مرحبا راح احاول بهل فتره انزل القصه لان الي جاي احلى بهواي من الي راح اتمنى تعجبكم
اوركيد : علي اني موافقه على الاتفاق بس نفس الي حجيته كدامهم طبيعي بس وحدنا لا كلشي ماكو وكلمن حر بحياته ممنوع تتقرب نهائي لا كدامهم ولا وراهم وكل واحد ينام بجهة
علي : تمام ماشي ، شي ثاني
اوركيد : لا ، يله مع السلامه
علي : باي ، صراحة نصدمت انو وافقت بس كلت ماشي رحت بفراشي واني اتخيل شكلها ماجذب عليكم عرفت نفسي احبها بس علموها سويت هل شي حتى ترتاح يجوز الله يهديها وتحبني بهل سنه هاي الله كريم نمت
اوركيد :كملنا حجي وسديته بس ماعرف الي سويته صح او لا، كعدت ثاني يوم وبدينا تحضيرات العرس وعادي كل يوم نشتري حاجات شوي شوي لحد ما قبل العرس بيومين قررو البنات يسوون حفل توديع العزوبية الي همه ميدرون حبقى مثل ما اني المهم جتي رسل وجايبه وياها هواييي غراض وهواي بنات
رسل : خاله ام اوركيد عادي اليوم نبقى هنا تعرفين باجر حنه ونريد نسوي لاوركيذ حفل توديع وكلشي كملنا
ام اوركيد : هلا بيج بنيتي صدك جذب بيت بيتكم واحنه اهل شوكت متريدون
رسل : مشكوره خاله
اوركيد : اني نايمه وكعدت على صوت اغاني هرجت الغرفه ، هاي شكو شنو وكعدت مكفشه وجهي مورم من نوم وحالتي حاله ، شديصير
رسل : كومي يا عروسه كومي
اوركيد : صدك تحجين رسل مو نايمه
رسل : هيه مال نوم كومييييي
اوركيد : كمت كمت ، وبس اسمع صوت بنيه
اريج : هيه هاي الي راح ياخذها علي
رسل : وشبيها مثل الملاك تخبل عود هسه كاعده من نوم وهيج حلوه بدون لبخ ههههههه
اريج : هلو اني اسمي اريج عمري ٢٥ سنه واني اصير بنت خال علي وعلي هو كراشي وحبيبي واموت عليه بس هو ميدري وجانت امنية حياتي اني اكون زوجته بس ماعرف شلوننن راح واخذ وحده مثل هاي لاخلق ولا اخلاق صح حلوه بس ماعدها من عاداتنا ولا تقاليدنا لا محجبه ولا لبسها طويل فا اني كلش اكرها
اوركيد : كمت من الفراش بس ضجت من حجيها سبحت وطلعت خليت مكياج وبنات مخلصيها ركص جابتلي رسل بجامة عروس بيضه ومكتوب عليها اسمي واسم علي وبدو ركص وسوالف وخلوني اني اركص واني ثقيت بكلام علي وكلت خلي افرح عادي وبديت اركص وبنات دايري عدا اريج طبعا وفجاه خلوني اركص وحدي واندار ورا ما خلصت الاغنيه واشوف علي هنا صدمه جانت مو طبيعيه لان بجامه ضيقه ودلعه وشعري مفتوح على طوله وعطري وهيج وفجاه رسل سحبت علي ولزكته بيه وشغلت اغاني وبدات تصور وعلي خله راسه قريب اذني وكال اسف تحمليني مجبور حتى محد يكشفنه وبدينه نركص بس اني بعدني مستحيه
