قصة : ( انا والقمر اعداء ) ل سهيلة سعيد المنجي

الحلقة ٥ و ٦

قصة : { #انا_والقمر_اعداء } 👀💔

الحلقة الخامسة { ٥ } 🤺

( ميردش يحيي ويرجع بالعربية ويركنها كويس وينزل منها ، تتخض شادية إن هو الأزاز كان متفيم ومش شايفة مين جوة ، يقرب يحيي عليها )
يحيي : هو انا سمعتك بتشتمي ولا حاجة ؟
شادية بتوتر : اااا لأ ، انا بس فكرت ...................
يحيي بعدم اهتمام : طيب
( يسيبها ويدخل الكلية ، تروح وراه )
شادية : لو سمحت
( ميردش )
شادية : يحيي ، يحيي ثواني اقف !
( يقف عاطيها ضهره ، تلف وتقف قدامه )
يحيي : أأمري ي شيري ؟
شادية : بالله عليك خليني اكتب اسمي ع الورقة
يحيي : ي ماما خلاص الورق راح للدكتور
شادية : انا عرفت إنك تقدر ع اي حاجة هنا ، يعني تقدر تجبلي ورقتي اي وقت
يحيي : اة دة حقيقي
شادية : طب يبقا هاتلي الورقة بقا
يحيي : وانا هستفاد ايه لما اجيبهالك ؟
شادية ب استغراب : وانت عاوز ايه طيب وانا اعملهولك ؟!
يحيي بتفكير : اممممم
( يبصلها )
يحيي : تسقطي
شادية بخضة : ايه !!
يحيي : تسقطيييي
شادية ب استغراب : انت بتعمل كدة ليه ، انت هتستفاد ايه لما انا اسقط ؟!
يحيي : هرتاح والله
شادية : انت ايه ي بني شيطان !
يحيي : لا اركني حوار الشيطان دة ع جنب عشان هو قاعد بيتفرج علينا دلوقتي
شادية وعيونها بتدمع : انت بتعمل معايا كدة ليه ، انا هشتكيك ع فكرة !
يحيي : بصي هو الشكاوي انا الي باخدها ، ف قوليلي انا مزعلك ف ايه وانا هكلمني
شادية بغيظ : انا هتكلم مع الدكتور وهو هيديني ورقتي !
يحيي : والله تعبتي نفسك ب إنك تيجي لحد هنا ، الدكتور جه الصبح وخد الورق كله ومشي ، وزمانه اتصحح واتحط الدرجات كمان ، وورقتك اترمت ف الزبالة ي بطة
( تتخض شادية وتنزل دموعها )
شادية : منك لله والله !
( ميردش عليها ويضير وشه )
شادية : والي عملته دة انا والله مش هعديهولك
( يبصلها ب ابتسامة )
يحيي وهو بيحط ايده ف جيبه : ياريت
( تسيبه شادية وتمشي م الكلية ، يبتسم يحيي ب انتصار ويدخل ، يعدي يومين ويحيي ف قمة سعادته بلي عمله ، ف كافتيريا الكلية ، قاعد يحيي مع صحابه ومن ضمنهم يزن ، تقرب شادية تقعد مع صاحبتها )
شادية : يادي القرف ، دة قاعد هنا !
صابرين : فين ؟
شادية : الترابيزة الي عليها شباب كتير جنبك ، بس متبصيش
صابرين : طب هو انهوا واحد ؟
شادية : الي لابس تيشيرت اسود وكاب
صابرين وهي بتبصله ب اعجاب : معقول دة عمل فيكي كدة ، دة شكله كيوت اوي !
شادية : قلتلك متبصيش !
( ترجع تبصلها )
شادية : الي بتقولي عليه كيوت دة شيطان والله
صابرين : بس بجد شكله عسل
شادية : اتلمي بقا بدل والله اسيبك وامشي ، بقولك بسببه هسقط تقوليلي كيوت وعسل !
صابرين : هههههه اكدب يعني
شادية : لا شليني انا !
( يلمحها يحيي ، يبصلها ، تشوفه باصصلها ، تتخض وتضير وشها ، يبتسم ويرجع يضير وشه )
شادية : انا قايمة
صابرين : اقعدي خلاص والله
شادية : لا انا مش هقعد انا وهو ف نفس المكان ، كفاية إنه معايا ف نفس اللجنة !
( تقوم شادية بعفوية تخبط ف شاب معدي )
سامر : ع مهلك ي صغنن !
شادية ب احراج : اسفة !
سامر : لا براحتك
( يبصلهم يحيي ، تمشي شادية ، يبصلها سامر ب ابتسامة ، يعدي الوقت ويطلع كل واحد اللجنة بتاعته ، يحيي بيوزع الورق ، يقرب ع شادية يحط ورقتها قدامها ، تبصله ، يضير وشه ويكمل توزيع الورق ، اول حاجة تعملها شادية تكتب اسمها وبعدين تبدأ تحل ، يعدي الورقت ، يحيي واقف عند المكتب والكل بيحط ورقوا عنده ، تقرب شادية تحط ورقتها )
