هلووووو ويه بارت رقم ١٠
نور : ولج اوركيد دنيا حتصير ضهر يله كومي تاخرتي
اوركيد : هو شكو شبيج وشنو هاي الهوسه
نور : كبر اكو وحده متعرف اليوم الي راح يجون يطلبوها بي
اوركيد : يطلبون منو !!!!
نور : يطلبوج ياغبيه وامج كالت كعديها خلي تنزل جوه اريدها
اوركيد : من كل عقلج تحجي
كعدت من الفراش وطلعت من غرفتي ونزلت على درج وعيوني دمع واسمع صوت هلاهل عماتي وبيت جدو وخالاتي كلهم موجودين اني ماعرف شسوي ماريد اتزوج بهل طريقه ولا اريد اتزوج من هيج شخص علي مو الانسان المناسب علي حجر وكلش صعب ماريده اني اكرها دخلت لامي للغرفه
امي : تعالي كعدي
اوركيد : شنو شكو
امي : داكلج كعدي وسمعيني ، باعي يجوز خلصتي من هذا الموضوع باقل شي ممكن
اوركيد : !!!!! اقل شي ترا انتي جاي دمرين حياتي
امي : لا مجاي ادمرها يجي يوم وتذكرين كلامي عدل وتبوسين راسي على هذا القرار
اوركيد : يعني انتي مخططة لكل هذا
امي : نجبي لج شو انتي متعرفين تحجين
اوركيد : ماكو غير تحليل للاشياء الي جاي تكوليها
امي : ماكو هيج شي لا مخططة ولا غيرها كومي حضري نفسج العالم جايين ساعه ٥ يله تلحكين
اوركيد : ماريد اسوي شي كلشي ماسوي اطلع عادي كدامهم
امي : اوركيد نجبي لشوكت تبقين هيج داكلج تتحضرين وطلعين حلوه غصبا عليج
اوركيد : تمام ، طلعت من غرفة امي واني شايله هم دنيا على راسي الام تكون سند لبنتها تكون صديقه الها تكون بنتها كلشي بنسبه الها مو تسوي هيج بيها الحمد لله على كل حال ، صعدت للغرفه وتحضرت كملت مكياجي وشعري شعري طويل فا لفيت اطرافه وبقيته مفتوح ورا شوي ندك الباب طلعت امي وبيها فستان
امي : هذا الفستان الي راح تلبسي
اوركيد : مستحيل مبين ضيق وقصير
امي : ترا جايين يطلبوج كلش طبيعي
اوركيد : ماكدر البس هيج
امي : تلبسي غصبا عليج فهمتي لو لا
اوركيد : تمام تمام ، اني اكول الها تمام على كلشي لان اخاف تضربني واخاف تكول لابويه كلشي بس بنفس الوقت ماكدر البس هذا الفستان لان مبين ضيق واني جسمي من النوع ساعه رمليه يعني عريض من الوسط وهذا فستان كلش راح يبرز جسمي بس ماعندي حل المهم لبسته ولبست حذاء طلعت كلش حلوه بس مشفت نفسي حلوه اشوف دنيا كلها سوده بعيني لان ماريده نزلت واسمع صوت هلاهل مره لخ كعدت على كراسي ورا شوي كالو اجوي دخلو هواي عالم كلش هواي نسوان بصاله وزلم بلاستقبال فا اني وكاعده اجتي عليه وحده باستني اول وحده وكلش حلوه وكالت معقوله هاي جنتي وطلعت ام علي
ام علي : يمه صلوات شهل جمال حبيبتي يحرسج النبي
اوركيد : مشكوره خاله
ام علي : باعي حبيبي احنه جبنه الج البرنص مال عقد لان علي جاب سيد هم حتى تعقدون
اوركيد : بقيت ساكته ومصدومة ماعرف شسوي وجتي امي
امي : هلا هلا بام علي شلونج اخبارج
ام علي : هلا حياتي الحمد لله بخير وانتي
امي : الحمد لله
ام علي : اكلج عيني اليوم راح نسوي قراية فاتحة وعقد سيد لان علي جاب سيد همات
امي : بس محد كال النه
ام علي : كلنه لابو اوركيد وكال عادي
امي : لعد اذا ابوها موافق هذا هو
اوركيد: اني اباوع عليهم وماعرف شنو جاي يصير ماعرف اني بعالم ثاني بعيد عليهم وهمه يركصون ويضحكون واني اباوع عليهم ماعرف شسوي ورا شوي وحده صاحت يله حضورها راح يجي السيد لان قرو الفاتحة
وجتي امي وام علي ولبسوني برنص العقد والشال ودخلت بغرفه امي واجة علي ورايه بس مشفت وجها ولا هو شافني لان متغطيه
السيد حجة طقوس العقد ووافقنه ثنينه بس الي صدم امي وصدمني صراحة هو المهر معقوله علي مخلي ١٠٠ مليون مهر المهم ورا شوي طلعنه من الغرفه ورجعت بصاله وهلاهل وجلكيت وركص وكالو اجة علي اني هنا وكف قلبي ماعرف شنو صار بيه ماريد اشوفه ولا اسمع صوته لان ميستاهل واجة كعد يمي بكل برود وضحكه شاكه حلكه قرب على اذاني وكال
علي : مبروك علينه حبيبي
اوركيد : الله يبارك بيك ، بس اني مصدومه بفرحته ، معقوله فرحان بخطوبتنه ، زين لبس هيج سوا لعد ، الف فكره صارت براسي صافنه وفجاه اخته عاطت
رسل اخت علي : علي شنو مستحي منها قرب عليها ترا هيه مرتك صارت قرب حتى اصوركم
علي : ادبسزز انتي
رسل : هسه اني شمسويه موزين يعني
علي : امري لله قربت
اوركيد : علي هاي شجاي تسوي
علي : شجاي اسوي ترا مرتي
اوركيد : واذا مرتك هيج تسوي
علي: اسوي اكثر هههه
اوركيد : شكد مقرف
علي : شنو كلتي
اوركيد : هيج مكلت
رسل : شبيك يحضي دبوسها
علي : ولج ادبسزز شو طالعه عينج
رسل : عمري ترا هاي من تقاليد لازم تبوس
ام علي : يي يمه لازم تبوس مرتك
اوركيد : ماعرف شسوي من كلامهم بس اني ماريد يبوسني لان تلعب نفسي اني اكرها ماريده ماعرف شسوي وفجاه علي قرب عليه وباسني وكلها تهلهل وفجاه علي صاح رسل وشاورها
علي : .......
