(وجـمــعـنـا خـذلانـهـم)

البارت الثالث

#عشيق_زوجتي_في_بيتي

#بقلم_بتول_حسين

#البارت_الثالث

مساء الخير متابعيني طبعاً كتبت البارت من الظهر وطلعت من الواتباد وقبل 3 ساعات رجعت للواتباد ردت اضيف تعديل بسيط للبارت لگيته محذوف هاي مو اول مره دائماً هيج يصير وياي وكل مره اتوب اكتب بلواتباد وارجع بعد فتره اكتب متصيرلي جاره هههه المهم رجعت كتبت وهذا الگدرت اكتبه اعذروني

---------------------------------------

يقين 💔💔

ما أجت بالريش أجت بضلوعيِ .

----------------------------------------

يقين : طلعنا من المطعم واني مقرره انطي فرصة لأبن خالتي واتعرف عليه اكثر على الاقل اعرفه احسن من الغريب

ضليت اتواصل ويا احاول احبه بس ضل مسلم بگلبي وبعقلي حاولت انساه بس ماگدرت ،، بس بنفس الوقت اكتشفت اني چنت ظالمة ابن خالتي لان عرفت انسان ثاني تماماً

انسان يحبني صدگ ويريد بس يرضيني ويرسم الضحكة على شفتي رغم هيج ماردت اتسرع واظلمة واظلم نفسي حاولت اتعود عليه واحبه

-------------------------------------------------

مسلم : قررت ما اروح لنفس المطعم بعد حتى لا اجرحها او تجرحني تقبلت الفكره هيه مو من نصيبي انتهى كلشي بيناتنا

استمرت حياتي نفس الروتين دوام ومن انزل من الدوام اشوف نواقص البيت واخذ امي للطبيب لأن دائماً مريضة ونواقص محل ابوية لان فلش المحل القديم وسعة بنيان حديث وصار للملابس والمستلزمات النسائية من مكياج وملابس بيت ونوم واحذية وجنط

امي صارت تلح عليه حتى اتزوج لان كلشي جاهز ماعندي عذر بعد ،، هواي تعرفت على بنات بس ولا وحدة گدرت تنسيني يقين علاقات كلش هواي صارت عندي

بيوم چنت نازل من الدوام مثل كل مره رحت للسوگ بديت اتسوگ للبيت ،، چنت بملابس الدوام ،، لفتت نظري بنية صارت قريبة مني وضعها مو طبيعي متوترة وخايفة

راقبتها شفتها تباوع على شباب ثنين من شافوني وخزرتهم راحو باوعت للبنية انتبهت عليه وعرفت اني فهمتها وبعدتهم ابتسمت أليه وراحت

ماعرف شنو السبب بس ضليت اراقبها وامشي وراها ماخليتها تنتبه ما اخذت سيارة طلعت من السوگ واستمرت تمشي مسافة مو بعيدة ودخلت لبيت

اندليت بيتها ورجعت گملت شغلي بلسوگ ورحت للبيت ضلت البنيه بألي عجبتني كلش عيونها ماشالتها من الگاع من تمشي

بعدها بيومين رحت سألت عليهم بمنطقتهم سألت جوارينهم قررت اخطبها ،، حچيت ويا اهلي گتلهم شفتها بلسوگ وعجبتني وراقبتها اندليت بيتهم وسألت عنهم سمعتهم كلش زينه