(وجـمــعـنـا خـذلانـهـم)

البارت التاسع

#عشيق_زوجتي_في_بيتي

#بقلم_بتول_حسين

#البارت_التاسع

مساءالخير اعتذر لان مارديت على تعليقات الواتباد بس والله هواي تعليقات وبلفيس نفس الشي اعذروني

--------------------------***--------------------

كل ما نحتاجه الأن
أن نبتعد عن الكذب ... الكذب يطفئ بريق الحياة في اعُيننا
الكذب غير مقتصر على الاشخاص
نحن نكذب على انفسنا يومياً، بل ولساعات متواصلة نحن نكذب بأستمرار
دعكَ من المثالية ... الأمر بعيد كل البعد عن المثالية لا اريد صراحة تجعلني اكون بالقمة
احتاج صراحة تريحني
لكن... ماسبب كذبنا على أنفسنا؟
كيف حالك؟!. السؤال المتكرر كل يوم
الجواب الكاذب كل يوم بخير والحمد لله
أنا بخير اكبر كذبة ....
أنها كذبة عظيمة نقنع أنفسنا بها دائما بها ونقنع الاخرين كذلك، أنا لست بخير
نحن لسنا اقوياء بالقدر الكافي
ولم نتجاوز الايام التي مرت
نحن نتظاهر ... وكم نرتدي قناعنا المبتسم
ليس لأجل الاخرين
احيانا لأجلنا .... لنكون اقوى
هل القوة بالتظاهر
أن كانت القوة تتطلب كذب سنعيش طوال حياتنا ونحن نكذب
بالمقابل قلوبنا تتصدع من ثقل الأيام والكتمان الذي يتكدس على صدورنا سينعكس على ملامحنا ذات يوم رغم الابتسامة الصفراء
مفهومات خاطئة للقوة
القوة ليست بالكذب، وليست بالتظاهر
القوة أن نعترف ونواجه أنفسنا بما نحن عليه الأن، أن نواجه صراع الحياة بصراحة تامة ونجد الحلول بدل من اعطاء التجاهل لكل هذه المشكلات، التي تتكدس نتجاهلها فتبقى عالقة دون حلول ونعتقد أن هذه قوة
قمة الضعف أن تتجاهل حزنك وتكذب أنكَ بخير
بينما أنتَ بقمة الوجع
تتظاهر حتى تصبح أخيراً فريسة لهذا الحزن يتراكم الكتمان، ويثقل اكتافك الوجع
حتى تسقط ... تسقط من التراكمات
أذن القوة ليست بالكذب والكتمان
القوة .... أنا لست بخير
لكن سأكون بخير
حينما اوجه كل المشاكل بصراحة تامة

--------------------------***--------------------

مسلم : ومن ألتفتت بنظرات كبرياء وصارت تحچي ويا مره جبيره بلعمر مبينه تعبانه ،، من نظرات الكبرياء عرفت اني ما اتخيل وهاي يقين گاعدة گبالي

ضلت گاعدة بس ما تباوعلي ولا كأني موجود تحسرت بداخلي تركت وحدة لان مو محجبه ومستوره بس گلبها نضيف ودورت وحدة مستورة واخلاق وطلع گلبها قذر

اوووف يا يقين اوف شگد اتمنى هسه احچيلج شصار بيه ،، گامت من مكانها وبعدها شفتها تحچي ويا شاب مرتب وحلو ومن نظرات القلق بعيونه عرفت زوجها

گمت وضليت امشي وراهم من شفتهم راحو للسوگ شفته يحتار شنو يختار ألها ملابس ومتمسك بأيدها بكل قوه ابد ماتركها انكسر گلبي على الحاله الوصلت ألها

الله عوضها واني عاقبني ،، استغفرت ربي ،، رويت عيوني بشوفتها بس ماگدر اعرف ليش هيه بهاي الحاله ولابسه اسود