(وجـمــعـنـا خـذلانـهـم)

البارت العاشر

#عشيق_زوجتي_في_بيتي

#بقلم_بتول_حسين

#البارت_العاشر

توضيح اني من رديت على تعليق البنية بلواتباد كتلها لا تخافون من الغريب خافو من اقرب الناس ألكم وذكرت الحادث الصار ويا مسلم وزوجتة وابو ليش فسرتو اقرب لناس ليقين بس هيه هم صح قريبه عليها الاخذت زوجها جهاد اتركم تقرون وتعرفون الاحداث الصارت ليقين

--------------------------***--------------------

#يقين

‏مدين حقاً بالاعتذار لقلبي على كل مرة لم أصدقه فيها ، على كل غصة شعرت بها تجاه شخص ولم أكترث لها ، مدين على كل الإرشادات والدلائل التي حاول أن ينير لي بها الطريق وأعميت بصري وبصيرتي عنها حينها، ولم أفق إلا بعد أموراً عظيمة فتكت بي تاركة ندبات لا تمحى، ولم أعد بعدها كما كنت أبداً

--------------------------***--------------------

مسلم : بيوم چنت بيت وحدة من صديقاتي اتصل عليه شاهين رديت عليه ،، هلا ضلع شلونك اخبارك

شاهين : مسلم ليش هيج لاتسأل ولا تخابر وابتعدت عنه الصار وياك امتحان وكلش صعب او ابتلاء والمفروض تحمد الله وتحاول ترجع مثل الاول وافضل مو تحملنا ذنب الصار وتبتعد عنه اطيح حظك خايس

مسلم : شبيك يابه اكلتني وشربتني

شاهين : ألك ساعة كاعدين اني وقائد بلمطعم .... والله اذا ما اجيت ينتهي كلشي بينا

مسلم : جاي ،، فصلت المكالمة والبنية الوياي ضلت تتنعوص ومجلبه بيه بعدتها عني بعصبيه واني مشمئز منها بس ماعرف ليش هيج اسوي بس يمكن اعاقب نفسي او بهيج كل ضني اعاقب طيف

شمرت عليها فلوس بأحتقار وضلت تغلط عليه لزمت نفسي ماضربتها مهما يكون هيه مره وضعيفة حتى اذا كانت قذره ما امد ايدي عليها

نظرتي ألها كلش كافيه تبين ألها هيه شنو طلعت من بيتها رحت لبيتي سبحت وبدلت ورحت للمطعم شفتهم گاعدين يتعشون سلمت عليهم وگعدت

قائد : وين چنت صار عندك اصدقاء غيرنا

مسلم : چنت بيت صديقتي ،، شاهين غص وقائد صفن متعجب

شاهين : يا ساقط ياسافل ،، چنت اطيح حظي وحظ اهلي من تشوفني احچي ويا وحده وجهازي الضامه بلدوام حتى متشوفة زوجتي كسرته هسه منو يضحك على بنات الناس

مسلم : اكل تبن اني ماضاحك على بنات الناس الاوادم هذني رخيصات يطلعن بفلوس وشنو يعني عادي اهم شي يرتاحن عدهن اكو بيهن هنه يعرضن عليه فلوس عادي شبيك يبيعن الدنيا والبيها وحتى ربهن على النومه

قائد : استغفر الله شبيك مسلم صوتك عوائل بلمطعم
انت ليش هيج تغيرت والله بعمري مامتوقع هذا الكلام منك المفروض انت هسه بهذا الابتلاء تتقرب اكثر من الله حتى يساعدك ويبرد گلبك