(وجـمــعـنـا خـذلانـهـم)

البارت الثامن

#عشيق_زوجتي_في_بيتي

#بقلم_بتول_حسين

#البارت_الثامن

بارت طويل لعيونكم بس لا تروحون تعبي وتفاعلو

--------------------------***--------------------

#مسلم         #يقين

ليشهد الله أنني قدمت روحي
فقدموا لي الخذلان
زرعت في طريقهم الورد
وزرعوا في طريقي الاشواك
مددتُ لهم يد العون
فأكتشفتُ أن فرعون كان احن منهم عليَّ
وأنني اعلم بما يحمله صدري من لين وعطف
لكن لا احد يستحق ليني وعطفي وودي
يا ليت للقلب صواباً يعيد الهوامش إلى مراكزها

--------------------------***--------------------

مسلم : سامعين من يگولون ماصدگ اذا ما اشوف بعيني ،، اليوم صار العكس وياي شفت بعيني بس عيوني وگلبي وعقلي وگلي رافض يصدگ هذا المنظر القذر

طيف ملاكي الهادء الحنون الخجول الرقيق زوجتي وام بنتي لا لا مو بس زوجتي چنت اشوفها طفلتي بنتي بسبب رقتها وتعلقها بيه وبكل مره اتركها تبچي

اليوم شفتها بدون اي شي يستر جسمها بنص الصاله على التخم هيه وسندي وفخري وروحي هيه وابوية ونفس منظرها ماكو شي يستر جسمه

ماگو واحد يكسب بيه حسنه واضل ممنون منه طول عمري بس يگعدني من هذا الكابوس ابوس ايدكم گعدوني من هذا الكابوس طييييف طيييف لا لا لا

ابوية شلون هيج مستحيل عقلي توقف عن التفكير من الصدمة وبشاعة المنظر بس صوت رواء بأذني تصرخ بصوت عالي وگانها تگول اي بابا صدگ هذا مو حلم اصحة وخلصني من ام قذرة

ابوية وطيف چانو مندمجين بغير عالم بعالم قذارتهم وغدرهم وخيانتهم ياناس گولولي شنو اسوي احد يفهمني هذا ابوية وهاي زوجتي وبأبشع منظر شنو اسوي

ماعرفت شي بس ألتفتت لعمي سحبني من ايدي بسرعة قبل مينتبهون اني صرت جثة احاول اصحي نفسي وعقلي بس محاولاتي مانفعت شفت عمي لازم جهازة وواگف باب الصاله

ضل يصور شوية وبعدها دفر الباب بكل قوه من صوت الباب فزيت ورجعت للواقع دخلت للصاله شفته يدفر بأبوية وبطيف وسحلها من شعرها للغرفة وطلع رواء وقفل الغرفة گعدت بلگاع خانتني شجاعتي وقوتي وصحتي

نفسي تعذرت من نفسي شفت ابوية يلبس بملابسة عمي ماعرف على منو يتصل كلشي گدامي بس اني مموجود احس نفسي اتفرج على فلم

طلع عمي وقفل باب الصاله علينا واخذ رواء وياه واني على گعدتي وابوية گعد على التخم ويباوعلي بنظرات شفقة ههههه اي اي شفقة

استاهل الشفقة لان مافتحت عيوني استاهل الشفقة لان دللتها استاهل الشفقة لان صرت سند لأهلي ومافكرت بس بنفسي استاهل الشفقة لان وفيت ويا طيف وماقصرت وياها وعيشتها ملكة