سوق حيدر

الفصل الثاني والعشرون

في اليوم التالي
كانت جميله تجلسي في الصالون الخاص بفيلا ظافر وهي شارده في نقطه وهميه وحديث زهره يملا عقلها حتي وان كان غير صحيح الاانه حديثها اثار الشك داخلها
فلاش باك
كانت جميله تبدل ملابسها لتسمع طرقات خفيفه علي باب الغرفه
اتفضل رددت جميله بتلك الكلمه وهي تضع الحجاب علي شعرها حتي اخفته بالكامل
دخلت زهره وهي تبتسم بهدوء وتردد صحيتك من النوم
جميله بابتسامه .لا ياحبيبتي انا متعوده اصحي بدري اتفضلي
زهره بمرح مصطنع .ايوه ياعم شكلك بتصحي بدري تجهزي الفطار لحبيب القلب لتغمز بعينيها شكلكو بتحبو بعض اوي
جميله بعشق واضح .اوي اوي ربنا يديم علينا سعادتنا لتكمل باحباط بس بصراحه انا محضرتش الفطار انهارده كسلت بسبب الحمل تعبني اوي
زهره بغيره مخفيه. اه الله يكون في عونك لتكمل بابتسامه مصطنعه .وبعدين ياستي متزعليش نفسك ماناردين حضرتله الفطار بس تقولي ايه فطار ملوكي بصحيح
جميله بابتسامه .اه هي كمان متعوده تصحي بدري عشان تجهز الفطار لظافر
زهره. لا ظافر كان خرج دي فطرت هايا وليل لوحدهم لتكمل بضحك يخفي خلفه خبث كبير بس ايه صوت ضحكتهم كانت جايبه القصر كله وهما بيهزرو معا بعض
جميله بصدمه وعدم اسيعاب .صوت ضحكتهم ازاي مش فاهمه وبعدين ناردين مش متعوده تفطر قليل اوي لو اكلت حاجه الصبح
زهره وهي تذهب اليها وتلف من جانبها مثل الافاعي .لا لا دول فطرو وكمان شربو القهوه سوا بصراحه شكلهم مقربين من بعض اوي
جميله بتوتر وقد بدأت الغيره تدخل قلبها .اه فعلا ليل بيعتبر ناردين اخته وبيتعاملو علي اساس ده
مسكت زهره يد جميله وقامت باجلاسها علي السرير وأخذت تردد باحراج مصطنع .بصراحه ياجميله انا عاوزه اقولك حاجه بس خايفه تفهميني غلط
جميله بانتباه .لا ياحبيبتي طبعا اتكلمي في أيه
زهره بمكر .بصراحه ياجيجي تصرف ناردين مش عاجبني يعني مهما كان ليل غريب عنها وده غلط وحرام اول حاجه تقعد معاه لوحدها تاني حاجه بيهزرو سوا بالكلام لتكمل بكذب وحقاره .واللمس كمان
جميله بحده شديده .ايه القرف الانتي بتقوليه ده انتي ازاي تقولي كده انتي كدابه
زهره بدموع مزيفه. قرف هو أنا عشان بتكلم معاكي وخايفه عليكي ابقا كذابه عالعموم ياستي انتي حره انا عرفتك البيحصل لاني خايفه عليكي ذي اختي لتتوجه الي الخارج وهي تردد بعد اذنك
عوده الفلاش باك
استغفرت جميله كتيرا وأخذت تهز راسها بعنف حتي تخرج تلك الأفكار من داخل عقلها
جيجي رددت ناردين بتلك الكلمه وهي تجلس بجانبها
جميله بابتسامه بارده وقد شعرت داخلها بالغيره الشديد من ناحيه ناردين  .ايوه ياحبيبتي
ناردين بابتسامه رقيقه .ايه يابنتي بقالي ربع ساعه بكلمك كنتي سرحانه في ايه
جميله .ابدا المهم انتي لابسه كده ورايحه فين
ناردين بحماس وفرحه .حانخرج كلنا انا وظافر وانتي وليل حاتيجو معانا
جميله برفض .لا لا انا وليل مش
ناردين بمقاطعه وحسم .من غير رفض بقا عشان خاطري قومي البسي
