مي/سعود تبي عشاء ؟
سعود/وش بتسوين ؟
مي بسخريه/وش بسوي يعني !
سعود/خليك من العشاء وعلميني وش ضايق صدرك
كان سعود متكتف وواضع رأسه على الجدار
بينما مي كانت في المطبخ
مي بتعجب/ضايق صدري ؟
سعود/تحسبيني ماعرفك؟
مي بحيره/ليان وخديجه عمهم يقول بيروحون المدينه
سعود/ليش ؟
مي/اسأله اش دراني انا !
سعود مركز بعينه عليها/سألته
مي ب اهتمام/وش قال ؟
سعود ببرود/بيخطب ليان لمسفر
شهقت مي ولفت عليه
كانت بتقول كذاب لكن شافت وجهه
على الاقل تعرف تفرق لما يكذب ولما يقول الحقيقه
هذا مو مهم !!
المهم اللي سمعته
مي بشهقات/كيف ؟؟؟ مسفر وليان؟؟
ماتوقعت
كانت بعد كل كلمه تشهق بصدمه
ماتوقعت ابدا ان مسفر وليان
عرفت انهم بس تقابلو معه في البقاله
ومن الواضح عرف أصواتهم
يربي وش بتكون رده فعل البنات !!
مي/ليان تعرف ؟
سعود تحرك بيروح/على م اعرفه لا يقول بيقولها بعدين
سعود لف عليها/مو لازم تسوين اكل بجيب من برا
ماكانت تسمع للي يقوله
كان تفكيرها في الموضوع ذا
صدمه ابدا ماتوقعتها
سعود بتذمر/مي اكلم مين ؟
مي/تمام !
طلعت لغرفتها وسمعت يقول بصوت عالي
سعود/لاتعلمينها الرجال يقول
............................
كانو العيال في قسم الرجال معاد خالد
متعب/يارجال وش ذا البرود ! خلونا نطلع
عبدالله/نروح للديوانية ؟
فراس/ههههههههههههه والله لو يسمع ابوي انكم رحتو
ليقطع رجلكم
متعب/ليش
فراس/شايف الساعه ياخبل !!
فك متعب الساعه ولقاها الساعه 11 ليل
متعب/طيب حلو الوقت
عبدالله/ياعيال خلونا نطلع يوم نتمشى كذا
متعب/جبتها يارجال شريكم نروح لتركيا ؟
فراس/ماني معاكم
متعب بتعجب/ليه يارجال
فراس/ابوي ماراح يخليني اروح وزواجي بعد اسبوع
متعب بصدمه/طيب شفيها ؟
نروح نفلها قيل ماتتزوج
