندور بهذاك الشارع تعال هارون وياي
هارون : تم اجيت بس برايك شنو ممكن يجذبها انه ادري ماعدنه سوالف الخطب والكلام الفاضي
ارسلان : هسه اكلك وين نلكاها
مهره : دفعت الباب ودخلت جاي امشي التفتت وجان يطفر عليه عتوي اسود بوجهي صرخت وي رجعتي لي ورا عثرت وطحت ع راسي بعد محسيت بشي ثاني ورا فترا طويله فتحت عيني عً كيف احس عيوني مغوشه وصوت يمي بس مافرزن ضليت اصرخ بس صوتي ممسوع من قوه الطيحه صرخت صرخت
ارسلان : تقربنه يم بيت بس محروك ومهجور جاي انعبره وسمعت صوت صياح بس خافت كلش كتله هارون تسمع
هارون : اي بس ماعتقد من البيت يكولون مسكون اصلا
ارسلان : دكولً يا الله مسكونيش
هارون : والله شبيك
ارسلان : جاي امشي وتكررت الصيحه عطت عليه لك هارون هاي مهره جوه دخلت اركض شغلي الضوه وجان اشوفه طايحه ع ضهره ومتربه ركضت اليها وشلتها هيه رئسا حضنتني وكال
مهره : شفت ارسلان حسيته منقذي كمت وحضنته حيل كتله لاتعوفني ارسلان اخاف
ارسلان : ماعوفج ياروح ارسلان
مهره : نصدمت من كلمته ورجعت حضنته بدون صوت طلعني ورحنه كبل اخوي رزلني وانه بيد ارسلان
ارسلان : معود خلي نوديها للمستشفى هسه وين هالكلام اخذتها ورحنه للمستشفى اخذوها شوي وطلعت تمشي كالو الحمد الله مابيه شي وراسها زين طبيعي وضهره هم عبالي نكسر بس كالو مابيه شي كضت اخوها وطلعت لتفتت الي باوعتلي وضحكت بس عليها التعب مرسوم رسم خفت عليها الصراحه مادري ليش كلبي يوجعني عليها المهم راحو للبيت ورجعت انه بالي يمها وافكر بيها واكول شلون بيج يوميه شامره روحج بمشكله اف مهره اف
مهره : رجعت للبيت ورزاله اخوي ماسكت خرا بيومه شكد يلح سكتت شكله دخلت سبحت وبدلت ونمت مادري مامرتاحه بنومتي كلساع افز افز افز اخير شي كعدت الفجر كمت اصلي احس جسمي يوجعني وحار كلش صحت كمر كمر
كمر : نايمه واسمع مهره تصيح عليه كعدت ها مهره شبيج
مهره : مادري كمر جسمي ياذيني عفيه
كمر : شبيج سلامتج
مهره : مادري معدتي تكلب رئسا احس صار عندي نشاط فضيع طفرت للحمام هيه طفره وهيه استفراغ ضليت اتقيء اتقيء بس ماده سوده
كمر : ولج مهره شبيج سند سند سند باعلى صوت سند
مهره : كمر اريد امي اريد امي كمر خابري امي
سند : شبيكم شبيكم
كمر : تعال ناخذها للمستشفى بيها شي موخاليه
سند : دخلت ولكيت شكلها حيل ياذي عيونها حمر وشعرها مكفش وجهه اصفر مخطوف شلتها ورحت للمشتفى كبل وصلت اخذوها كبل اتصلت ع ارسلان لان سبق واخذت رقمه
ارسلان : نايم واتصلو عليه رفعته وشفته سند كلت خير شبيه شلته الوً
سند : عفيه ارسلان اللحك عليه مهره تعبانه مادري شبيها
ارسلان : سمعت اسمه كلبي رجف طفرت كبل طفرت من الجربايه شبيها سند احجي
سند : مادري كتله شنو شفت بيها ونطيته المستشفى الاحنه بيها وسديته ورا ربع ساعه اجه هوه وهارون
ارسلان : بشر
سند : ماكو لحد هسه جوه شويه وطلعت الدكتوره كالت مابيها شي صحتها تمام التمام اصلا كتلها دكتوره ياتمام بعيني شفت السائل الي تقيئته لا تعصبيني وينها اختي جاي احجي وطلعت تمشي
مهره : شبيج سند مابيه شي لاتخاف يجوز لان ماماكله هيج صار بيه
ارسلان : شفتها بس احسها مو مهره ابد احس مو مهره جاي تحجي كتلها يعني مابيج شي
مهره : اي مابيه شي يلا نروح حتى ابدل واجي للدوام
ارسلان : تمام عندج العافيه خلينه ورحنه هارون لبنيه بيها شي
هارون : انه هم مارتاحيت لهاي السالفه حتى شكلها احسها مو مهره
ارسلان : انه هم هيج فكرت
هارون : شنسوي هسه
ارسلان : الله كريم اكلك شصار ع موضوع جدي لكيت عمتي لا
هارون : بعده ماتصل
سند : وصلنه للبيت وهيه وجهه رجع نخطف مرا ثانيه كتلها مهره بيج شي
مهره : لا سند مابيه اسكت صوتك يزعجني
