سلطان/ابي ولدك لبنتي !!
من الصدمه بلع ابو فراس لسانه
هذا صاحي ؟
يبيني اسلم ولدي له ؟
سلطان لاحظ صمته وقال/ماعليه انت الحين في صدمه المهم عندك يومين فكر فيها
ابو فراس بعصبيه/وبكل ثقه تطلب مني !!
سلطان/مع ذلك فكر الأرض جهدك حق 25 سنه بيروح رماد بسبب عنادك
ابو فراس/تمتحني في عيالي اجل
سلطان/لا والله اللي ابيه ابي اسلم لبنتي رجال كفو يكون سندها بعدي وانا شفت فراس انه كفو
ابو فراس بصدمه/فراس ؟
سلطان/ايه فراس
ماتكلم ابو فراس ولانطق بكلمه
المجلس كله كان ساكت
سلطان وهو يمد يده ل ابو فراس/اتفقنا ؟
مامد ابو فراس يده وقال سلطان
سلطان/مع ذلك لاتتسرع عندك يومين البنت جاهزه ومهرها بيكون قليل وانت كمان بدل لاتشيل هم ولدك زوجه وارتاح
خرج ابو فراس بضيقه
يبيني افرط في عيالي ؟
يبيني اعطيه ولدي ؟
يبيني اقتل وليدي بيدي ؟
..........................
طلعت مي من المطار متوجهه للبيت مع سعود
تجهزت ولبست افخم الملابس
وطلعت لبيت ليان وخديجه
اما عنهم فقد كانو متحمسين مره
ينتظرونها بكل شغف
كل التجهيزات خلصت
كلهم لبسو افخم الملابس
ومع وصول مي
هلت مراسيم الاحتفال
والاحضان
خصوصا لملاك ومريم
علاقتهم افضل واحسن وأروع شي
بعد الحفل
جلسو وسوا دائره
يتبادلون الحديث عن أوضاع كل واحد
مريم ب ابتسامه/وانتي شسويتي في دوله الاجانب لحالك ؟
مي/لا وين ماكنت لحالي معاي اخوي سعود
ملاك/أوله
ليان بتذمر/على الاقل اخوها يخليها تدرس برا
انا لو أقول لعمي عطاني كف
خديجه/يحليله عمي
ملاك/والله اشتقنا لك خصوصا مريم كانت مره متحمسه
ليان بهباله/امس كنا عندهم واليوم عندنا
مي برفعه حاجب/اجل كنتو تروحون لبعض بدوني!!
