مع خروج ندي ونيره فتون بصتلهم بأستغاثه الكل باصص عليها مستغربين رده فعلها !
جميله : ازيك يا حبيبتي
فتون باحراج : احم .. كويسه يا طنط
جميله بابتسامه : تعالي اقعدي جنبي
فتون راحت قعدت جنب جميله وبدء الوضع يهدي نوعا ما
هشام بمرح : مكنتش اتخيل عروستنا تبقي بالجمال دا كله
جميله : عندك حق يا هشام .. نقول اي مالك طالع لابوه زوقه حلو
فتون ضحكت : ربنا يخليكوا انتم ماشاء الله شكلكم صغير خالص
هشام : بس بذمتك مش انا ابان اصغر ؟
جميله : نعم ! لا طبعا انا اصغر
فتون ضحكت : والله انتم الاتنين قمرات
هشام : انا بتعاكس يا جميله
جميله : حسيت بكده
فتون بدأت تتكلم معاهم بتلقائية وضحك وارتاحت ليهم جدا وفضلت قعده وسطهم وقدروا يخرجوها من حاله التوتر اللي كانت فيها
عز : شكل ابوك وامك فضحنا
ادهم : ليه بتقول كدا
عز : مش ملاحظ عاملين يضحكوا ويبصوا لينا
مازن : والكبيره لحد دلوقتي محدش اتكلم في الموضوع اللي احنا جايين عشانه
مالك بضيق : معرفش بابا وماما طولوا كدا ليه .. دا غير زهره مجتش
حمزه : واد يا عز
عز : ها
حمزه : الواد اللي قاعد هناك دا مش طايقنا
مالك بص ناحيه عمر ابن عمه فتون اللي كان باين عليه الضيق
مالك : يبقي دا هو !
ادهم : مين ؟
مالك : ابن عمتها اللي حكتلك عنه
ادهم : آخره يبص كدا مش هيعمل حاجه
مروان جه عليهم : اي يا مالك انت غيرت رايك في موضوع الخطوبه ولا اي اتكلم يا بني !
عز بضحك : ام العروسه قعده متوتره ازاي
مالك بص ناحيه ام فتون لاقاها جايه عليهم وكانت لسه هتتكلم شافت مازن وهو ماسك كيس الملوخيه في أيده
ام فتون : ااا تحب يا بني اجبلك ضماده ولا حاجه ؟!
مازن : كتر خيرك لحسن كيس الملوخيه اااااه
ادهم ضرب مازن بخفه علي ضهره
ادهم : لا ابدا متشكرين لحضرتك
مازن : يا عم هتبقي انت واختك هي السبب في اللي انا فيه
ان فتون باستغراب : أخته !!
أنت تقرأ
بين احضان منقذي ♥️ جزء اول (1)
Romanceهي حور ظلت مخطوفه طوال حياتها في روسيا ذات براءة اطفال حتي أنها لم تكن تعلم أنها قد اختطفت بجمعها القدر بهمس صديقه عمرها الذي عند إتمامها سن ١٩ تقوم بكشف سر ( Inferno Rusia) هذا الجحيم الذي يعيشون به ومعهم مئات الضحايا الذي سوف يذبحون في يوم من الاي...
