لحظه صمت وارتباك وخوف مع اللحظه اللي مراد ورعد بصوا رواهم وشافوا حور وهمس و وراهم البنات
حور مكنتش بتتحرك علي عكسها تماما كانت متوقعه هتجري عليه .. لكن فاجئه مكنتش عارفه تعمل كدا حست أنهم بقوا غرباء علي بعض للحظه اللي شافته فيها
أما مراد من صدمته أنه شافها فضل ثواني باصصلها ومستغرب جت امتي وازاي .. كل اللي كان بيوصله بيها جوابتها فقد !
أما رعد بص لهمس وكأن شريط حياته معاها جه قدامه اول لقاء بنهم في روسيا ملامح وشها خوفها قلقها علي حور استرجع اول يوم فضل ملازمها فيه ...
قطع الصمت والتفكير صوت وعد وهي بتقرب علي رعد بارتباك من صمت الكل
وعد : رعد شو في !!
رعد بصلها : م م اا مفيش يا وعد ..
رعد شاور علي هنا : دي هنا اختي .. و واصحابها
هنا راحت لرعد وحضنته قدام الكل
وعد بعدت عن رعد شويه لحظه قدومها وبصتلها بضيق الكل لاحظه
هنا ببكاء بصت لمراد : اياكم تسبونا كدا تاني .. الحمدلله انك بخير يا رعد
رعد ابتسم : حاضر يا هنا .. طمنيني ماما فريده كويسه مش كدا
هنا : كويسه بس اول ما مشيت تعبت شويه بس هي دلوقتي تمام ومستنياك
عهد للبنات : احم جماعه شكلنا وحش حد يتكلم
غزل باحراج : حمدالله علي السلامه يا رعد ..
نورسين بهدوء : اهلا يا رعد
عهد بارتباك : نورت مصر يا باشا
رعد ضحك : بنورك يا عهد
مراد راح وقف قصاد حور .. اللي بعدت عنه شويه
حور بتردد : ااا مراد عامل اي.!
مراد عقد حاجبه : عامل اي ؟؟.. انا كويس وانتي .
حور : تمام
مراد : ممكن اتكلم معاكي لوحدنا
نورسين سمعته ووقفت جنب حور : مره تانيه يلا يا حور
مراد : حور مش ماشيه
نورسين بحده : الكلام دا قبل ما تتجوز يا مراد دلوقتي وضعك انت وحور مختلف
مراد : انتي بتتكلمي كدا ليه !!
حور بهدوء : نورسين هاجي وراكي
نورسين : بس يا حور
حور : خمس دقائق بظبط
نورسين بصت لمراد : ماشي يا حور
مراد تابع نورسين باستغراب من أسلوبها اللي اتغير وكمان حور ...
••••••••
عند رعد ... اتكلم مع كل البنات معادا همس واقفه ماسكه نفسها من العياط .. وهو متجاهلها مش بيبصلها حتي
أنت تقرأ
بين احضان منقذي ♥️ جزء اول (1)
Romanceهي حور ظلت مخطوفه طوال حياتها في روسيا ذات براءة اطفال حتي أنها لم تكن تعلم أنها قد اختطفت بجمعها القدر بهمس صديقه عمرها الذي عند إتمامها سن ١٩ تقوم بكشف سر ( Inferno Rusia) هذا الجحيم الذي يعيشون به ومعهم مئات الضحايا الذي سوف يذبحون في يوم من الاي...
