كلهم جنود اله انته ضابط 👮♀️ قلبي
نبدي .....
قبل كلشي اني غيرت بالاسماء بطلب من ابطال القصه
حبيت اشرح عن ابطال القصه بل بدايه حتى تعرفوهم
هلو اسمي اوركيد طالبة جامعه عمري ٢٢ سنه حاليا اني قصيره طولي ١٤٨ 😂😂ادري كلش قصيره حنطاويه شعري طويل بني وعيوني سوده اني طالبة هندسه .
نجي للبطل
السلام عليكم اسمي علي عمري ٢٧ سنه ضابط وخريج كلية قانون ابيض طويل طولي ١٩٢ طويل 😂😂 ماعرف شلون حبيت قزمه
نبلش بلقصه وتتعرفون على باقي من خلال القصه اهم شي الابطال
اوركيد جنت نايمه ودك منبه تليفون مجان بيه حيل اطفي بس جنت مجبوره اكعد المهم كعدت بعد معاناة طفيت المنبه ودخلت سبحت وطلعت اسشور وامكبج بعد طالبة جامعه المهم كملت مكياج وشعري وكعدت اختار ملابس لبست بنطرون قماش جارلس ضيق هواي 😂😂 وبدي اسود نص ردان وجنطه خضره وحذاء اخضر ولبست وفتحت شعري جان كلش حلو طالع طويل سويت اطرافه كيرلي نزلت سلمت على امي ترزلت كلعاده لان متاخره وطلعت صعدت بسياره وصلت للجامعه دكت عليه صديقتي جيهان من صبح احنه متعودين اني اكلها وير ار يو وهية تجاوبني فا اني بلغلط فتحت سبيكر وكتلها وير ار يو كالت قانون يو يعني بناية القانون المهم
كلتله وصلت اكيد بعد ضحكت سايق وابنه علينه المهم
دخلت للجامعه طبيعي سلمت على جيهان كعدنه نراجع امتحان دكتور علي الي مستحيل احد ينجح بي المهم دخلت للامتحان واني خايفه ومن اخاف بطني تصير تاذيني دخلت امتحنت ماكول جاوبت بس سؤال واحد
جيهان : اوركيد جاوبتي .اوركيد : طبعا لا كلعاده
جيهان : دكتور ادهم يريدنه بناية الاسنان كال تعالو
اوركيد : يله ماشي نروح
بقينه طريق كله نضحك على نفسنه لان ممجاوبين
المهم دخلنه لبناية الاسنان جانت هوسه لان طلاب الاسنان ديحضرون لحفلة تخرجهم فا كاعد يزينون البناية اني دخلت طبيعي ورحت على مصعد
رحنه لدكتور ادهم كملنه منه كعدنه اني وجيهان فوك بقينه وفجاه دك تليفوني (امي ) الرعب الحقيقي 😂😂😂
اوركيد : ها ماما هلو
الام : هلو ماما كملتي امتحان
اوركيد : يي ماما
الام: انتي وين
اوركيد : اني بجامعه كملت امتحان وانتصر محاضره ثانيه
الام : اكلج بيت عمو عزموج على عرس كرايبهم ومحمد ابن عمج قريب على كليه يجي ياخدج
اوركيد : اكيددددد ماما
الام : طبعا بيها عرس وطلعه خابري دلي على كليه حتى ياخذج
اوركيد : تمام ماما
سديت تليفون واني طاريه فرح صار هواي مرايحة عرس وكلش ضايجة وعندي ملابس ملابستهم
جيهان: شبيج اوركيد شكو هل فرحة اجاج عريس
اوركيد : لو يجيني عريس مافرح هيج ثانيا ايع شنو عريس شكو متزوجة كلش ايع خليني هيج
جيهان : قابل عمرج كله تبقين بدون حب وزواج يجيج هذا اليوم
اوركيد : مستحيل ماريد يجيني الله يبعدنا
جيهان : مكلتي شكو !
اوركيد : معزومه على عرسسسس
جيهان : اخذينيييييي
اوركيد : تعالي بس مو كرايب صديق عمي يزوج ابنه وعزم عمي وعمي كله
جيهان : سالفه طويله لعد ماجي
اوركيد : 😂😂😂 يله رايحة
نزلت اركض من درج لان محمد كام يصيح لان تاخرت فوك حتى منزلت بلمصعد نزلت بدرج لابسه كعب عالي لان قصيره 😂😂 المهم نزلت خمس طوابق درج يعني كمية تعب مو طبيعيه فا دانزل ونضربت باحد ........
كلش تعبت بيها واذا عجبتكم انزل تكمله ❤️❤️
