مشبوهة الشفتين

بارت١٨

#م͠ش͠ب͠و͠ه͠ة_آ͠ل͠ش͠ف͠ت͠ي͠ن͠🥀
#آ͠ل͠ج͠ز͠ء :18

#آ͠ل͠ف͠ص͠ل͠_آ͠ل͠آ͠و͠ل͠: ً ســــٓــحـࢪ ؏ــــٓــيـטּـآڪ أࢪبـــــٓــڪ قࢦبــــٓــʊ̤ʅـ.،👑💕⇣
#آ͠ل͠گ͠آ͠ت͠ب͠ة :Lıłø
.
.
#عند_جنات

لي بدات كتستاعيد الوعي ديالها و هي مفكرة كل ما داز عليها هاد الليلة مي ما دارت حتى ردت فعل بالعكس ساكتة و كتشوف فسقف و دمعة على طرف عينيها

كتحس براسها مهدودة و مدكدكة باغا ترتاح غير شي يوماين تنعس فيهم بلا ما يكون معاها حتى واحد .....
مدة و هي على هاد الحال و الدموع شلال من عينيها حاسة بالضعف و تلفة و الخنقة مجموعة أحاسيس متضاربة

نعمة ردات ليها البال ملي فاقت ولكن فضلات تلتازم الصمت و تخليها على راحتها حتى تبغي تكلم بوحدها ..... مرت ما يقارب نصف ساعة عاد كسر سكون الغرفة صوت جنات لي دوات ببحة حزينة مخاطبة نعمة

جنات : ممكن تخلي لي تيلي ديالك نصوني على صاحبتي؟

نعمة : (فرحات ملي سمعات صوتها كانت خايفاها دخل فشي صدمة ) أكيد مرحبا ( مدات ليها تيلي ديالها)

جنات :(خدات من عندها تيلي و كتبات نمرة صفاء دوزات الخط و بقات كتسناها تجاوب
تعطلات باش تجاوبها بحكم الساعة المتأخرة من ليل كلشي ناعس *من غير المتزوجين🙂*

صفاء :(دوات بخفوت مدوخة بالنعاس) ألو وي ... سي كي؟

جنات : (بصوت منغنغ و البكية واحلة ليها فحلقها) ص صفاء هئ هى

صفاء : (مدوخة بالنعاس ) جنات؟؟! ( بعدات تيلي من ودنيها كتأكد واش بصح جنات؟؟) جنات هادي نتي

جنات: هئ هئ هئ صفاء ختي هئ هئ هئ

صفاء :(ناضت قافزة ملي تأكدات بلي هي ) جنات مالكي أ صاحبتي؟ كتبكي؟ فينك؟؟ و ديالمن هاد النمرة فين تيليفونك؟؟

جنات : هئ هئ أجي عندي عافاك و نشرحلك هئ هئ(بصوت مخنوق) محتاجااك هئ هئ

صفاء : (تلفات ما عرفات ما دير و جاتها البكية معاها ) و واخا واخا أحبيبتي أنا جاية قولي ليا فينك؟ نجي عندك نتي فدار؟

جنات: هئ هئ لا أ أنا ف فالكلينيك هئ هئ

صفاء : (بالغوات ) كيفااااااش (الما تحشو ليها فركابي صافي كاع الأفكار الخايبة طاحو فبالها و هي كتسمع لتنخصيصها ) شششت صافي صافي كالم طوا صافي أنا جاية دابا قولي ليا شنو سميت الكلينيك؟

جنات: هئ هئ سميت الكلينيك؟ هى هى(علات عينيها فنعمة بتسائل )

نعمة : كلينيك ******
صفاء : (سمعاتها و دوات بالزربة و هي كتلبس فالمونطو) صافي سمعتها هاني جاية دابا أحبيبتي صافي تهدني هاني جاية نتي ماشي بوحدك واخا ........تسنايني هاني جاية

جنات : (بصوت هامس ) و واخا

صفاء : ( قطعات الخط بالزربة و هزات الكونطاكط متاجهة لسيارتها و كسيرات بسرعة متوجة لعند جنات ..... اما هاد الأخيرة ف غير قطعات مع صفاء رجعات لصمتها و الدموع فعينيها ما حبسوش و نعمة فالزاوية كتراقبها فصمت متحسرة على حالتها )

. علاقة جنات و صفاء ماشي علاقة صداقة عادية علاقتهم فاتت الصداقة بل ولات أخوة حتى وحدة فيهم ما تقدر تخلى على الأخرى بزوجهم سند لبعضهم عارفين نقاط ضعف و قوة بعضهم كيعرفو مشاعر بعضهم غير من العينين او نبرة الصوت حتى وحدة فيهم ما تخلات على الأخرى فلحظات ضعفهم بزوجهم كانو مرهم لبعضهم وقت الحزن والأسى و وقت الفرحة و السرور
..... صداقة طاهرة حقيقة لي صعيب تلقاها فهاد الزمان💫 ... فالبرتقالة المرة السعدية كانت عندها عتيقة صاحبتها و سندها و عند جنات سندها فوقت شدتها صفاء🧚‍♀️

#يتبع
عندكم حتى نتوما صفاء ديالكم ولا لا؟