كمر : شبيج حبيبتي شنو يوجعج
مهره : راسي يوجعني كمر راح اموت وصلنه للبيت وحاولت انام ماكدر احس الغرفه حاره مهره شعلي التبريد ليش حاره
كمر : مو مشغول هياته بس انتي عليته كلتي بارده
مهره : فدوه نصي حاره راح اموت نصته وجت يمي كالت بعد وكت ع الدوام نامي شويه كتلها خوش خليت راسي ونمت وجان يجيني حلم يخوف نفس البيت الطحت بيه ذكريات هواي خترقت ذاكرتي بس ماجاي افهم شنو هيه هواي اشخاص شفت بهذا البيت بس مافهمت شي اخير شي ختفو وبقه صوت يخوف ثخين يكلي بضحكه هه نورتي بيتنه يامهره ههههههههه فزيت بصرخه لكيتها ساعه 7ونص وكمر يمي تحاول تكعدني اصلا
كمر : شبيج حبيبتي صرخين وانتي نايمه وتكولين منو انت
مهره : كابوس كمر كمت سبحت وبدلت وحتى جاي ماشربت مالي نفس وصلنه للشركه وكعدت اشتغل وانه كلساع يامطفيه السبلت يامشغلته احس شي جاي يباوع عليه بس مايتقربلي شفت ارسلان عبر صحت عليه اجه ارسلان اسالك سوال
ارسلان : جاي اصعد للشركه عبرت من يمها صاحتلي وكالت اسالك كتلها سالي
مهره : اكو احد بالغرفه
ارسلان : لا ماكو
مهره : زين الجو حار
ارسلان : تعجبت ع اسئلتها كتلها لا بارد اصلا
مهره : ارسلان والله اكو احد ديباوع عليه بس ميتقربلي
ارسلان : ماكو احد مهره شبيج تخبلتي
مهره : ارسلان رحت عليه كضيت ايده وانه متعجبه تصرفي اصلا كتله لاتعوفني اخاف وديني الاهلي اريد امي
ارسلان : كضت ايدي تعجبت كضيت ايدها كتلها لاتخافين ماعوفج من شنو تخافين
مهره : منه هوه
ارسلان : من منو
مهره : جاي احجي ويا وفجئه شفت الخيال اسود واكف ورا ارسلان كتله هذا وراك
ارسلان : التفتت ماكوً احد ماكو احد حبيبتي انتي
مهره : لا اكو ارسلان والله وراك عفيه اخذني منا اخاف
ارسلان : كضيت ايدها وطلعته ركبتها بلسياره وهيه ترجف كاضه ايدي حيل نقهرت عليه الضاهر دخلتها امس للبيت اثرت عليه كلي هارون ماصدكت خابرت سند كتله سند تعال لبيت جدي انه ماخذ مهره الامي شوف شبيها كلي تمام سديت الخط وصلنه وجان
مهره : اخذني وصلني لبيت هذا البيت انه شفته بحلمي نفسه الي طلعت اركض منه بالحلم اي نفسه اخ راسي ارسلان راسي يوجعني احس خنكه بصدري ارسلان نزلت دخلتها وكلت الجدتي عليها كالت خليها تكعد سولفت وياها وكالت
حمديه : وليدي البنيه بيها مس من البيت الي دخلته كل السوالف الي سولفتهن تدل ع هذا الشي وخلينه نتلاحك الها قبل لا يتلبسها يا ابي يعني شغلته بسيطه
مهره : راسي جاي يزيد الالم مالته اخ ارسلان راسي حينفجر
ارسلان : تمددي نيمته ع القنفه وغطيتها بسرعه غفت
مهره : تمددت ونمت ماحسيت بشي بعد غير لمن كعدت من حلم حيل اذاني حلمت اني بسرداب اسود كلشي بيه اضلم وبيه مرا محبوسه حلكه يصب دم بس وجهه مشوش دخلت عليها هاي تهدد بيها وتقهرها وهاي لا اكل ولا شي حاولت اطلعها ماطلعت تقربت عليه ورا ماشافتني وكالت انه ماسويت شي كضتني من ايدي وهزتني حيل منضرها مرعب حيل هزتني كل قوتها وانه اصرخ عوفيني عوفيني
ارسلان : واكفين وضلت صرخ عوفيني عوفيني ركضت عليه كعدته رئسا حضنتني
مهره : كعدني ارسلان حضنته وكتله اريد امي وديني الامي ارسلان ماريد ابقى هنا
ارسلان : باوعت لجدتي وامي ورهف صافنين عليها
نازك : يمه وليدي اكو شيخ خوش شيخ ليش ماتوديها اله
ارسلان : يمه ياشيخ رحمه لربج ماشوفين
حمديه : امك عدها حق
مهره : اريد امي اريدها طلعت تلفوني برتباك وخابرت
أنت تقرأ
عروس بابل (قضيه ثار)
Fiksi Umumقضيه حدثت عام 1989 في بابل بين عائلتين الاولى عائله متمكنه وصاحبه سلطه والاخرى عائله متوسطه الطبقيه وبين الماضي والحاضر ستروى الاحداث اترككم مع البارتات لقراءه الاحداث