يحيي ب ابتسامة : راجعتي ؟
( يوترها يخليها تمسك الورقة تاني تشوف الأسم وتتأكد إنه مكتوب ، ترجع تديله الورقة ، ياخدها منها )
يحيي ب ابتسامة مستفزة : الي اتلسع م الشوربة
( تبصله بغيظ وتمشي ، قدام الكلية ، تلمح رنين شاهين اخوا صاحبتها واقف مع صحابه ، تقرب عليه )
رنين : شاهين
( يبصلها )
شاهين : ايه ي رنين ؟
رنين : عوزاك لو سمحت
شاهين : اوك
( يقفه ع جنب )
رنين : ايه الي انت عملته دة ؟
شاهين : عملت ايه ؟!
رنين ب انفعال : متستهبلش ي شاهين ، اختك كانت بتسجل كل حاجة بينا وانت ودتها ل بكر خضر التيكتوكر وفضحتني ، وقلت إن التسجيلات دي بيني وبينك انت !
شاهين ب استهبال : ايه الكلام دة محصلش ! 
رنين بغيظ وزعيق : متعصبنييييش !
شاهين : ي ستي اهدي بس عشان الناس بتبصلك وهتبقا فضايح فعلاً !
رنين : متقوليش اهدي ، انتوا ليه بتعمله كدة ، احنا كنا صحاب وخلاص كل حاجة بينا انتهت ، وبسبب اختك وطولة لسانها معايا مؤخراً وبتدخلني ف حوارات ملهاش لازمة ، ليه تفضحني بفويساتي ومكلماتي معاها ويشفوها اكتر من اربعين ألف شخص ، ليه كدة ، هي عاوزة مني ايه تاني ؟!
شاهين : اختي مجاتش جنبك ي رنين ، ولو عندك حاجة تدينها اثبتي دة 
رنين : بقا كدة يعني !
شاهين : اة كدة ، عشان تبقي بعد كدة تمدي ايدك عليها ، المرة الجاية هنزلك ع التيكتوك بالمايوه الي انتي كنتي بعتالها صورته ، فكراه ؟ بصراحة كنتي بطل فيه وكل صحابي شافوه كمان
( تتخض رنين وتزيد ضربات قلبها )
رنين : انت بتقول ايه !!
شاهين : زي م سمعتي كدة ، ف اهدي ولميها
رنين : اتلم انت ي شاهين ، اتلم وبلاش لعب العيال دة ، وانت عارف اصلاً إن كل كلمة قلتها لأختك وفضحتني بيها كانت تحت باند الهزار والمرح مش اكتر ، وإني بني ادمة محترمة ، بس م الواضح إني غلط لما عرفت بني ادمة زيها !
شاهين : طب لمي لسانك عشان المايوه هيموت وينزل
( تبصله بخوف )
رنين : طب انتو عاوزين مني ايه ؟!
شاهين : والله هي شايفة إنها خدت حقها بلي انا نزلته دة ، بس انا حبيت الحوار صراحة
رنين بعدم فهم : يعني ايه حبيت الحوار ؟!
شاهين : يعني انا بتكلم جد ، صورك الي انتي بعتهالها هتنزل هي كمان ي رنين
رنين ب انفعال : ليييييه ؟!
شاهين : والله مش عوزاها تنزل تعملي الي هقولك عليه
رنين : الي هو ايه ؟
شاهين : بصراحة انا من ساعة م بعتتلي كل حاجة تخصك وكل صورك وانا مبطلتش تفكير فيكي ، انتي بجد عجباني ودخلتي دماغي اوي
( تتخض رنين من كلامه )
شاهين : فاااا انا عاوزك
رنين بخضة : انت بتقول ايه !!
شاهين : الي سمعتيه ، انا بحاول الملك ليلتك دي ف مش هتتلم إلا بكدة ، والله تمام تمام كل صورك والي يخصك هيتمسح من ع فوني وفون اختي ، لو مش عاجبك براحتك ، انا مقدرش اغصبك ع كدة طبعاً
( تفضل بصاله بزهول )
شاهين : معاكي شهر كدة فكري فيه وظبتي امورك ، شفتي والله م حد مكاني هيديكي شهر بحاله دة مستحيل ، بس انتي عشان ليكي معزة خاصة ف قلبي ي نيرو
( يمشي شاهين ورنين مازالت بصاله بزهول ، تنزل دموعها بخوف ، تعدي الأيام ويحيي مش سايب شادية ف حالها وراعبها ، رنين واقفة مع صحابها ، تلمحها شادية ، تقرب عليها بكل عصبية )
شادية : انتيييي
( تبصلها رنين )
شادية : ينفع الي انتي عملتيه دااااا ؟!
رنين ببرود : عملتلك ايه ؟
( تلف شادية تلاقي مكتوب ع الشميز بتاعها *أنا شادية كمونة ملكة الموضة* تضحك رنين ويضحكوا البنات )
شادية بعصبية : انتي بتضحكيييي !
رنين : مش انا
شادية : كدابة انتي !