هلو . ان شاء الله راح احاول ابدي شوي شوي لان بعد ايام رمضان وداحاول اكمل القصه وان شاء الله تكمل
علي : الووو، يله نزلي اني واكف بل باب ، وجربي لتنزلين او جربي تكولين بعدني ممسويه شي هسه بسرعه تنزلين
اوركيد : ترا كملت بس انطي مجال نازله لتصيح عليه ماكو داعي
علي : بلا كلام زايد بسرعه نزلي
اوركيد : تمام ابويه كاعد هسه انزل
علي : سلميلي عليه
اوركيد : متنزل ؟!
علي : شعندي نازل
اوركيد : لان ابويه كاعد
علي : جيت نزلت
اوركيد : تمام ، وسديت الخط واني كل كلمه يحجيها تشك قلبي ودمرني مستحيل هذا الشخص الي كلي احبج معقوله جان يريد بس يضحك عليه بس علاقه بدون زواج وامي سوت هذا شي وهسه صار يكرهني لان لو يحبني ميسوي هيج ميحجي هيج ويكسر قلبي الله كريم حسبنا الله ونعمه الوكيل ماعندي غيرك اللهي ، وكملت كلشي اخذت جنطتي ونزلت جوه ابويه كاعد وعلي وامي
ابو اوركيد : هلا بنتي تعالي خطيبج هنا
اوركيد : هلا بابا ، يي ادري
علي : سمعت صوت كعب واني كبل باوعت على درج واشوفها نازله وطالعه ملاك الشعر نازل والوجه يجنن والعطر ترس البيست والملابس تجنن ماعرف شلون سيطرت على روحي طالعه تموت سحلت قلبي سجل
اكثر كمله مشهور بيها البطل اكل راسي بيها 😂😂😂
اوركيد : اني سبحت وطلعت سشورت شعري وسحبته وشعري كلش طويل
ولبست بنطرون جينز وبدي ابيض وخليت مكياج خفيف وعطر ولبست حذائي ونزلت واشوف علي عيونه اكلتني اكل كمت ماعرف احجي ولا امشي حتى
😂😂حقج عيني حقج
المهم خلي نكمل القصه بلا مقاطعات
وهنا سمعت صوت ابويه وهو يحجي ويايه ورديت عليه
علي : يله عمي من رخصتك لازم نروح حتى منتاخر
ابو اوركيد : اخذ راحتك وليدي وخليها بعيونك هذي امانتي
علي : لتخاف عمي امانتك يمي بلحفظ وصون على عيني وراسي يله مع سلامه
اوركيد : مع سلامه بابا
طلعت واني كلي ارجف وماعرف شنو اسوي شنو راح يصير هسه وين راح نروح
علي : احم احم ، متحجين شبيج ماعندي لسان
اوركيد : شحجي
علي : اي شي بكيفج بس لتبقين ساكته
اوركيد : ماحجي وماريد احجي
علي : ليش !!
