سوق حيدر

الفصل الرابع

رددت حيدر بهدوء وهي تشير الي غرفه صغيره الحجم .دي اوضتك من انهارده بس اعمل حسابك اني حاخد الايجار منك الشهر ده جدعنه مني لكن من الشهر الجاي حاخصم الإيجار من الاجره بتاعتك مفهوم
ردد ظافر بامتنان وفرحه مصطنعه. ربنا يخليكي يامعلمه مش عارف اقولك ايه
توجهت حيدر الي الأسفل بدون أن تنطق بكلمه لينظر ظافر الي اثرها باحتقار والي المكان بقرف وتقزز  ليردد بسخريه .بقا ظافر باشا آخره يبات في الخرابه دي يلا هانت وانضف البلد من اشكالك
فتح ظافر الغرفه وقام بالتوجه الي الداخل لينظر الي المكان بتقييم وأخذ يردد ببعض التقبل. الحمدلله انها نضيفه مش ناقصه كمان أبات في مكان قذر كفايا اللي أنا فيه
قام ظافر باغلاق الباب جيدا من الداخل ليخرج الهاتف الصغير من جيبه وقام بتبديل الشريحه سريعا ليظل يعبث بهاتفه ثواني حتي اتاه صوت نيروز وهي تردد بدلع ورقه .كنت عارفه انك مش حاتقدر علي بعدي
ضحك ظافر بصوت مرتفع واخذ يردد بثقه لا متناهيه. انا بس قولت اسمعك صوتي عشان عارف اني ممكن تتجنني لو مسمعتهوش
نيروز بضحكه مرتفعه .مغرور بس بعشقك المهم قولي المهمه دي حاتخلص امتي انت وحشتني اوي
ظافر بجديه .عشان كده انا بكلمك نيروز انا مش حاقدر اكلمك الفتره الجايه خالص اصلا انا بعمل المكالمه دي وممكن اموت بسببها ده مش مسموح بيه ابدا
نيروز بملل ولا مبالاه .حبيبي ايه الافوره دي بطل رخامه بقا
تنهد ظافر بعمق وأخذ يردد باستعجال .بصي انا حاقفل دلوقتي وياريت محدش يعرف اني كلمتك تمام انشالله مهمتي حاتخلصي قريب يلا باي ياالبي
اغلق ظافر الهاتف سريعا بدون أن يستمع الي ردها ليقوم بوضع الشريحه الأخري سريعا وكسر الشريحه التي كانت في الهاتف من البدايه ليشهق فجأه بخوف وقام باخراج سلاحه الخاص بعدما استمع الي ضربات قويه علي باب الغرفه
عند نيروز
اغلقت الهاتف بملل وقامت بالتوجه الي غرفه شقيقتها لتردد باستغراب ولهفه شديده وهي تجد ميرا تجلس باريحيه علي الفراش وكأن جميله لم تاخد حبيبها في الأمس .ميرا ممكن بقا تفهميني انتي ازاي اتقبلتي الوضع بالسهوله دي
رددت ميرا بابتسامه وهي تتمسك بي
نيروز تجلسها بجانبها .طيب اقعدي وانا حاحكيلك كل حاجه حصلت امبارح
جلست نيروز بجانبها وأخذت تردد بنفاذ صبر .اديني قعدت احكي بقا
ميرا باستمتاع .اسمعي ياستي الحصل امبارح
فلاش باك
كانت ميرا تقف في جنينه القصر وهي تلهث بانفعال  وجميع نيران العالم مشتعله داخل قلبها من ناحيه جميله لتردد بغيره شديده وهي تتوجه الي الداخل بسرعه قاصده غرفتها .وربنا لاقتلها اللي عاملانا فيها شيخه دي اعااااا صرخت ميرا بخضه عندما شعرت باحد يقبض علي يدها بقوه لتستمع الي صوت ليل وهو يردد بغضب. انتي كنتي حاتعملي ايه يامجنونه
قبضت علي ملابسه بقوه وأخذت تردد بصراخ وغل شديد .رايحه اقتلها الزباله دي بقا انت تعمل فيا كده بعد الحب الحبتهولك ده كله طيب ايه رايك بقا اني حاقتلك معاها
ردد ليل بنفاذ صبر وهو يحاول السيطره عليها بي أي طريقه .طيب ممكن تهدي وتسمعيني
حاولت ميرا الإبتعاد عنه وهي تردد بجنون وغضب .مش حاهدا غير لما اقتلها
نظر اليه ليل بغضب مخيف واخذ يردد بتحذير شديد اللهجه .ميرررررا قولتلك اسمعيني
ابتلعت ميرا لعابها بخوف فهي تعلم غضبه جيدا لتسمعه يردد بضيق وزهق .انا ماليش ذنب في الخطوبه دي انتي عارفه اني بحبك انتي بس أمي هي اللي جبرتني عليها وكانت حاتموت لما انا رفضت
