أن معرفة الحقيقة شر صعب للغاية ونادرا ما نكون
قادرين على ذلك
فى غرفة الجلوس
-كان يجلس حمزة ومالك ومروان أمام آمنه......كانت تنظر لهم تتأمل كل واحد فيهم نعم كأنها تدرس شخصيتهم ....ليحمحم حمزة ...لتفوق هى على صوته ...
آمنه
ممكن اعرف اللى جابكم وراهم وعايزين ايه ......
-لينظروا إلى بعض يستغربون كلامها ...ليلتفت إليها حمزة ...
حمزة بجدية
كل واحد جاى وراء مراته ...
آمنه بدهشة
مراته .من امتى ؟ الكلمة دى غريبة على اللى انتم عملتوه معاهم .ولا اقولك ابدأ انت . انت حمزة مش حمزة برضوا ....عايز ايه من رقية .كل اللى فمهمته منها أنك كدا كدا متجوزها لغاية ما تخلص امتحاناتها و خلاص يبقى كدا علاقتك بيها خلصت ....
حمزة ببرود
من اللى قال كدا .
-لتدخل رقية مندفعه ...
رقية
انت اللى قولتلى كدا ....أيوة انت قلت السنة دى تخلص وخلاص يبقى جاي ورايا ليه تانى ...
-ليتنهد هو ويقف ..
حمزة
طيب ممكن تقعدى ونتفاهم.
رقية بغضب
مش عايزا اقعد ولا اتزفت ..عايزاك تطلقنى وتمشى . أنا خلاص تعبت .ومش عايزا اشوف وشك تانى ..
-لينظر لها نعم كانت أمامه تتكلم بغضب وعيونها مليئه بالوجع ودموع .لم يكن يتوقع رؤيتها بهذا الشكل ولكن ها هى أمامه موجوعه .... ليتنهد
حمزة
وانا مش همشى أو اطلقك الا لما تسمعينى ..
رقية
وانا مش عايزا ..متنازلة عن الحق دا ..
-لينظر هو إلى الأرض ....وبعد فترة يرفع عينيه ليجدها تنظر له ...
حمزة برجاء
حتى لو قلتلك أنى أنا بحبك ومش عايز غير رضاكى ....
-صدمها كلامه .لست وحدها ولكن أيضا آمنه مندهشه ...ليكمل ..
حمزة
اه يارقية بحبك ...
-لتقاطعه هى .....
رقية بغضب
انت كذاب ..كذاب ياحمزة .جوازنا كان غلطة ، شفقة منك على البنت اللى امها بعتها فى وسط الشارع بس .مش حب مفيش حد بيحب حد ويعمل فيه كدا ..مفيش حد بيحب حد ويزله ويهينه كدا وانت من كام شهر كنت فى حضن واحدة تانية ....انت واحد ....أنا مش عارفة اسميك ايه ..
حمزة بجدية
لا فيه . اه يارقية بحبك ومش من وقت ما اتجوزتك من قبلها ...من يوم ما جيت المنطقة وعرفتك ..
رقية بسخرية
ودى الحتوتة الجديدة اللى جاي تضحك بيها عليا ...
حمزة بجدية
لو كنت بضحك عليكى .مكنتش اعرف كل حاجة عنك . كل خطوة وكل نفس بتتنفسيه .....
-لتنظر هى له ....منتظرة كلامه ..ليعرف فى نفسه أنها تنتظره ليكمل ..ليتحرك هو ناحيتها ....
حمزة
لو كنت كداب. مكنتش اعرف انك قبل ما يحصل الجواز هعاى طول ولا تشوفينى حتى .انك اتعرضتى لمحاولة خطف صح ولا ......
-لتقف آمنه بسرعة وتنظر إليها . كانت تنظر لهم حتى مروان ومالك استغربوا من كلامه ..ليكمل هو..
حمزة
فاكرة .يوميها كنتى راجعه متأخرة .كانت الساعة ١١ وكنتى فعلا اللى يبص عليكى يشوفك جسمك وهو بيترجف ......ليه ..علشان كان فيه ٣شباب ماشين وراكى وكانوا بيقولوا كلام قذر واخر حاجة فيهم واحد راح وجاب عربيته والاتنين التانين زنقوا عليكى وحبوا يدخلوكى العربية بالعافية ..فاكرة ايه اللى حصل بعد كدا ....
أنت تقرأ
ألا أونا ألا دو ألا ترى بنات للبيع
General Fictionالأم هى الحياة الثانية ولكن عندما تتحول الام وتصبح هى البائع امى.شـكراً لأنّك بعتنى وقبضى ثمنى. و عندما يتحول الحبيب والسند لجلادى .. حبيبي.. شـكراً لأنّك جرحتني بكلماتـك قبل رحيلى .. لأنّي حين أحنّ إليك اتذكر كلماتك فأكرهك.