اوركيد : مايعجبني احجي وياك ولا اريد احجي اصلا
علي : احجي عدل لا افرك حلكج
اوركيد : بقت على هاي انته لو ضاربني الف مره ولا مسوي الشي الي سويته احسن على الاقل جان الوجع يوم يومين ويروح انته ماعرف شلون عايش بهذا عقلك المتخلف
علي : اوركيددددددد نوب تغلطين عليه لج ادبسزززز يلي ماعندج تربيه ولا عندج اخلاق خرب يومه اني تغلطين عليه
اوركيد : عندي كل الاخلاق وتربيه ما اسمحلك تحجي عليه فهمت
علي : راح تخليني انتقم عليج ولج اسكتي انتي شنو وتحجين ولج اكص لسانج ادبسززز خلي اسمع منج صوت وشوفي شنو اسوي بيج
اوركيد : احجي شنو تريد ميهمني
وفجاه واحس ايد عصرت وجهي وجه علي صار بوجهي وعصر وجهي ومكدرت اتنفس ولا احجي وتوجعت كلش
علي : باعي لج قندره انتي منو وتحجين عليه هيج شنو انتي والله اذا سمعت منج صوت انهيج واموتج فهمتي ادبسزززز
اوركيد : بهاي لحضه حسيت دنيا ضلمت بعيني اكثر حسيت نفسي كلشي ماشوف بس وحش يهجم عليه دمعت عيني وبقيت ساكته طول طريق ماحجي بس دموعي على عيني وفجاه وكفت سياره واني اباوع باب مستشفى
اوركيد : شدنسوي هنا
علي : اجراءات زواج لازم تبدي منا
اوركيد : تمام
علي : عدلي وجهج عبالك جايبج سحل وغصبا عليج
اوركيد : وشنو جذب هل شي
علي : نزلي وبلا صوت
اوركيد : عدلت وجهي وكملت بقت بس الحمره طلعت الحمره وجاي اعدلها ، وفجاه واحد صافن بوجهي ويباوع
اوركيد : شبيك
علي : ذبي الحمره كافي
اوركيد : مو كلت عدلي وجهج وداعدل
علي : يي بس كافي لتخلين حمره كدامي
اوركيد : وليش يمه
علي : ماتحمل واتهور
اوركيد : تتهور بشنو
علي : وين تريدين توصلين
اوركيد : انته كلت اتهور تتهور بشنو
علي : يعني اكل هايه الشفه هيه وحمرتها لان ماتحمل
اوركيد : شهل حجي متستحي انته شبيك مخبل
علي : هو شنو ما ستحي شنو مخبل ترا مرتي
اوركيد : واذا مرتك هيج تحجي
علي : ترا بعد فتره اطبق مو بس احجي
اوركيد : باحلامك طخني
علي : الله كريم هيج نزلي نزلي ويصير خير
اوركيد : نزلت واني افكر هذا شبي مخبل
ودخلنا للمستشفى ودلونه على غرفة تحاليل دخلت كالو يله لازم نسحب دم
اوركيد : علي ادخل قبلي انته
علي : ليش
اوركيد : ادخل انته قبلي احسن
علي : تخافين ؟!
اوركيد : طبعا لا بس ادخل قبلي حباب
علي : تمام
اوركيد: ودخل علي قبلي وسحبو منه دم وهسه اني ، اني صح كتله ماخاف بس جذب حتى مابين ضعيفه بس اني كلش اخاف المهم كعدت على كرسي واول مكعدت كتله على كيفك حباب
المحلل : لتخافين مراح تاذي
اوركيد : بس على كيفك ماكدر
علي : كافي اوركيد يله خلي يسحب
المحلل : خليها على راحتها مبينه خايفه
علي : اسحب الدم 😡
اوركيد : اباوع على علي عيونه نفجرت من الغيره ويباوع على محلل يباوع عليه ولازم ايدي يسحب دم راد يموت ، يله اسحب بس على كيف
المحلل : تمام
اوركيد :اخخخخخخخخ 😭😭😭😭ايدي كافي شيلها تاذيت كافي 😭😭😭😭، فجاه احس ايد لزمتني حسيت بامان فتحت عيني طلع علي وشافني عيوني مدمعه كبل حضني
علي : اباوع عليها وهيه خايفه بس تكابر واني نقهرت كلش ومن سحب منها دم عاطت رحت عليها لزمت ايدها وهيه لزمتني قوي كلشششش فرحت بهاي لحضه لان بوقت اذيتها لزمتني ونقهرت على دموعها والخشم احمر والشفه تذبح فجاه فتحت عينها وحضنتني من وجها واني كلت الها ، لتخافين اني موجود خلصت بعد ماكو وخر الابره يله كومي بس دير بالج لدوخين وكامت وفجاه ، اوركيدددددد.........
كلش آسفه داتاخر بس والله داحاول اكمل بس تعب اسفه وان شاء الله ما كطع هواي ❤️
