الوصَال " قلب عليل "

الجزء التاسع

نجوت من كل شئ بمفردك
ستنجو بمفردك كل مرة
لذالك رفيقنا الأعظم هو أنفسنا

..................................
__________________

صباحاً ..

تقف بيان أمام معاذ و تنظر له بغضب ثم تقترب وتجلس بجانبه وهو نائم لتتفقد حرارته
ثم تتحدث قائلة
بيان : أنت مستهتر وغبى
معاذ بتعب وصوت ضعيف : خلاص بقا الله يخليكى
جهاد : لا أنت تستاهل بصراحة
بيان : معاذ مفيش بنى أدم طبيعى ينزل البحر بليل وفى البرد دا ، لا ويرجع يزعل أنه تعب ما أكيد لازم تتعب
معاذ : اللى حصل بقا
بيان برقه قلب : خلاص يا حبيبى أرتاح وهنجيلك الأدويه وهتبقى كويسه أن شاء الله هو دور برد خفيف عشان بردت بس
جهاد : متخفش هتلحق تتسرمح قبل ما الرحلة تخلص
معاذ : غور برا يا جهاد
جهاد : والله ما أروح أجبلك حاجه
بيان : خلاص بقا أنتو الاتنين
ونظرت لمعاذ : وأنت نام شويه عشان ترتاح وأحنا هننزل نفطر ونجيلك بالأدوية
جهاد وهو ذاهب : أنا مش جاى
معاذ : وأنا مش عاوز أشوف وشك أصلاً

تخرج بيان وجهاد ذاهبين لتناول الطعام ..

وفى أثناء ذاهبهم تحتضن بيان يد جهاد ثم يتقابلون وجهاً بوجهه مع غزل و عمر
لتبسم غزل لرؤيتهم ثم تتحدث قائلة
غزل : صباح الخير يا دكتور
جهاد بإبتسامة واسعة : صباح الفل
غزل تنظر لعمر : دا أستاذى يا عمر دكتور جهاد ودا عمر أخويا
عمر : أهلاً وسهلاً
جهاد بسعادة وفرحة لمعرفته أنه أخوها : أهلاً يا أستاذ عمر وأشار على بيان دى دكتورة بيان أختى
غزل تقترب من بيان لتحتضنها وتبادلها بيان : تشرفت بمعرفتك يا دكتورة
بيان : الشرف ليا أنا يا حبيبتى
عمر : طيب عن إذنكم لو عطلناكم
جهاد : لا مفيش عطله ولا حاجه
بيان توجه حديثها لغزل غير عابئة لكلام عمر وجهاد : ايه رأيك تفطرى معايا
غزل : موافقه جداً كنت هفطر لوحدى لأن عمر مبيفطرش وأنا مبحبش أكل لوحدى
عمر : دا بجد أمال انا كنت رايح معاكى على فين
تقترب منها بيان وتمسك يدها : تمام يلا بينا وتنظر لجهاد بإبتسام ثم تذهب هى وغزل

يتوعد جهاد لها
جهاد بتساؤل : هو أحنا شفافين
يبتسم عمر على جملته ويقول : واضح كدا ولا كأننا كنا موجودين
جهاد يحك رأسه : أمممم
عمر : تشرب قهوة
جهاد : ياريت
ثم يذهبوا لاقرب مقعد ويطلبوا قهوتهم ليتحدثوا مع بعض قليلاً ثم يذهب كلاً منهم فى طريقه

.........
جلست بيان وغزل يتحدثون لعدة ساعات دون الشعور بالوقت ،
بيان وهى تنظر لساعه يدها : معقول عدى كل الوقت دا
غزل : فعلاً انا محستش بالوقت خالص
بيان : القعدة معاكى ممتعه والله ياغزل أنا حبيتك أوى
غزل : شكراً وأنا كمان والله أرتحت فى الكلام معاكى كأن اعرفك من زمان
بيان : حبيبتى إن شاء الله هنقعد مع بعض تانى
غزل : إن شاء الله

وأنتهى اللقاء بينهما على وعد باللقاء مرة ثانية

_______________________