مشبوهة الشفتين

بارت٨

#م͠ش͠ب͠و͠ه͠ة_آ͠ل͠ش͠ف͠ت͠ي͠ن͠🥀
#آ͠ل͠ج͠ز͠ء :8

#آ͠ل͠ف͠ص͠ل͠_آ͠ل͠آ͠و͠ل͠: ً ســــٓــحـࢪ ؏ــــٓــيـטּـآڪ أࢪبـــــٓــڪ قࢦبــــٓــʊ̤ʅـ.،👑💕⇣
#آ͠ل͠گ͠آ͠ت͠ب͠ة :Lıłø
.
.
قرب يديه للمرة التانية باغي يلتمس حنكها حتى دفعات ليه يديه بالجهد و هربات ولكن هيهات غير خطات زوج خطوات عاود شدها من القب ديال القبية و ردها ليه حتى تزدح ضهرها مع صدرو

الشفار :(خرج الجنوية و حطها ليها على رقبتها ) ياك قلت لموك رصاي ما كتهدايش دويييي مال موك أنا كندوي و نتي هازا علينا نيفك لسما مالنا مانخافوش (كيدوي و يزير على الموس فعنقها ) غاديري هاه ولا هاه غتلقايه فحلقك فهمتيييي

البنت : (حركات راسها بشوية و دوات بصوت مرتعش ) ف فهمت هئ هئ فهمت

الشفار :(مد يديه باغي يزول ليها الفولار من راسها و هي غير حسات بيه شباغي يدير الرعب جتاحها و حسات بالخطر قريب منها)

البنت : (غوتات بصوت عالي) لااااااااااااااااااااااااااااأااااااااااا عتقونيييييييييي 😭😭😭

الشفار :(صمكاتو دورها عندو و نزل عليها بطرسة حتى طاحت للارض كان غادي ينزل عليها للحنك بالجنوية حتى كيحس بيديه تلوات ليه و شي حد دفعو حتى طاح الأرض و ترمات الجنوية من يديه طلع راسو فالشخص لي واقف أمامه كان عادل لي كينهج بالأعصاب السينارو كامل داز قدام عينيه و محملش بلان يهز عليها يديه كان كيتسنا اللحظة المناسبة باش يغفلو حيت بانليه هاز جنوية و خاف عليها تأدى إلا دخل خصوصا أن الشفار كان شادها حتى كون دخل عادل كانت البنت غتآدى ففضل يستنى اللحظة المناسبة لتدخله و عاد كان يسحاب ليه فالأول بلي كيعرفو بعضياتهم ملي شافهم كيدويو حسابليه بلي راه معاها

عادل :(نزل عليه بكروشي لوجه حتى عوج ليه حنكو) تعاود تمد عليها يديك(كيدوي صاعر و يديه خدامين فوجهو ما كاين غير لله يعطيك صحيحتك👊) نتا راجل نتا لي ماد يديك على ولية دوي أ زا مل اليوم نقتل الزا مل بوك نوريك الرجلة شحال ساوية يا المكبوت

الشفار :(ما قادرش يدوي حاس بالسخفة بزز قدر يخرج زوج كلمات) س سمح سمحليا ما نعاودش ما نعاو( باقي ما كمل هضرتو حتى طاح سخفان كيرد النفس بزز بقوة الضربات لي كلا)

البنت :(لي كانت غتموت بالخلعة ما كفاتها خلعة الشفار زاد عليها حتى هاد صعصع بجنونو ما عرفاتو باغي يعاونها ولا باغي يكمل عليها غير شافت الشفار فقد الوعي حسات بالرعب مضاعف و دوات بصوت مرتعش) م مات هئ هئ مات صافي !؟؟ هئ هئ قتل هئ قتلتيه! ؟؟؟؟ (دورات وجهها ل عادل و شافت فيه الرؤية ما واضحاش ليها مزيان مع الظلام ... ضبابة عندها على عينيها ما بانش ليها مزيان.......... ولكن لسوء الحظ دماغها صورو ليها فصورة وحدة ، خرجات الإسم بزز و قلبها قرب يسكت بالخلعة) ش شل شلبي هئ هئ س سلوفان هى

عادل :(غير سمع صوتها ضار عندها بالزربة مخرج عينيه و دار شاف فالشفار عاد عاق براسو شنو دار بحال إلا كان فبئر غارق وعى على راسو كان جاي معصب و لقا هذا يبرد فيه أعصابو ناض من عليه كينفض حوايجو و وقف متاجه لعند لبنت باش يطمن عليها و ملامح وجهه كتلة من البرود كأنه ماشي هو لي ضربو حتى غيبو )

البنت :(غير شافتو كيقرب ليها و عينيه كيتفحصوها صافي ما بقاتش قادرة تحمل كتر .... طاحت سخفانة نتيجة كترت الضغط لي تعرضاتلو و الرعب لي عاشتو هاد الليلة )

عادل :(توقف فمكانه مدة كيرمق هاد الأخيرة بتعابير مبهمة و دور عينيه لشفار و رجع كيشوف فيها و دوا بسخرية) واخا تكونو شفتو ملك الموت ماديروش هاد الحالة ( و ختم كلامو بابتسامة ساخرة و مرر عيونه الفحمية على وجنتيها المحمرتين مرورا لشفتيها الكرزيتين بلا ما يشعر لقى راسو كيعبر كل تفصيل فوجهها دون ملل او كلل وعى على راسو فلحظة و لعن راسو على هاد النظرة لي شاف فيها و هي فاقدة الوعي )

نتقل بنظره مباشرة منها لشفار لي كان مرمي على الأرض لا حراك كلو دمايات و وجهو كامل معطوب.....

رمقوا بنظرات باردة و توجه مباشرة نحو البنت حملها بين يديه و زاد بيها نحو سيارته مخلي الأخر جثة هامدة مرمية على الطريق ..... وصل لسيارة و حطها فالمقعد الخلفي و رجع أدراجو للمقعد الأمامي و حرك السيارة متوجه ل ....

#يتبااااااااع😁
فنظركم فين غيديها😋!؟