مشبوهة الشفتين

بارت١٧

#م͠ش͠ب͠و͠ه͠ة_آ͠ل͠ش͠ف͠ت͠ي͠ن͠🥀
#آ͠ل͠ج͠ز͠ء :17

#آ͠ل͠ف͠ص͠ل͠_آ͠ل͠آ͠و͠ل͠: ً ســــٓــحـࢪ ؏ــــٓــيـטּـآڪ أࢪبـــــٓــڪ قࢦبــــٓــʊ̤ʅـ.،👑💕⇣
#آ͠ل͠گ͠آ͠ت͠ب͠ة :Lıłø
.
.
عادل : ( بقا مدة كيشوف فيها و ميل راسو حادرو لجيهتها و دوا بصوت خافت) إِذا هَجَرتَ فَمَن لي وَمَن يُجَمِّلُ كُلّي
وَمَي لِروحي وَراحي يا أَكثَري وَأَقَلّي
أَحَبَّكَ البَعضُ مِنّي وَقَد ذَهَبتَ بِكُلّي
يا كُلَّ كُلّي فَكُن لي إِن لَم تَكُن لي فَمَن لي ..

شامة : ( علات فيه عينيها بسرعة متفاجئة و الصدمة واضحة على محياها) أ أااا ن نتا كي ككك(تلفات مسكينة😂)

عادل : (قاطعها بالهمس) كيفاش ؟ (بتسم جنب إبتسامة خفيفة بالكاد كتبان) جدي لله يرحمو كان ملي كيقلقك كيراضيك غير بهاد البيت الشعري ( زاح بنظره لجنب و سهى بتفكيره للماضي) باقي نعقل واحد المرة كنتو مخاصمين على وديت شي بلان نساه و متفكروش معقلتش مزيان و نتي كنتي قطعتي معاه الهضرة يوماين و هو ما قدرش يصبر مسكين ( ابتسم بدفء) و جا اليوم التالت و فيديه بواطة ديال الشكلاط و ورد و ما تصالحتي معاه حتى قاليك هاد الشعر

شامة : (بابتسامة واسعة و الدموع تحقنو فعينيها) باقي عاقل؟ كنتي صغير بزاف

عادل : (بجدية) واخا مدوزتش معاكم بزاف ديال الوقت فطفولتي إلا أني مزال عاقل على كل تفصيل داز فيها واخا يكون قد هاكا(و دار ليها بصباعو حركة🤏)

شامة :( الدموع نازلين على خدها و الضحكة ما فارقاتش ثغرها ضمات وجهه بايديها بزوج و دوات بصوت مرتعش بالبكاء) عرفتي شحال فرحتيني بهاد الكلام؟ فرحت بزاف لي باقي عاقل على طفولتك معانا كنت كنقول موحال واش تفكر شي ذكرة لينا معاك فطفولتك حيت كنا كنشوفوك مرة فشحال

عادل : (شد يديها بزوج و قبلهم وحدة بوحدة ) عمري نسا شي حاجة متعلقة بلالة شامة ... (بجدية) ما علينا مزالة مقلقة من بكر ولدك ؟

شامة :(بابتسامة واسعة) علاش أنا كنت مقلقة بعدا؟؟ ههههه أجي عندي أ بكري حبيبي أجي

عادل :(عنقها جنب بابسامة على طيبوبتها دغيا تقلبات ) إوا شنو تعشيتي بلا بيا أ مولات الخالة (غمزها مع ابتسامة لعوبة)

شامة :(صفارت و خضارت و وجهها تحقن فيه الدم بقات غير كتشوف ما عرفات ما تقول )

عادل : (بجدية و كأن شيئا لم يكن ) الميمة ياك لاباس؟؟!! بخير مالكي سكتي؟ مال وجهك ولا حمر؟؟!

شامة: (تداركات حشمتها و شافت فيه بعيون غاضبة دوات بصوت حاد) يا الصلكوط عمرك تبدل واش باقي ما بغيتي تنسا هاد السمية؟؟؟! (زفرات بغضب ) ولكن الغلط ماشي منك من المرحوم لي كان غير جيب يا فم و كول كنقول ليه حشومة الولد كيسمع كيقول لا راه باقي صغير ما كيفهم والو إوا طل عليه دابا ها هو ولا يحشمني بيها الصلكوط لي ولدك بعد مني الماسخ لأخر بحالك بحال جدك تريكة المسخ

عادل : ( تبسم بدفء متبعها بعينيه و هي داخلة كتنكر و ضرب برجليها عاقل مزيان على هاد الإسم كان كيقولو ليها جدو فياماتهم و هي كتحشم فكل مرة يقولها خصوصا أنها ما عندها حتى خالة فوجهها *يعني المعنى واضح🙂* دوا بصوت عالي باش تسمعوا ) و أنا أش ذنبي إلا كنت مكنساش

شامة :( دارت عندو معصبة و دوات بصوت غاضب) ذنبي أنا لي كنت مفشاك و مخلياك لاصق فجنابي فين ما مشيت و أنت صغير

عادل: حتى دابا مكاين مشكل أجي بقاي لاصقاني و ردي الصرف شبان ليك (غمزها)

شامة : (ميقات فيه و دوات و هي طالعة فالدروج لبيتها) أصلا أنا هنا غنبقا بغيتي ولا كرهتي دار بكري هادي

عادل ضحك بخفوت على تصرفاتها لي واخا كبرات إلا أنها مزالة محافظة عليهم و مزال باغة لي يدلعها و يهز هبالها حتى فكبرها خصوصا عادل "بكري" كي كتقول عليه مفششها فوق القياس و داير ليها فوق الخاطر

#يتبع😌
بكراااااي ...... كي جاكم ولدي و هو حنين🌚