مشبوهة الشفتين

بارت١

#م͠ش͠ب͠و͠ه͠ة_آ͠ل͠ش͠ف͠ت͠ي͠ن͠🥀
#آ͠ل͠ج͠ز͠ء :1
#آ͠ل͠ف͠ص͠ل͠_آ͠ل͠آ͠و͠ل͠: ً ســــٓــحـࢪ ؏ــــٓــيـטּـآڪ أࢪبـــــٓــڪ قࢦبــــٓــʊ̤ʅـ.،👑💕⇣
#آ͠ل͠گ͠آ͠ت͠ب͠ة :Lıłø
.
.
أمام إحدى الشركات الخاصة بالعمران بمدينة الدار البيضاء ... توقفات سيارة سوداء.. و نزلات منها بنت فالعشرينات من عمرها..

فتاة مغانقولش عليها آية فالجمال ولكن زوينة ككل البنات .... زينها عربي أصيل عنين كبار و مشفرين فاللون الأخضر الفاتح و أنف صغير مع شفاه صغيرة و ممتلئة .... ذات بشرة حليبة بيضاء و وجه خالي من أي نقطة ميكاب

لابسة لبسة حجابية مكونة من كسوة طويلة ديال المحجبات مشدودة من جهة الخصر مع بروكتان فالأسود و شال فالأسود أيضا و ساك فنفس الللون اللبسة المحتشمة زادتها جمال فوق جمال

......بخطوات واثقة و رأس مرفوع دخلات لشركة و كل الأنظار عليها لما لا و هي الحسناء صاحبة الشركة
..... إحدى سيدات الأعمال الصاعدة بالمغرب .....

"جنات السفياني " أو "الحسناء الجميلة " الإسم لي سماوها بيه الصحافة و المجلات ..... بنت فربيعها 26 سيدة أعمال معروفة عند المغاربة و بعض الأجانب و كتطمح تولي من بين سيدات أعمال العالم .... كتنتمي لعائلة محافظة ، تعتبر هي البنت تانية بعد البكر ديال والديها. أسرتها مكونة من أب "أحمد السفياني " لي في اواخر الخمسينات و أم " خولة الوردي" ذات 48 سنة و أخ "أنير السفياني " لي فعمره 29 سنة و أختين أصغر منها "ذكرى السفياني " 17 عام و " أيات السفياني " 12 عام

بعد دخولها للمكتبها حطات الساك ديالها فوق المكتب و جلسات على الكرسي باش تبدا يومها

.... مرت ما يقارب خمس دقائق و جنات جالسة كتقرا فواحد الملف و تدرس مخططاتها المقبلة ... حتى قاطع تركيزها صوت الدقان فالباب

جنات (بصوت أنثوي خفيف ): دخول
دخلات السكرتيرة بلباس شبه عاري صاية لحد نص ديال الفخاد فالأسود مع شوميز مطرطقة على صدرها فالوردي * جنات رغم أنها فتاة محجبة و متدينة إلا أنها أيضا متفتحة و واعية ف مكدخلش فلباس ديال الموظفين ديالها حيت كيبقى حرية شخصية رغم أنها مكرهاتش ليهم الهداية كاملين ولكن حتى حاجة مكتكون بزز*

حنان (السكرتيرة): مدموزيل جنات عندك اجتماع من هنا ل نصف ساعة مع المهندسين ديال الشركة بخصوص المشروع الجديد
جنات (بصوت غالبة عليه اللهجة الشمالية) : أه عرافت صافي شكرا أ حنان تقدار تمشي أااا بلاتي واش وجدتيلي معاك الملفات لي وصيتك عليهم الباراح؟؟!!

حنان: وي مدموزيل باقي ليا غير شوية و نكملو
جنات: داكوغ يمكنلك تمشي

خرجات حنان و بقات جنات ملاهية مع الملفات..... حتى وصلات الوقيتة ديال الإجتماع

خرجات بخطوات موزونة ناحية قاعة الإجتماعات لي كانت متكونة من طاولة طويلة و كراسة .... جلسات مترأسة الطاولة و بجانبها حنان السكرتيرة و زوج من المهندسين على اليمين و مهندسة أخرى بجانب حنان على اليسار و مدير المالية الخاص بالشركة و غيره تسنات حتى تجمعوا كل الأعضاء و بدات الإجتماع فجو من الجدية و الصرامة و واضح من تعابير وجهها مدى تركيزها

داز الوقت و الإجتماع عاد ما زاد طول تناقشو فيه على الأفكار الجديدة لي يقدرو يضيفوها للمشروع المنتظر و الحوايج لي خاصهم يتجنبوهم

..... بعد ساعات من الأخذ و الرد فالمشروع خرجو بنتيجة رضاتهم كلهم خصوصا جنات لي حماسها لهاد المشروع كل يوم كيتزااد لما لا و هاد المشروع بمثابة مفتاح النجاح و الشهرة لشركة ديالها

خرجات من قاعة الإجتماعات مباشرة لمكتبها خدات صاكها و شي وراق و خرجات لعند حنان خدات الملف لي كانت موصياها عليه و كملات طريقها متوجة ل سيارتها ... ركبات و كسيرات مباشرة لوجهتها

#يتبع