قصة : ( انا والقمر اعداء ) ل سهيلة سعيد المنجي

الحلقة ٩ و ١٠

قصة : { #انا_والقمر_اعداء } 👀💔

الحلقة التاسعة { ٩ } 🤺

شاهين بعصبية : شكلك مفهمتيش كلامي كويس ، انتي كدة مفكرة إن الحوار خلص يعني عشان هكرتي الفون ومسحتيه !
رنين بعدم فهم : انت بتقول ايه ، فون ايه الي هكرته ؟!
شاهين بزعيق : متستهبليش ع اميييي ، فوني الي فرمتيه هو وفون اختييييي !
رنين : محصلش مني الكلام دة ، انا ماليش ف التهكير ولا حوارات النت دي اصلاً !
شاهين بغل : وحيات امك م هسيبك ي رنين
( يقفل ف وشها ، تستغرب رنين مش فاهمة هو بيتكلم عن ايه ، تفتكر يحيي ، تتصل بيه ، ف بيت يحيي ، قاعد ف اوضته بيرتب اوراق ع المكتب ، يرن فونه ، يمسكه )
يحيي : رينوووو
رنين : انت عملت حاجة ف فون شاهين وميادة ؟
يحيي : اممم ليه ، جرا ايه ؟
رنين : عملت ولا معملتش ؟
يحيي : اها عملت ، هكرت فونهم ومسحته كله
رنين بحماس : عملت كدة ازاي ي بن اللذيناااااا !
يحيي : عيب عليكي انا محدش يمس شعرة من اختي ، ولو اطول امسحه هو شخصياً من ع وش الأرض كنت مسحته
رنين : مش عارفة اقولك ايه ي يحيي والله !
يحيي : وفهمت بكر خضر ع كل حاجة ، قالي مش هينزل او يستقبل حاجة تخصك تاني
رنين بفرحة : والله بجد ربنا يخليك لياااااا
يحيي : اي خدمة ياباااا
رنين : تسلملي يارببببب ، بس ع فكرة بيهددني حالاً وبيقولي مش هسيبك وانا بصراحة خايفة !
يحيي : لا فكك ، سبيها عليا دي
رنين بضحك : سيباها عليك طبعاً
يحيي بضحك : سيقاها انتي !
رنين : يارييييت اسوقها يخويا
يحيي : بعينك
رنين : لفة واحدة بس
يحيي : هبقا ادبهالك
رنين بفرحة : بجد !
يحيي : ف الأجازة بقا
رنين : اشطااا
( بعد ٣ ايام ، يوم امتحان ، يلمح يحيي شاهين واقف مع صحابه ، يقرب عليه )
يحيي : عاوزك
( يبصله شاهين ب استغراب )
شاهين : اوك !
( يقفوا سوا ع جنب )
شاهين : في ايه ؟!
يحيي : مش ناوي تلم نفسك وتبطل شغل الن**ان دة ؟
شاهين : انت بتقول ايه ي عم ان ...................
يحيي : ملكش دعوة ب رنين وبطل تهدد فيها ، عشان وحيات امك المرة الجاية لهتلاقي صورك انت الي ع كل تليفون ، وهحرمك تمشي ف الشارع وهطلع مي*ين اهلك
شاهين بفهم : امممم ، هو الحوار دة يخصك ومنك بقا !
يحيي : بالظبط كدة ، ومش هكلمك فيه تاني ي شاهين عشان تكون عارف ، ي اخي اعمل حساب إن ليك اخت بنت ، بس انت هتجيب النخوة والرجولة منين م زيك زيها ، م انت مش راجل اصلاً 
شاهين بعصبية وهو بيمسك يحيي من هدومه : انا ارجل منك ومن ا ......................
( وفجأة ، يديله يحيي بالدماغ عند حواجبه تنزف دماغه ف ساعتها ، يتلمه صحابهم ويبعدوهم عن بعض ، تشوفهم شادية ، تستغرب )
شاهين ب انفعال والدم نازل ع وشه : وحيات امي م هسيبك وربنا م هسيبك ي يحياااااا
يحيي : انت بؤ يالااااا
شاهين بغيظ : ماشيييي !
( عطوة يبعد يحيي وتجري رنين وراه يقفوا ع جنب )
رنين : عملت كدة ليه بس !
يحيي : يعني كنت اسيبه سايقها معاكي !
رنين : معلش طيب خلاص
عطوة بعدم فهم : هو في ايه ؟!
رنين : مفيش حوار كدة
عطوة بضيق : مش عاوزين تتكلمه براحتكم !
رنين : ي بني انت مش وقت قمص ، اخت شاهين كانت واخدة صور ببعتهالها واحنا صحاب ومهددناني بيها بعد م اتخانقت معاها وضربتها
عطوة بفهم : ااااه !
رنين : ف قلت ل يحيي ويحيي هكر فونهم ومسحوا ، ف دة الي مضايقه بقا مبقاش في حاجة يهددني بيها
يحيي : انا رايح احاول اغسل القميص دة احسن دمه طرطش عليه !
رنين : اوك
( يمشي يحيي )