اومات لها جميله بضيق وهي تتوجه الي الاعلي 
بعد مرور ساعتين
كانت ناردين تمسك يد ظافر بقوه وهي تبتسم بسعاده وفرح
زهره .ياجماعه انا تعبت تعالو نقعد شويا
جميله بزهق .وانا كمان تعالو ندخل الكافيه ده نشرب حاجه
ظافر وهو يحتضن كف ناردين بين يديه بتملك .يلا بينا
زهره بخبث وهي تنظر الي ولاء والاء .واو ناردين اخواتك حلوين بس بصراحه مش شبهك خالص
ناردين بتوتر وضيق .شبهي او مش شبهي دي حاجه متخصكيش
ظافر بابتسامه .ولاء انتي والاء ايه رايكو تروحو تلعبو بالألعاب البره شويا
اوما له ولاء والاء بفرحه وهم يتوجهو الي الخارج بسعاده
زهره بخبث ومرح مصطنع .ايه رايكو ياجماعه نلعب لعبه الصراحه
ظافر .طيب والله فكره ايه رايك ياحبيبتي
ناردين .مافيش مانع
ليل بضحك .بلاش انا انا عندي فضايح
جميله بغيظ .انا موافقه نلعب وانت حاتلعب ايه رايك بقا
زهره .اهدو وافهمو شروط اللعبه احنا حانعلب والمش حايعرف يجاوب يخرج حاجه من شنطته يحطها قدامنا
نظر الجميع الي بعضهم باستغراب لتردد ناردين بعدم فهم .ايه الهبل ده انا اعرف ان المش بيجاوب بيتعاقب وخلاص
ظافر. ياستي مش مشكله اهو تغير تعالو نبدأ لفي الازازه يازهرة
اومات له زهره بحماس لتقوم بلف الازازه وبالصدفه أتت علي جميله لتردد زهره. جميله حبيتي حد قبل ماتتجوزي
ليل بغضب شديد وغيره .ايه الكلام ده وانت دخلك ايه اصلا حبت او محبتش وبعدين جميله عمرها ماحبت حد غيري
زهره بمكر ودهاء .الله دي لعبه ولا حضرتك مش واثق في حبها ليك عشان كده مش عاوزها تجاوب
كاد ليل ان يتحدث لتقاطعه جميله ببرود وعينيها ممتلا بالدموع .لا يازهرة محبتش
اوك رددت زهره بتلك الكلمه وهي تلفها مره اخري لياتي السوال علي ناردين لتردد زهره بخبث شديد فهي تعلم بأمر ولاء والاء من خلال المعلومات التي جمعتها عن ناردين .ناردين ازاي باباكي ومامتك متوفين وانتي عشر سنين وولاء والاء عندهم ٩سنين
ظافر بغضب وصراخ .زهره انتي
ناردين بمقاطعه وغضب .خلاص ياحبيبي لتوجه حديثها الي زهره انا مش حاجاوب علي السوال انا حاطلع حاجه من شنطتي لتمد يدها داخل حقيبتها ثواني حتي شهقت جميله بعنف وليل بصدمه وظافر بعدم استيعاب
نظرت ناردين الي هذا الشي التي اخرجته من حقيبتها لتراه ساعه رجاليه انيقه ليردد ظافر باستغراب .ايه ده الساعه دي مش بتاعتي بتعمل ايه في شنطتك
جميله بغضب وهي تاخذ الساعه من يد ناردين بقسوه .الساعه دي بتاعه ليل كانت بتعمل ايه في شنطتك
ظافر بغضب شديد يخفي به الغيره والشك التي بدا يملا قلبه من ناحيه ليل .جميله صوتك يوطي فاهمه
جميله بصراخ وقد انتبه الكل عليهم .لا مش حاهدا انا عاوزه اعرف ساعه جوزي بتعمل ايه في شنطتك و
ناردين بعدم فهم .انا معرفش انها ساعه ليل وانا اصلا معرفش ايه الجابها شنطتي
جميله بغيره شديده وصراخ اشد .انتي كذابه انطقي ايه الجاب ساعه ليل في شنطتك انتي عاوزه ايه من جوزي بالظبط وعاوزه توصلي لايه بالقرف اللي بتعمليه