مسك خدها وقال بحنيه بينما هي تتفادي النظر بوجهه
سلطان/لو اني ماابيك يابنتي لو اني اكرهك كان رميتك لاخس ورع اشوفه قدامي
بس انتي تعرفين فراس ؟
اعطيتك الرقم الأول في عيني
لاتسوينها فيني يابنتي وتتجاهليني
عبير برجاء/اعرف يايبه
واعرف فراس
واعرف خوفك علي
انت ماعليك
انا موافقه
سلطان/تمام اجل نقول الله يبارك؟
عبير مبتسمه/مبارك
باسها على جبينها
........................
طلع خالد وفراس من المدينه
وتركو ابوهم اللي كان مقرر تماما انه بيقعد هنا
علشان يكلمهم ويريح نفسيته
في السياره
كان فراس حاط يده على النافذه
خالد بخبث/اهم شي بفتك منك
فراس/شعور متبادل
فراس/مين بيعلم البنات وامي ؟
خالد/مدري ... بس انت من الحين جهز نفسك
خلصت العزوبيه والى هنا
ضربه فراس على كتفه وهو يبتسم
خالد/عشنا وشفنا فراس يتزوج وحده مب صيته
فراس/شدخل صيته الحين ؟لاتذكرها مابيها
خالد/تمام
....................
ليان/خلودي يبي له كف
خديجه بتحذير/وشو تقولين للرجال خلودي ؟ عيب والله لو سمعه عمي يعطيك كف
ليان بتذمر/افا عمي مايضرني
خديجه/يلا يلا قومو ولمو الأغراض
مي ماسكه جوالها/سعود كان بيجي لي بس !!
ليان/بس وش ؟
مي/انا مدام جيت من سفر ابي اروح للبنات
خديجه/ارتاحي ياقلبي تراك جايه من سفر !
ليان/اول مره اتفق مع الغبيه
خديجه/الغبيه انتي وأشكالك
مي/اف خلاص !! انا قررت بروح لهم أمكن بعد بكرا
ليان/اذا كذا حتى احنا بنروح صح خدوج ؟
خديجه/معليش يامي بس مافي جلسه بدوننا
مي بضحكه/اكيد ياقلبي
مي بحيره/الليله شكلي بنام هنا
ليان بفرح/يس
ليان/والله لا اعلم مريم اكيد بتموت غيره
...........................
ام فراس بتعجب/ابك وش تسوين انتي ؟؟