ميرا بلامبالاه وشك .وانا ذنبي ايه في كل ده وبعدين مدام مامتك اجبرتك انك تخطب ليه مقولتلهاش اننا بنحب بعض وجيت خطبتني انا
نظر اليها استخاف وسخريه وأخذ يردد .اقولها اننا بنحب بعض انا وانتي عشان تموت فيها ياحبيبتي دي مش بتطيق تسمع اسمك لا انتي ولا مامتك ولا حتي اختك نيروز وبعدين هي بقالها ٣سنين بتزن عليا اتجوز جميله وامبارح اتخانقت انا وهي خناقه كبيره وكانت حايجلها غيبوبه سكر بسببي
ضغطت ميرا علي يدها بقوه وأخذت تردد بلهاث ونبره شيطانيه .اسمع ياليل الخطوبه دي لازم تنتهي انهارده فاهم
ردد ليل بالامبالاه. والله لو عرفتي تنهيها يبقا فعلا انا مغلطش لما اختارتك بس الموضوع كله يكون بعيد عن امي فاهمه
ركضت ميرا الي الداخل بسرعه قاصده غرفه جميله حتي تخبرها بعلاقتها هي وليل من البدايه لكن ابتعلت حديثها عندما استمعت اليها من خلف الباب وهي تردد ببكاء سعيد ورضا .الحمدلله يارب أخيرا حققتلي أمنيتي وانا وليل حانكون معا بعض قريب اللهم ما لك الحمد والشكر يارب تكمل فرحتنا علي خير ويجمعني بيه في الحلال قريب اوي
ابتسمت ميرا بخبث ودهاء وقامت بالتوجه الي الجنينه مره اخري لتستمع الي ليل وهو يردد بتقرب بسبب ابتسامتها الغريبه .ايه عملتي ايه
ميرا بتشفي. معملتش حاجه ومش حاعمل حاجه
نظر اليها ليل باستغراب وأخذ يردد بعدم فهم. مش فاهم تقصدي ايه
رددت ميرا بمكر وهي تقترب منه بدلال ووقاحه .يعني انا قررت نتسلي شويا
ليل بضيق. يووووه ماتنطقي بقا انا مش فاهم
ضحكت ميرا بقوه وأخذت تردد بسخريه وإحتقار .يعني الشيخه جميله بتحبك وواضح انه من زمان اوي وده اللي أنا عرفته من شويا وانا بصراحه قررت إننا نلعب معاها ونشوف اللعبه حاتوصل لحد فين يعني الخطوبه تكمل عادي بس يوم الفرح نعمل تبديل صغيره واكون انا مكانها هههههههه ياخبر حايكون حتته موقف
توسعت عين ليل بشده وأخذت يردد بعدم تصديق وذهول وهو لا يعلم لماذا دقات قلبه ارتفت لاول مره بحياته هكذا .بتحبني مش ممكن انتي متأكده
ميرا مكمله غير منتبهه الي لهفته في الحديث .طبعا متأكده الست هانم العامله فيها شيخه وبتاعه ربنا طلعت بتحب في السر الهانم اللي عمرها ماكلمت شاب في حياتها مستغفلانا وبترسم علي تقيل اوي بس علي مين إن ماكنت اجيب مناخيرها الارض مبقاش انا ميرا
اوما لها ليل بحده وأخذ يردد بغضب يخفي به دقات قلبه العاليه وإعجابه الشديد بتلك الفتاه فلم يحلم  يوما أنه سيقترب منها فهو يعلم انها فتاه غاليه انقي من الجواهر الثمينه .ماشي ياميرا كل اللي إنتي عاوزاه حاعمله انا حامشي دلوقتي عشان عندي شغل
رددت ميرا برقه وهي تقترب منه بجراه .معقوله حاتمشي من غير ماتودعني
حاول ليل الحديث ولكن لم تعطيه الفرصه لتقوم باطباق شفتيها فوق شفتيه وأخذت تقبله بخبره شديده وجراه غير عاديه ليردد بضيق لاول مره يشعر به فهذا الشي المحرم طبيعي بينهم لكن لا يعلم ماذا حدث له لماذ شعر بالاشمزاز من قبلتها تلك المره .تصبحي علي خير
نظرت ميرا في اثره بلامبالاه لتقوم بالتوجه الي الداخل وهي تدندن باستمتاع ومكر
عوده الفلاش باك
نظرت نيروز الي ميرا بانبهار وصدمه حقيقيه سرعان ماتحولا الي خبث وشماته لتردد بحماس وصراخ .يخرببت دماغك ياميمي اما حته خطه وتبقي توريني الشيخه خديجه المغربيه دي حاتعمل ايه
ميرا بحماس هي الاخري .اسكتي بقا ده انا محضرلها شويه خطط ايه حايخلوها تتجنن المهم دلوقتي انا عاوزه اخرج عاوزه ارقص ارقص
نيروز بصراخ .بينا عالديسكو
ميرا بلهفه وصراخ مماثل .يلا بينا بسرعه