في شركه رسلان تحديدا مكتب عدي
عدي : اتفضل يا هشام بيه
هشام بحزن : البقاء لله يا عدي
ادهم : طبعا بعيد علي التوتر اللي حصل الفتره اللي فاتت .. لازم أعزي جاسر بنفسي
مالك : هو مش هنا ؟
عدي بصلهم وهو مش فاهم حاجه وهشام لاحظ
هشام بشك : عدي
عدي : هشام باشا ا أنا مش فاهم مين مات ؟؟؟
هشام بتردد : مكنتش اعرف انك مش عارف .. احم حرم جاسر رسلان اخوك
عدي : حرمه !
ادهم : متقولش انك مش عارف دي كمان !
عدي بتذكر لكلام جاسر حاول يصحح : لا لا عارف اكيد .. ثانيه هي !!
غزل بحزن : للاسف .. توفت في حادثه و mr جاسر كان معاها
عدي قام بفزع : جاسر كويس !!
غزل : اه اه متقلقش هو متعرضش للحادثه اصلا انا اقصد كان معاها لما العربيه خبطتها
عدي قعد وهو مهموم ومصدوم : ازاي بس انا كلمته هو فعلا كان غامض بس دي عاده جاسر .. جاسر حبها يا غزل وكلمني عنها جاسر كدا هيدمر وللمره التانيه !
غزل بحزن : كلنا هنقف جنبه مش كدا يا عمي
هشام الدمنهوري : احم .. اكيد طبعا
عدي بتذكر : ثانيه ! هشام بيه انت تعرف هي مين ؟
هشام : كان بيقولها تمارا ساعه وقوع الحادثه
في اللحظه دي جسم عدي تلج وهو مش بيربط الأحداث ببعض معقوله جاسر كان يقصد تمارا بنت خادمه طول المده دي !!
عدي : دي .. دي مصيبه
ادهم : نعم ؟
عدي : مامتها جتلي المكتب بتاعي وسألت عليها وكانت شاكه أنها مع جاسر
هشام : دي مشكله كبيره
عدي : أمها هتروح فيها بقالها شهر مش بتشوف بنتها
ادهم : احم انا مقدر موقفك بس في حاجه كمان لازم تعرفها يمكن تلحق تلم الوضع
هشام بتحذير وهو شايف وضع عدي : مش وقته يا ادهم
ادهم : لا يا بابا لازم يعرف .. تمارا مرات جاسر كانت حامل ساعتها
عدي مسك راسه بتعب وهو مش مصدق كم الأحداث اللي عدت عليه
مالك : اعتقد انت متعرفش هو فين !
عدي : معرفش بس .. بس لازم أوصله خايف يعمل في نفسه حاجه او في حد
عدي طلع موبايله ورن علي جاسر وهو بيتمني يرد عليه وفعلا جاسر رد
عدي بلهفه : جاااسر
أنت تقرأ
بين احضان منقذي ♥️ جزء اول (1)
Storie d'amoreهي حور ظلت مخطوفه طوال حياتها في روسيا ذات براءة اطفال حتي أنها لم تكن تعلم أنها قد اختطفت بجمعها القدر بهمس صديقه عمرها الذي عند إتمامها سن ١٩ تقوم بكشف سر ( Inferno Rusia) هذا الجحيم الذي يعيشون به ومعهم مئات الضحايا الذي سوف يذبحون في يوم من الاي...
