سوق حيدر

الفصل الخامس والعشرون والاخير

في الساعه الثانيه عشر داخل غرفه ليل التي أصبح مقيم بها تارك لجميله الغرفه الاخري
قامت بالتوجه الي غرفته سريعا ودموعها مثل السيول تنزل علي وجهها لتتوجه اليه بحزن شديد والم وهي تنضم داخل احضانه بقوه شديده وتراه نايم بهذا العمق .ليل ليل حبيبي انت سامعني
فتح ليل عيونه ببطيء ليراها تنظر داخلهم بدموع واشتياق شديد ليحاول ابعادها بغضب ونفاذ صبر لكنها تمسكت به بقوه شديده واخذت تردد وهي تحتضنه وتنفجر ببكاء مرير .لا لا ليل عشان خاطري بلاش تبعد عني والنبي ليل انا بموت من غيرك مش قادره اتحمل اشوفك معاها انا عارفه اني غلط في حقها وفي حقك غلط كبير اوي مش غلط دي جريمه بس والله غصب عني لتكمل بلهفه الدموع تتساقط من وجهها علي وجهه .انا مستعده اعمل اي حاجه تطلبها مني حاعتزرلها قدام الكل حاطلب منها انها تسامحني لحد متوافق بس والنبي ياليل ماتسبني انا مقدرش اعيش من غيرك
ليل بقسوه والم شديد داخلي بسبب دموعها التي كانت دائما مصدر ضعفه وانهياره وايضا بسبب اشتياقه لها التي تعدي الحدود. اتاخرتي اوي ياجميله انتي قولتي بنفسك دي جريمه والجاني لازم يتعاقب وانتو واخوكي جنيتو عليها سيبك مني انا انا في النهايه راجل انما هي ست مكسوره مكنش ليها غيره في الدنيا وانتي بدال ماتسمعي لقلبك سمعتي لغيرتك منها الااول مره اعرف انها موجوده وابسط حاجه قولتيها. طلقها ياظافر الزباله دي
هزت جميله راسها بحزن ودموع شديده بسبب ذنبها التي اكترفته وتستحق عليه اكبر عقاب لتردد بقله حيله وصوت باكي متقطع .حاقولها تسامحني حاترجاها لحد ماتوافق حابوس ايديها حتي عشان تسامحني قولي ايه الفي ايدي اعمله وانا حاعمله
ليل ببرود وهو ينهض من جانبها وهي تحاول أن تتمسك به وهي تبكي بوجع وانهيار .متعمليش حاجه انتو عملتو بمافيه الكفايه ودلوقتي الدور عليا عشان ارد
انصرف ليل من الغرفه سريعا والدموع تلتمع داخل مقلتيه تاركا اياها منهاره وحيده تذوق من مراره هجره وفراقه
في صباح اليوم التالي
كانت ناردين تجلس برفقه ليل علي الافطار ثواني وانضمت اليهم جميله واخذت تردد بتوتر واحراج وعينيها متورمه من اثر البكاء. صباح الخير
ناردين وليل .لارد
جميله باحراج ودموع وهي تحادث ولاء .ولاء حبيبتي مش حاتيجي تسلمي عليا انتي والاء
كادت ولاء ان تذهب اليها لتمسك الاء يدها علي الفور واخذت تردد . لا مش حانسلم عليكي عشان انتي وحشه
الاء رددت ناردين بتلك الكلمه وهي تنظر الي الاء بتحذير فوضعت الطفله عينيها في الأرض بحزن
نظرت جميله الي ناردين بذهول فبالرغم جميع ماحدث لاتعاملها بالمثل ابدا ومازالت تحتفظ بصفاته الحسنه وتعلمها لاخواتها
ليل .ناردين حفله الخطوبه انهارده انشالله حاتكون الساعه ٨
ضغطت جميله علي يدها بقوه شديده وقد امتلأت عينيها بالدموع لتردد ناردين بابتسامه متوتره .تمام ياليل حاكون جاهزه عالوقت
جميله بصراخ وبكاء شديد وتلك اللحظات اقسي لحظات مرت عليها .بس انا مش حاسمح بالجوازه دي وعمرها ماحاتكمل
ليل ببرود .بصفتك ايه تسمحي او ماتسمحيش
جميله ببكاء شديد .بصفتي مراتك وانت كده بتموتني بالبطيء
ليل بلامبالاه شديده .عادي مش مهم وبعد كده ياريت متدخليش في الكلام لانه ميخصكيش ولو مش عجبك تقدري تسيبي القصر وتمشي
جميله بذهول والم شديد .ليل انت بتطردني
ليل وهو ينهض ويتوجه الي الاعلي .ايوه انتي لسه واخده بالك باب القصر مفتوح في اي وقت تقدري تمشي عادي ولو فاكره اني حامسك فيكي تبقي لحد دلوقتي متعرفيش ليل
بكت جميله بحرقه والم شديد قاسي لايتحمل فما يحدث لاتستطيع اي انثي ان تتحمله فقلبها به حريق مشتعل ووجع لاتستطيع كتمانه اكثر من هذا
نهضت ناردين بسرعه وهي تنظر اليها بحزن لتردد جميله بندم شديد واسف وهي تمسك كف ناردين بقوه .ناردين لو سامحتي اسمعيني انا
ناردين بمقاطعه وبرود وهي تسحب يدها من جميله بجفاء .مبقاش في وقت عشان اسمع حد خلاص مبقتش بسمع سمعتكو كتير اوي وكان ده جزاتي في الاخر
انهت ناردين حديثها وهي تمسك في يد اخواتها وتتوجه الي الاعلي لتنفجر جميله في البكاء اكثر واكثر وهي تلعن نفسها الالاف المرات بسبب ظلمها لتلك المسكينه
في المساء
تم تجهيز القصر بالكامل وأصبح وكانه قطعه من الجنه