عطوة ب استغراب : من امتى بتحكي ل يحيي يعني ومبتحكليش ؟!
رنين : عادي يعني
عطوة : عادي اة ، واحد هددك بصورك ومحادثاتك مع اخته ويحيي هكر فونه ومسحه واتخانق معاه وضربه وفرج علينا الكلية وعادي ، عادي فعلاً !
رنين : عطوة متكبرش الحوار عشان هو خلص
عطوة بضيق : ايوة صح مش هكبره حاضر
( يمشي عطوة ، تبصله رنين بضيق )
رنين بتتنهيدة : حمااار !
( يعدي الوقت ، يحيي ف التويليت واقف قدام الحوض بيحاول يغسل قميصه من دم شاهين ، يخلص ويقفل الماية ويطلع م التويليت ، يمشي يلف يخبط ف حد )
شادية : ااه !
يحيي : حاسبي !
شادية : انت الي خابطني ع فكرة !
يحيي : وعندك مشكلة ف دة ؟
( تخاف شادية تتكلم عشان الأمتحان التاني ليضيعوا عليها ، تسكت وتمشي ، يبصلها ويمشي )
شادية بزهق : صبرني يارب
( يعدي الوقت والكل يطلعوا يحضروا امتحانهم ، تقرب شادية ع باب المدرج ف طلوع يحيي ، يطلع ويمسكلها الباب عشان تدخل ، تدخل شادية ع جوة من سكات )
يحيي بصوت عالي : لا تعالي تعالي
( تبصله )
يحيي : تعالي معلش
( تقرب عليه بقلق )
شادية ب استغراب : في ايه ؟!
يحيي : تعالي هنا خدي
( تقرب اكتر والكل باصصلها )
يحيي : لا عدي الباب معلش
شادية بتنهيدة : الصبر يارب !
يحيي : معلش بجد والله عدي الباب
شادية : ماشي !
( تطلع شادية برة )
يحيي وهو واقف ع الباب : لما تتعلمي تشكري الناس اما تعملك حاجة ساعتها ابقا ادخلك ، ابقي افتحي لنفسك بقا ي بطة
( يقفل الباب ف وشها جامد ، يضحك الكل وتتخض شادية ، تجري ع الباب تاني تفتحه تلاقيه اتفتح ، تدخل ، لسة هتتكلم تلاقي المراقب الي عليهم داخل وراها )
المراقب : كل واحد مكانه يلاااا
( تروح تقعد مكانها ، يوزع يحيي الورق ويبدأ امتحانهم ، يعدي الوقت ويخلصوا ، تتعمد شادية إنها تدي يحيي ورقتها اخر واحد عشان يكون الكل مشي ، تقرب عليه تديهاله )
شادية : مش ناوي نقفل الحوار دة بقا ؟
يحيي ب استهبال : حوار ايه ي انسة شيري ، هو في بينا حوارات ؟!
شادية : متستهبلش ي يحيي !!
يحيي : يحيي هتاكل من بؤك حتة وربنا
( تتكسف شادية )
يحيي : متقوليهاش تاني بقا
( تبصله بغيظ )
شادية : طيب انت عاوز ايه م الأخر وتخلص الليلة دي ؟!
يحيي : ايه دة ايه دة ، دة احنا ادرجيين اهو وبنتفاوض كمان !
شادية : انا بتكلم جد
يحيي : ايوة يعني أأمري نعم ؟
شادية : عاوز توصل ل ايه ؟
( يلم يحيي الورق )
يحيي وهو بيبصلها : راجعتي ؟
شادية بعصبية : ايوة اتزفت
يحيي : طب بالراحة ع نفسك لتتجلطي !
( يشيل الورق )
شادية : ممكن ترد عليا
يحيي : م انا قلتلك أأمري ؟
شادية : ان .....................
( يرن فونه )
يحيي : ثواني ياااا شيري معلش
( يرد ع الفون )
يحيي : ايه ي جيها ، اة خلصت ، لا استنوني ، نازلكوا والله خلاص ، ماشي سلام
( يقفل يحيي )
يحيي : نكمل كلامنا بعدين بقا معلش
شادية : لو سمحت انا ....................
يحيي وهو بيمثل الكلام ف فونه وبيمشي : ايوة ي بني انا ع السلم اهو ، مبحلفش عشان الكدب حرام يسطاا
( يجري ع برة ويمشي ، تتنهد شادية وتمشي ، يعدي الوقت ، رنين قاعدة ف اوضتها ، تفتح شات عطوة )
رنين : عطوة
( يشوف المسچ )
عطوة : نعم ؟
رنين : انت زعلت ؟
عطوة : من ايه ؟
رنين : متستهبلش انت فاهمني !
عطوة : لا ي رنين ، انا معدتش فاهمك !
رنين : انت مكبر الحوار ليه بس ؟!
عطوة : برضو هتقولي تاني مكبر الحوار !!
عطوة : لو سمحتي ي رنين متتكلميش معايا مدام هتقولي كلام يعصبني
رنين : طب ممكن اكلمك فون ؟