#وجـمـعنـا_خـذلانـهـم
#بقلم_بتول_حسين
#البارت_الرابع_عشر_14
تفاعلكم كلش قليل يعني البارت يوصل ألف مشاهدة وبس 80 او 100 التصويت ليش هيج وحتى بلفيس قليل التفاعل مو مثل بداية القصة
--------------------------***--------------------
يقين : وبعدين گالت تريد زوجة اخوية لجهاد على سنة الله ورسوله انصدمنا كلنا وماعرفنا شنو نحچي وياها بس زوجة اخوية ضلت مرة تباوعلي ومرة تباوع لأمي
وخالتي مبتسمة وواثقة من نفسها وزوجة اخوية گالت من رخصتجن لا تنزعلن مني وگامت نزعت شحاطتها وهجمت على خالتي
اني وامي ضلينا صافنين ومحتارين شنو نتصرف ضلينا نحاجز بينهن وخالتي طلعت بسرعة من البيت وزوجة اخوية تغلط عليها ومحترگ گلبها ماخلت شي ماحچته
اخر شي اني لزمتني الضحكة ماگدرت اسكت ضليت اضحك من گلبي وزوجة اخوية تضحك وياي وامي ضلت تحچي علينا ماقبلت على تصرف زوجة اخوية واني اتذكر الموقف واضحك
حچيت ويا امي وگتلها حقها هيج تتصرف العتب والعيب على خالتي شنو تحس من تمشي ورا كلام جهاد وتجي وتحچي هيج بكل عين صلفة
امي هم ماقبلت على تصرف خالتي وبنفس الوقت ماقبلت على زوجة اخوية هانتها وهيه بيتنا وزوجة اخوية ما اهتمت تگول اهم شي بردت گلبي بيها وبعد ما تجي لبيتنا وتضل تقنع وتحچي بعقل امي
تركنا امي ادردم علينا ودخلنا لغرفتي اني وزوجة اخوية نكمل ضحكنا على الموقف الصار سمعت جهازي يرن جاوبت واني بعدني اضحك اتوقعتها جنه بس طلع مسلم
مسلم : اخ ياصمام گلبي
يقين : اشرت لزوجة اخوية تسكت ،، مسلم هلا صاير شي
مسلم : ها لا مصاير شي على شنو جنتي تضحكين
يقين : هيج گاعدين نسولف اني وزوجة اخوية ،، اكو شي حتى اتصلت
مسلم : ليش ميصير اسئل عليج
يقين : حسيته ضاج من كلامي ،، لا اهلاً بيك شلونك
مسلم : بخير الحمدلله ،، انتي شلونج
يقين : بخير
مسلم : اليوم تتواجدين بلمجمع بليل نريد نجي اني و رواء للمجمع نشتري ملابس
يقين : اهلاً بيكم لخاطر رواء راح اتواجد بليل
مسلم : اشكرج
يقين : ولو تدلل البنوته ،، فصلت المكالمة وزوجة اخوية مبتسمه گتلها ماكو شي لا تحلمين من وحدج ضلت تضحك عليه
لليل رحت للمجمع بس اتأخر يله اجه مسلم شفت رواء بحضنه وكلها ككو وتضحك وهو حاير بيها
ضحكت على منظرهم
أنت تقرأ
(وجـمــعـنـا خـذلانـهـم)
Mistério / Suspenseحاصلة على المركز الاول في 2023/3/23 احبها وتزوجها ولكن وظيفتة اجبرته عن الابتعاد عنها لفترة وبعد عودته يكتشف خيانتها ومع من اقرب الناس بعدها يعرف ان حاميها هو حراميها ماذا سيحدث بعد الكارثه التي يراها وهل يستطيع تحمل هذا العار
