ام فراس/نعنبو بليسك نايمه للحين !
اخذت ام فراس سيخ وبدات تضرب مريم بخفه
مريم بعيون مقفله/ايييي يايمه عورتيني !
ام فراس/شايفه كم الساعه؟ (وضربتها)
قامت مريم وهي تمسك مكان الضربه
مريم/وشبتس يايمه من يوم ماجيت تضربين فيني
ام فراس بعصبيه/انقلعي تجهزي
مريم بخبث/لايكون ابوي مارحب فيك علشان كذا معصبه ؟
ام فراس/وش تقولين انتي؟
كانت بتلحقها بس نطت مريم برا الغرفه وهي تضحك
مريم ل امها اللي تلحقها/يمه امزح والله م دريت انك مراهقه
ودخلت غرفه ملاك
انصدمت مريم
مريم بصدمه/لعنبو بليسك انتي متى تجهزتي
ملاك/ياغبيه شايفه الساعه كم
مريم/لا !
ملاك/غبيه تونا صلينا المغرب
مريم بصدمه/يووه انا نمت لذا الوقت
وراحت طاحت على سرير ملاك
ملاك بصراخ/مرييييم قومي عن سريري
مريم/اووف من زينه عاد المهم ابي اجلس عندتس امي متوعده فيني
ملاك ب ابتسامه/وش سويتي مره ثانيه
مريم وهي تضحك/ناقزتها بشويش مادريت ان مشاعرها مثل المراهقات
ملاك فهمت قصدها/يووه يالغبيه والله ماتخليك لتنشب فيك طوال الليل
مريم بعبوس/شسوي انا طيب جايه تلسع فيني
ملاك/احسسسن
مريم/كنت بهاوشك لكن شفت وجهك واتخدرت
صدمت ملاك من كلام مريم
مريم وهي تقرب من ملاك
مريم/والله انتس حلوه اليوم بشكل مو طبيعي
ملاك لفت عليها بصدمه/متأكده ذا الكلام يطلع من لسانك
ضحكت مريم وراحت وقالت من وراها
مريم/اف ماصليت
..................
فراس وخالد ومتعب وعبدالله ومؤيد كانو في المجلس يجهزون المكان
وابو فراس وابو مسفر جالسين يسولفون
خالد/مؤيد نط وجيب القهوه من الحريم
مؤيد/وليش انا اجيبها
فراس/اقول رح وجيبها كيف تبينا ندخل عند الحريم
ضحك الكل
مؤيد بعصبيه/يعني وش تعتبروني انا؟
خالد وهو ماسك ضحكته/مانعتبرك شي لكن كل واحد وعليه مهمه انت مهمتك تروح تجيب القهوه
