سوق حيدر

الفصل الثاني

ردد ظافر باشمزاز شديد وغضب مكبوت وهو لايصدق انه سيقوم بتلك المهمه المقززه من وجهه نظره .حضرتك بتقول ايه يافندم انا مقدرش اقوم بالمهمة دي تقدر حضرتك تخلي اي ظابط غيري يقوم بيها انا اسف يافندم بس المهمه دي انا مش حاشترك فيها
اللواء ببرود جليدي وكانه لم يستمع الي حديثه من الأساس. المهمه حاتبتدي من بكره وده الملف اللي حضرتك حاتدرسه وفيه الخطه كلها ياريت ياظافر باشا تتخلي عن غرورك ده شويا احنا مش بنلعب عشان تقول خلي اي ظابط يقوم بيها
حاول ظافر الحديث ليقاطعه اللواء بغضب وتحذير تلك المره وهو يعطيه الملف .اتفضل علي مكتبك والملف اهوه وياريت مسمعش اي كلام تاني في الموضوع ده وإلا تعتبر نفسك متحول للتحقيق يلا اتفضل علي مكتبك
قام ظافر بالقاء التحيه باحترام وتوجه الي الخارج بغضب ويده تضغط علي الملف بقسوه شديده لكن سرعان ماابتسم بخبث ومكر واخذ يردد بتسليه وهو يغير مسار طريقه الي جهه اخري .هههههه أما نتسلي شويا الواحد بقاله كتير اوي حاسس بملل

وصل ظافر الي احدي المكاتب وقام بالدخول مباشره بدون استئذان ليبتسم بقرف وإحتقار وأخذ يناظر الجالس أمامه ببرود وتقزز

ردد عصام بتوتر وخوف وهو يغلق ازرار قميصه ويحدث تلك المرعوبه أمامه وهي تحاول ستر جسدها بي أي طريقه .اخرجي انتي دلوقتي
اومات له الاخري بخجل لتركض الي الخارج بسرعه

ليردد ظافر بسخريه واحتقار .مش حاتبطل وساخه بقا حتي في مكتبك هيا مش دي البت اللي مسكتها في شقه الدعاره امبارح حاقول ايه رمرام مش بتاكل غير من الزباله اللي شبهك

نظر اليه عصام بحقد واخذ يردد بغضب مصطنع يخفي به توتره الداخلي .انت مين إداك الإذن تدخل مكتبي بالطريقه دي وبعدين انا اعمل اللي أنا عاوزه احسن تكون مفكر نفسك مدير عليا

ردد ظافر باستفزاز وهو يجلس عن المكتب باريحيه بدون أن يعطي الواقف أمامه اي انتباه .مانا فعلا مدير عليك ولا نسيت ومكتبك ده باشاره واحده ممكن اشمعهولك بالشمع الأحمر ولو عايز اخليك تشرف في الحجز من دلوقتي برضو حاعمل كده وشوف مين اللي حايقدر يقف قصادي
ضغط عصام علي يده بقوه ونفرت عروق جسده بالكامل من شده الغضب والحقد الذي يزداد بداخل قلبه يوما عن يوم .عاوز ايه ياظافر
ظافر بمكر وهو يقف أمامه بغرور وثقه ويضع يده داخل جيبه .إسمي ظافر باشا فاهم وعايز ايه بقا اممممم وهو ظافر باشا ممكن يحتاج من شحات زيك ايه انا بس جيب اتسلي بدال الملل وأديني اتسليت احلي تسليه صحيح المهمه الجديده اللي حضرتك كنت مستنيها علي نار خلاص بقت بتاعتي وانت طبعا عارف لما ظافر باشا يمسك مهمه بيحصل ايه ياتري لا فكر في الاجابه معا نفسك وأنت اكيد عارف الجواب كويس يلا سلااااام
خرج ظافر من المكتب وهو يضحك بصوت مرتفع ويستمع الي صوت صراخه الشديد مختلط معا صوت حطام مكتبه وكانه يستمع الي ألحان موسيقيه جميله