بسم الله الرحمن الرحيم
نفكر نفسنا بالاحداث كدا
اللواء بعت مراد قصر عائله ناتشا لأنهم مشتبهين في سرقه لوحه اثريه ومراد متنكر في صوره ظابط خاين لبلده ومع الاحداث هنفهم اكتر
رعد و وعد حياتهم مستقرة جدا ولكن مع الاحداث كل شئ هيتغير
نورسين وادهم وعز وفرح مشغولين ليل نهار في تجهيزات الفرح والشقه
حور وجوليا ومارت وهمس حياتهم شبه مستقره ..
ولكن حور وحشها عائلتها ومراد .. وهمس لسه قلبها مع رعد .. وجوليا بتفكر في اختها المختفيه
اما مارت فهو بيهون عليهم التلاته كأنهم مسؤولين منه
مالك مشغول مع فتون والتلت توام تعبنها جدا ومعظم الاوقات مش بيروح الشغل وسايب الحمل علي زهره وشريف
هشام الدمنهوري لسه بيتابع اولاده من بعيد وبيحاول يساعدهم علي قد ما يقدر
قدر بدأت تنزل تدرب في التحقيق الجنائي وفي نفس الوقت بتابع تجهيزات فرحها وجاسر متجنن منها ومانع نفسه عنها بفارغ الصبر لحد الفرح
عدي وغزل بيخططوا للمشروع ومعظم الوقت بيقضوه في المانيا لأن المشروع هناك
أمام ڤله ادهم ونورسين
نورسين بفرحه : بص يا ادهم .. يدوبك اخر لمسات وتبقي كملت
ادهم : مبسوطه ؟
نورسين بصتله : طبعا يا ادهم متتصورش ازاي
ادهم رجع شعرها لورا وبحب : واللي جاي احلا يا نورسين .. كل اللي مرينا بيه هنعوضه سوا
نورسين : قصدك كل التعند بتاعنا والعناد
ادهم ضحك : والموامرات والخلافات
نورسين : احنا فعلا مقدرين لبعض يا ادهم .. شوف مرينا بكام حاجه سفرك علاقتك .. اخر مشكله في الشركه ويوم موت وائل عسكري رعد .. كل المواقف دي كانت بتفرقنا عن بعض
نورسين حطت راسها علي صدره : بس الحمدلله عدت علي خير .. ادهم انت مش هتسمح نمر بحاجات زي دي تاني مش كدا
ادهم اتنهد : بتمني .. ولو حصل وجه صدقيني مفيش حاجه هتأثر علينا طول ما انتي جوا حضني
نورسين : ربنا يخليك ليا يا حبيبي
بعيد عنهم بشويه عند هشام وجميله ومروان وجنا وناجي بيتفرجوا علي العمال وهما بيشطبوا الفله
مروان بضيق : بص ابنك واخدها في حضنه ازاي
هشام ضحك : مراته بقي
ناجي حب يغيظ مروان : يا سلاااام ؟؟ ما بنتك هي اللي حضنها بردو
مروان : ابعدوه عني لحسن والله ابوظ ام الجوازه
جميله : لا وحياتي .. عز يروح فيها دا مستني ادهم يتجوز بفارغ الصبر
جنا اتنهدت : لو حد جه قالي من كام سنه أنه نورسين وادهم هيكونوا سوا وعز هيتهد ويتجوز ومالك اخيرا هيشوف نفسه ويتجوز وقدر اللي بتكرهه الصنف تدوب في جاسر كدا عمري ما كنت هصدق ولدنا كبروا بجد يا جميله
جميله بدموع : اوي يا جنا .. لو اطول اوقف الزمن واخدهم في حضني كلهم
جنا عيطت : حضننا مبقاش ليهم خلاص كل واحد مع شريكه
ناجي بضيق : هيقلبوها مناحه بقي
مروان : خلاص يا جنا
جنا : حبيبتي يا نورسين هتبعدي عن امك بعد الزمن دا
جميله : ولادي كلهم بيبعدوا عني يارب صبر قلبي علي فراقهم
هشام بصدمه : ڤله نورسين وادهم لازقه فينا ومالك وفتون يعتبر عايشين عندنا بيروحوا ايام بس وقدر وجاسر لازقين في اوضتهم ليل نهار !!!
جميله بصتله بطرف عينها : وعز وفرح ؟
هشام : دا بالذات مش عايز يبقي قريب مننا ما صدقنا هنرتاح شويه يا جميله
جميله : لا يا هشام انا عايزاه جنبي !
هشام : وهتبطلي عياط.
جميله : ايوا ..
هشام : عوضي علي ربنا .. شكلي هفضل طول عمري اربي فيهم
جميله بصت لجنا وضحكوا لبعض بخبث .. وناجي لاحظ
جنا : دخل عليهم الموضوع
جميله : قولتلك ..
ناجي : بقي انتوا بتضحكوا علينا بشويه الدموع دي ؟
جنا بخضه : ناجي اوعي تجيب سيره لحد انت سامع ..
جميله : احنا عملنا كدا عشان ولادنا يفضلوا جنبنا لو سبنا الموضوع في ايد مروان وهشام انت عارفهم
ناجي ضحك : خلاص مش هقول حاجه .. انا ماشي هروح اشوف حاجه تتاكل
ناجي مشي وجميله وجنا بصوا لبعض بأستغراب من صغرهم وناجي لما بيقفشهم بيطلب منهم طلب مقابل أنه يسكت
جنا : هو مشي ؟
جميله : ومطلبش حاجه مننا ؟
جنا ابتسمت : كبرنا بقي يا جميله مبقاش في داء العيال الصغيره دا
جميله بشك : غريبه ..!
فجاه ناجي ظهر من وراهم ومعاه موبايله : دي هنا اخت مراد التهامي .. يعتبر هي ومازن مع بعض ليل نهار .. بعلاقتكم بكلامكم عايز مازن يتهد ويبعد عني ويتجوزها ..
أنت تقرأ
بين احضان منقذي ♥️ جزء اول (1)
Romanceهي حور ظلت مخطوفه طوال حياتها في روسيا ذات براءة اطفال حتي أنها لم تكن تعلم أنها قد اختطفت بجمعها القدر بهمس صديقه عمرها الذي عند إتمامها سن ١٩ تقوم بكشف سر ( Inferno Rusia) هذا الجحيم الذي يعيشون به ومعهم مئات الضحايا الذي سوف يذبحون في يوم من الاي...
