مشبوهة الشفتين

بارت١٢

#م͠ش͠ب͠و͠ه͠ة_آ͠ل͠ش͠ف͠ت͠ي͠ن͠🥀
#آ͠ل͠ج͠ز͠ء :12

#آ͠ل͠ف͠ص͠ل͠_آ͠ل͠آ͠و͠ل͠: ً ســــٓــحـࢪ ؏ــــٓــيـטּـآڪ أࢪبـــــٓــڪ قࢦبــــٓــʊ̤ʅـ.،👑💕⇣
#آ͠ل͠گ͠آ͠ت͠ب͠ة :Lıłø
.
.
دخلات و سدات الباب بالشوية مع ضارت لقات البنت فايقة كتشوف فيها و تعابير وجهها منزعجة

نعمة: (بابتسامة بشوشة )فقتي !! كي بقيتي مزيانة ؟ باش كتحسي؟

البنت :(رأسها عاطيها الحريق بزاف شدات عليه بايديها بزوج و طلقات أنين خفيف) أننن

نعمة : عادي هاد الحريق غير شوية و يفوتك الحال
البنت : (دوات بصوت هامس ) كيحراقني بزاف

نعمة : دابا يفوتك الحال (دوات بتردد) أحم سي عادل وصاني قبل ما يمشي باش نرد ليك البال
البنت :(باستفهام ) شكون عادل؟

نعمة: (بابتسامة ) خطيبك ولا راجلك ما عرفتش😅
البنت : (بصدمة ) خطيبي؟؟؟؟؟!! راااجلي؟؟؟ أواعدي أنا ...... ( شدات على راسها بايديها ) رااااسي

نعمة : (خلعاتها ) بسم لله عليك مالكي واش بخير نعيط لطبيب؟!! واش فقدتي الذاكرة ما فهمتش؟ قولي ليا شنو سميتك؟

البنت : (شافت فيها كترمش بزمردتيها) جنات
نعمة: ما شاء لله سميتك زوينة بحالك قولي ليا أ جنات عاقلة على راسك شنو وقع ليك قبل ما تجي ل هنا؟

جنات: ( رمشات لثواني قبل ما تنوض قافزة على السرير و المشهد ديال داك الشفار و هو شادها كيدوز بحال شي فيلم رعب طويل قدام عينيها قلبها بدا كيضرب بالجهد و عينيها تغرغرو بالدموع غير كترمش و موسعة عينيها ملامح الرعب باينة على وجهها و صدرها كيطلع و يهبط دليل على خوفها يديها كيترعدو هي من النوع لي خواف فبحال هاد المواقف و عاد كتخاف من الظلام و ملي تفكرات كلشي تخلط عليها بقات على هاد الحال لمدة حتى طلقات صرخة عالية كسرات صمت المكان دليل على خوفها و رهبتها )

ماشي ساهل دوز من بحال هاد المواقف بنت بوحدها حاكم جسدها حيوان بشري متحكمة فيه غريزتو فداك الوقت بالضبط الضعف لي كتحسي بيه كبير بزااف ما قادرة تدوي ما والو كاع الأفكار الخايبة طاحو فبالها يغتصبها تما و مايسمع ليها حتى واحد........... ولا يقتلها و مايرحمهاش ................ولا يخلي فيها شي عاهة مستديمة لي تبقى تفكرها فهاد اليوم و عمرها تعيش حياتها كيف بغات ...........ولا ولا ولا........

تختلف المشاهد ولكن النهاية واحدة 🥀🖤

#يتبع
توقعاتكم شنو غيجي مور هاد الصرخة😶