مريم اللي من سمعته قال ذا الكلام لاشعوريا
اهتز جسمها واختل توازنها
صرخت ملاك برعب/مريمممم !
لف عليهم خالد بدهشه
ولحق عليهم ومسك مريم وجلسها
مشى عامر بخوف لها/انتي بخير ؟
ابو فراس بعصبيه/تفضل هنا !
اشر له مكان بعيد عن مريم
بالعكس مارفض وجلس
وجلست ملاك اللي خايفه جنب مريم ممسكه يدها
جلس خالد وابوه في غضب عارم
كان عارف عامر انهم معصبين لكن تفاهم معهم
عامر بهدوء/اول شي الله يسلمكم على ضيفاتي
ثانيا من بعد موت اختي ماقصرتو ربيتو بنت اختنا
وكانت معاكم طوال السنين
لكن يعلم الله ان امي تبيه وهي امانه (لين=ام مريم)
لين لأمي وأمانه زوجها لكم
خالد بنبره غاضبه/طيب وش المطلوب؟
ابو فراس بهمس لخالد/انتظر
عامر/انا والله ماني قاطع صله بنتكم فيكم وانتم الاولى عليها لكن كمان احنا علينا حق اننا نربيها
كانت مريم ترتجف على اللي تسمعه
وملاك خايفه تفقد مريم وشدت على يديها
ابو فراس بهدوء/طيب !
خالد لف بعصبيه طفيفه/وش اللي طيب !؟
ابو فراس/ والله احنا البنت ماني محرمه عن أقاربها
شهقت ملاك بغضب عارم !
لفت على مريم اللي كان نظرها على عامر
عامر ب ابتسامه/يعني تم ؟
ابو فراس برضى/تم ياولدي
خالد/كيف يايبه ؟!!
ابو فراس بغضب/انت شعليك ؟؟ الناس اهلها واقاربها !
لف عامر على مريم وسحبها من ملاك
مسك يدها وسلم على رأسها بحب وشوق طوال السنين
كانت مريم ساكنه ماقدرت تتحرك
ملاك بعدت وهي تحاول تكبس دموعها
ابو فراس من وراه/اجل البنت بتروح تقعد عندكم اسبوعين !
خالد وملاك بشهقه/ايش !!
ملاك تمسكت بمريم بقوه
كان راضي عامر انهم متمسكين بها
قال عامر/اجل انا انتظرك برا !
ابتسم لمريم وطلع
مسكتها ملاك بقوه وقالت/ماراح توافقين صح ؟؟!!!
ابو فراس بغضب/وشوله ماتوافق ؟؟ الناس اهلها ياجماعه
ملاك بقوه/يبه يبه تكفى ماقدر بدون مريم !
وتمسكت بها بقوه
مريم كانت في صدمه من اللي حصل
وكانت تناظر الباب
خالد قرب منها/مريم
لفت ببطء وهدوء
خالد/انتي تبين ؟
مريم انسحبت من بينهم بقوه بدون لاتقول شي
فز قلب خالد على اللي صار
ملاك ببكاء/امي ياخالد امي شنقول لها ؟؟؟؟
خالد جلس وكأنه تكهرب على الكنبه
ماكان يتوقع يوم من الايام انه ينفصل عنها
......................
عند مي
كلمت صوفي انها تجي عندها ضروري
قباله الفجر او بعده بشويه
دخلت صوفي بتعجب/مابك ؟
مسكتها مي وقالت لها كل شي
انصقعت صوفي من اللي سمعته
وماتنكر ان مي خافت من هدوء صوفي
لم يكملون حتى فتح الباب بقوه صارمه
لفت مي وصوفي بخوف
دخل سعود وم انتظر اي تبرير
عطاها أقوى كف من الممكن أن مي تأخذه
طاحت مي على الأرض تبكي بحرقه
وقفت صوفي متجمده من اللذي حدث قبل قليل
تنظر لسعود اللي كانت في كل ملامح العالم
الا ملامح الهدوء
أدركت على نفسها وراحت لمي تمسكها بخوف
اما عن سعود كان يلهث وكان كل الشيطان دخلت به
لفت مي تنظر لسعود
ارتجف جسمها لما شافته كذا
رفعتها صوفي وهي ممسكه بكتفها
سعود بغضب عارم/اخذيها ياصوفي والا حقا سارتكب جريمه !
انصدمت صوفي منه
فهي تعلم بعلاقه مي وسعود
خرج سعود وهو يلهث بغضب
ومي تبكي بصمت
نطت صوفي لغرفه مي تاخذ أغراضها
اخذت الأشياء المهمه اللي تحتاجها للجامعه
