خالد/يلا عاد !
مريم/وي وشبك تصارخ كدا ؟
خالد ضربها على كتفها بخفه
خالد/اتركي حركات الحضران لو سمعك ابوي بيقتلك
مريم تمسك ضحكتها/وي اشبو دا !
وبدون لاتكمل كلمتها شردت وهي تضحك
لف على ملاك اللي شايله شنطتها
اول مره يراها ماتنام مثل قبل
حيويه ومفعمه بالحياه
تضحك طبيعي
وبخصوص التحاليل بخليها ليوم ثاني علشان ماتتنكد
يكفي انها بخير والحين رايحه تغير جو
ملاك/ايييي ياخالد خذها
خالد اخذ الشنطه بسرعه وركبها
خالد ينظر يمين ويسار/وين الدبه ؟
مريم من وراه/الدبه اجل ؟
خالد/اركبي لا ترا والله ماوديكم
مريم بتصنع الخوف/يمه خوفتني مره !!
ملاك/انتم ماتندمون؟
مريم رايحه تركب السياره/مستحيل شي يعكر مزاجي ومي جايه
خالد بسخريه/مي ومي مين ذي مي ؟
ركبو السياره وحركو تحت أنظار شخص حاره
وضعت ملاك اغنيتها وكالعاده غابت عن الوعي
انفصلت لعالمها الخاص
مريم/خالد
خالد/هلا
مريم/وقف عند البقاله
خالد/ابشري
فرحت مريم
ولما وقف
مد يده لها بمعنى هاتي الفلوس
مريم بصدمه/وشو ؟
خالد بسخريه/كيف وشو ؟ مو تبين البقاله؟
لفت بصدمه لملاك اللي كانت مبتسمه
ضربتها على يديها وقالت/لاتضحكين مافي شي يضحك !
خالد يمسك ضحكته/هيا
مريم برجاء/مامعي
خالد بتذمر/اجل ليش تقولين وقف ؟
مريم نزلت رأسها ب أسى/حسبتك بتشتري بفلوسك
عقد خالد حاجبه مصدوم/اشتري من وش ؟
مريم بسرعه/خلاص خلاص م عاد ابي امش
رجعت جسمها لورا بزعل
ولاحظ خالد من المرايه اللي قدامه
مسك وجهه يكتم ضحكته
مريم/ياليل الليل
