مرت اليومين بتوتر وفرح
على فراس وعلى عبير
منها التجهيزات عند فراس وعند عبير
محاراشات العيال لفراس
ومحارشه لطيفه لعبير
وبكذا جينا لاهم نقطه
في يوم الملكه
مريم/ملاك
ملاك/نعم
مريم/شفتي فستاني الأحمر؟
ملاك/شدراني اسألي ليان
مريم بتذمر/بنات اي وحده منكم شافته تقول
مي/بدال كلامك ذا روحي دوريه بالبيت كله !!
ليان/الاحمر ؟
مريم بسرعه/ايه ايه
ليان/شفته في الصاله
مريم طلعت بسرعه وشافته على الكنب
أخذته وشافت فراس يجهز نفسه على المرايه
قربت له بحنيه بس مامسكته
فراس/هلا والله فيه شي ؟
مريم/يالله بعد كل ذي السنين اشوفك متزوج
لف فراس جسمه عليها وقال بحنيه متبادله
فراس/لسا م اعرست ترا
مريم/مع ذلك !!
فراس يقلد زعلها/يالله بعد كل ذي السنين اشوفك متزوج
ضربته بخفه وهي تضحك
فراس/الناس بيجون يلا وش تنتظرين؟
مريم/تمام
مسحت دموعها تحت أنظار فراس
ورجعت تعدل نفسها
فراس راح لقسم الرجال وشاف حالهم يرثى لها
خالد بصراخ/مين الحيوان اللي اخذ الكبك حقي ؟؟؟
مؤيد/من زينه عاد
خالد/انقلع انت اساسا وش جابك هنا ؟
مؤيد/فراسي ناداني
فراس بجديه/ياعيال وش وضعكم ذا ؟
متعب ب استعجال/ابوي يبيني اشيل الذبيحة
يعني انا اللي بجيبها
خالد/انا لازم اروح الاستراحه بسرعه
مؤيد/اجل انا بروح معك يافراس ؟
متعب بعصبيه/ورع ذا المعرس يروح لحاله !!
فراس/ابك لسا م اعرست عادي يامؤيد
عبدالله/ياعيال ثوبي ثوبي وينه ؟
فراس يمسك ضحكته وهو يخرج/دوره هذا اذا لقيته
خرج فراس وشاف ابوه راح له بسرعه
سلم على راسه وغصه بحلقه
ابو فراس/اسمع ياولدي
اسمع زين
فراس/ابشر يايبه
ابو فراس بغصه/انا والله ماني مرتاح اني بسلمك له
فراس/وش فيه يايبه ؟ تراني رجال محد يقدر ياخذني او يسوي فيني شي
ابو فراس/مع ذلك اذا أخطأت بحقك سامحني ياولدي
فراس بصدمه/يبه وش ذا الكلام وكأننا مسوين جريمه؟
تراه صديقنا وقديم ونعرفه
انا اعرفه بذاتي
ماله داعي ذا الكلام
نزل رأسه ابو فراس بضيقه/خلاص اجل
الله يوفقك
باس رأسه ابوه وقال ودموعه تنزل
فراس/مايستحق يايبه والله لو سوينا جريمه ماصارت كذا
طلع فراس مع ابوه للاستراحة
.....................
ليان بصراخ/بناتتتت
مي/وي شفيك ؟
ليان/مي شوفي
مي بصدمه/يمه هذا وش !!!
مريم/وشو ؟
مي/تعالي شوفي
قامت مريم تشوف
مريم بسخريه/غبيه انتي ؟؟ مين يحط الايلانير كذا !!
ليان بتذمر/اف امشي حطي
مي لمريم/اول شي أمسحي السايح على عيونها
لان بيكون مضر او مب زين
مريم/تمام ... زحفي شوي
مريم لليان/انتي غبيه محد يعتمد عليك
ليان/زبطيه تكفين يامريومه
خديجه/ملاك جيبي لنا شي نشربه جف حلقي
مي/ايه والله من يوم قمنا علطول على الكوفيره
ملاك/تمام
طلعت ملاك لبرا
صبت عصير للكل
واعطتهم
.................
في مجلس الاستراحه
فراس/انا اللي خايف منه ان ابوي وسلطان بيسون مشكله
خالد/ايه والله
متعب/وشبك كذا ؟
فراس/وشو ؟
خالد بخبث/هد ياحلو لسا ما اعرست !!
عبدالله/ذا مب محمد ؟ واللي جنبه ؟
خالد ب ابتسامه/ذا سعود اخو مي
واللي جنبه الثاني عبد العزيز اخو محمد
عبدالله/ماشاء الله
فراس استقام يسلم عليهم/قومو
قامو وسلمو عليهم
وسوا جلسه الشباب
......................
ام فراس/مريم
مريم/هلا يمه
ام فراس/تعالي
مريم/ثواني يايمه بحط الخرص
ام فراس/تعالي بسرعه
مريم بفضول/ها يمه
وقفت ام فراس تتاملها
اكل مريم الشك
طلعت من وراها سلسله
قالت أم فراس وهي تدمع/هذا يابنتي ذكره من امك !!
